24‏/01‏/2011

كيكة من درايش

من بعد ما نزلتّ صورة ... الحلاوا في البوست السابق
وانا اهلوس فيها .. واريد اكلها

 وفي ليلة بارده .. كثر الحديث عن الحلويات وانواعها و الوانها .. واشكالها
فتلك سوداء وتلك كب كيك . والباقيات هوت سوس و الشوكلت فاونت و المولتن كيك

فلم تتركنا .. إلا عطشى للكاواو و جوعى للشوكليت

فجلست انا واخوتي على هذه الحالة .. نشاهد " سبونج بوب " كالبوأساء

وإذا بكرتوووون أبيـــض كبير.. بالكاد تحمله الخادمة ... يدخل من الباب

وعليه توصيه : ما يفتحه إلا مستر مطوع

مستر مطوع ....؟  ... عيل هذا اكيد من  عالم الكمبيوتر

جان انقز وافتح العلبة كطفل صغير  ... وإذا بها كييكة لم ار كسماكتها كيكة اخرى




فإذا بها كيكة من اعضاء درايش الكرام .. يهنّوني بتخرجي " المينون" والسعيد

*
طبعاً انا كان  حالي
بالضبط شرات



وصلتني هديّة ..  وصلتني هديّية

* حبايبي الأعضاء .. سوّولي فيديو =) بعد
*وصلتني رسايل عديدة بالتهنئة فجزاكم الله خير يمييييييع


الكيكة اول امس واصلتنا .. ولين الحين .. ناكل منها وبعدها ما طاعت تخلّصت .. مبرووكه =)


شكراً يا درايش

5 حـط تـعلـيـق:

~أم حرّوبي~ يقول...

هههههههههه بالعافيه عليك ..افا عيل نحن مو معزومين لوول

وإن شالله الله يفتح عليك أبوابه ويرزقك الوظيفة اللي تبدع فيها إن شالله :)

بنت البلاد الاصيلة يقول...

تستاهل الخير ياخوي

مع اني هب عضوة في المنتدى ولا اعرفك

غير بالصدفة دخلت هالبلوق وحملت مقاطع سلطة مكس

من بعدها اصبحت من قراء البلوق

واحس انك تستاهل كل خير ياخوي

هذا من طيب اصلك ووفصلك

مبروك عليك التخرج وعقبال الوظيف

تقبل احترامي وتقديري

اختك في الله

بنت البلاد الاصيلة

غير معرف يقول...

والله تستاهل كل خير يا وجه السعد يا مستر مطوع
واعذرنا على القصور لو ندري بالهفكرة اللي أنفر بها أحبتك المخلصون لمنتدى درايش كنت وصلتها لك بنفسي وعليها بوسه

خوك عبد الله من الرياض

FARIS يقول...

مبرووووك التخرج يا بعد قليبي
تستاهل كل خير
ويهنالك التمرقص اللي فوووووق
كااااااااااااااااوتش

من أبوظبي يقول...

تستااهل و عليكم بالعافيه .. ومبروووك التخرج يا طويل العمر ..

والله إني كل يوم أهاذي متى بتخرج خلااااص تشبّعت !!! وكل يوم اتحرطم و سهر و ظلمة خخخ ورقدة عاللاب .. ولله الحمد والفضل والمنّة , يبت الGPA احم تقريبا 4 حق هالفصل و الفصل الياي بيكون التخرج ان شاء الله دعوااتكم...
واما حالتك في الامتحانات هي حالتي بالـــزبـــــــط

موفق دنيا و آخرة والله يجعلنا وإياك من الفائزين في الدارين

إرسال تعليق

كـلمـة ئـصـيـرة .. تـمحـي بلاوي كـتـيـرة