29‏/12‏/2010

كيف ادرس للفاينلز


الموضوع فيه صور متحركة فيرجى الإستغفار حتى تكتمل الصور
= )


،,

بما اني بتخرج قريب فقلت خلوني اخبركم بسيناريو الدراسة مالي


::::

طبعاً اأجل كل الدراسة والواجبات وابروجكتات ليوم قبل الإمتحان
واول ما يأتي هاليوم .. اكون متحمس .. شرات جيه



واول ما اشوف السلايدات والتشبترات  أكون جيه




وعقب  ابدأ افكر .. بطريقة الحفظ .. و احسب متى بخلص لو درست الحين وكم صفحة الفصل






وعقب خمس دقايق من التفكير .. احاول جاهداً المحافظة على تركيزي
ولكن .. اشوف نفسي اسوي هالحركات




عقب اسمع امي .. تزقر على فطاير او شاي
طبعاً انا جيه



اسير آكل ... و ارجع ادرس
ولكن بعد دقايق
ابدا اشتكي من المنهج والإستاذ و طريقة التدريس



وبعد نص ساعة من الهذربان  استسلم ..

وادرسلي لساعة ونص
وعقب ربيعي يتصل بي . . واكتشف ان ( الشابترات = الفصول ) اللي درستن توّي
مش داخلات في الإمتحان
فـ




و عقب ارضى بالواقع وارجع  ادرس وادرس وادرس
بكل اهتمام


عقب ساعة

اتذكر المدونة والمنتدى 
سو آيم لايك



وايلس عالمنتدى  واطب الدراسة

وبجيه

اكون .... احرزت اعلى الدرجات في كل المساقات

^_^"






13 حـط تـعلـيـق:

تونا جاوية بالنكهة اليابانية يقول...

ههههههههههههههههههههههههههههه XD
وقسم صور جييييييدة .. كدا الدراسة ولا بلاش XD

غير معرف يقول...

ما يحتاي .. نفس الحالة @.@!!!

~أم حرّوبي~ يقول...

ههههههههههههههههههههههههه هيه والله جيه الحال ..
موفق فامتحاناتك :)
ونحن وياك

غير معرف يقول...

Been there, done that!
however, i always resort to mind mapping chapters.
this way at least i can relate and recall whatever information i read.
Good luck, bro!
Blue

غير معرف يقول...

والله نفس الحالة عااد الإمتحانات على الأبوبات ><
أحساس خربطيشن أيام الامتحانات ..
حتى تبى تسوي اشياء ما كنت أصلا تسواها.

عااد أسعد لحظة لما ينادوني عسب أكل شي :p

غير معرف يقول...

احلى بارت يوم اقعداحسب عدد الصفحات
واقسمها ع الساعات و يوم ألخص بعد ..

بس جد احسن طريقة اشوفهاللدراسة يوم اقنع عقلي الباطني اني انا الى مألفة المادة D =
و فاهمة كل شي فيهاو بعدين عاد ابدااشرح لنفسي
على هالأساس ^^!
يعني استوي المدرس و الطالب في نفس الوقت
/

ااالله ينهي هالفترة العصيبة ع خير ××

AlRuMaItHia

ذَهـلاء~ يقول...

لووول
ع بالي أنا بس اللي أحسب الصفحات ! P=
أنا كل القريحة الإبداعية تنزل عندي وقت الامتحانات
الله أعلم ف هـ الامتحانات شو بخترع !

غير معرف يقول...

هههههههههه انا نفس الحاله ويمكن العن

الله يوفقك ويوفق الجميع

غير معرف يقول...

وماادري مايحلى الجوع والأكول والتلفزيون والنت الا واحنا نبي ندرس ,,, بس انا اقول التركيز القوي مايجيني الا قبل الامتحان ب24 س ,, حتى لو درست قبلها مااستوعب قد مااستوعب قبل الامتحان بسويعات

الله يوفقك ويوفقنا اجمع يارب

مريم عزيز يقول...

ههههه تجميع الصور خطير ,الله يوفقك ويسهل عليك امتحاناتك يااارب

مستر مطوع يقول...

توووناااا .. تعيش الدراسة تعيييش .. XD
<< يسلملي مرورك الطيب .. زمااااااااااااان

أم حروب ..... اللهم آميين يا رب - )

بلو ... والله اتصدقين من زمااان ما درست بضمير .. لأن الحين الأساتذة ما عندهم ضمير .. مشي حالك في الأمتحان والمهم الروجكت ومني ومناك بسهولة تجيب أ .. مع إنك يبت في الأمتحان 16 من 25 ..؟ كيف تستوي ما دري

عالعموم .. اشتقت لأيام الخرايط الذهنية .. كنت صدق مبدع فيها و ووزعها عالطلاب .. محد يفهما غيري ^(^"


رميثية ... هاي طريقة يديدة الصراحة ... ^^!!

وآمييين يا رب


ذهلاء .. أهلا بك ..والله الظاهر الأغلبية ينابيع الإبداع تتفجر في الغمتحانات ^_^ << والله إنا شعب مب هين .. لكن مضحوك علينا =/

مريم ... لعيونكم فقط ^_^

غير معرف يقول...

عيل انا اطلع ابداعات ..
اسوي بيتزا ,, اي شي اي طبخه بس شرده

واذا خلاص جابلت اللابتوب اوني بجوف فلم عقب ببدا .. او بجيك المنتدى عقب ابدا .. ولين يخلص اليوم ولا ابدا واراضي عمري اني بدرس فالبريكات .. >> بس جي ارضي ضميري


سوال محيرني !!من وييييييييييييين حصلت هالصور !!
بدال ما انك مدور هالصور والانيميشن لو دارسلك كم فصل بتخلص <!! ههههههههههههههههه

دزاستر

الياسمينة يقول...

وبعد نص ساعة من الهذربان استسلم ..


وادرسلي لساعة ونص
وعقب ربيعي يتصل بي . . واكتشف ان ( الشابترات = الفصول ) اللي درستن توّي
مش داخلات في الإمتحان

^
^
^
آووم القهررر O_o"

آما آنا آصير سنعة و رآعية بيت ممتآآزة و آبدآ آرتب غرفتي آللي آرتبهآ بالسسنة مرة << قووية ..

وو آصصير آحب آلآكل وو آطيح بآلمطبخ 24 سسآعة ..

ووبسسسس ..‘‘

إرسال تعليق

كـلمـة ئـصـيـرة .. تـمحـي بلاوي كـتـيـرة