20‏/04‏/2010

كتاباتي و امتساحها


مادري شو اللي مستوي ... خلاااص ضقت ذرعا

كتبت رسالة ومتسحت ورديت اكتبها وامتسحت وبعد رديت اكتبها وامتسحت
وهم رديت اكتبها .. ويوم وصخلصت ييت ابى اكتب العنوان  ....  وقس وات ..؟ 

 امتسحـــــــــــــــــت !!!! والله حالة

مب مشكلة إللي بعدها


كتبت موضوع صارلي اسبوع اعدّل فيه ... وامتسح
ورديت اكتب فيه ..من يديد  وامتسح .. جان اعصّب وافتح الورد واكتب فيه .. نفس الكلام .. ومب من قلبي هالمرة .. وامتسح ..
!!!!!!!!!!!!



ما علينا

قبل شوي قعدت اكتب رسالة بالآيفون .... طويلة شوي  .. وامتسحت
ورديت اكتبها وامتسحت .. وامتسحت وامتسحت وفي كل مرة تقل الكلمات وتفنى العبارات
والشغل يمتسح ويمتسح ....

صدق طفرت

:

!

كم مرة " مستعدّين " تعيدون كتابة ما امتسح من كتاباتكم

؟^_^


14 حـط تـعلـيـق:

(: Smile يقول...

ول ول ول ول ... دليت تحول سكني ؟؟؟

وبعد كل مراحل المسح والمسح والمسح بعدك عايش ؟؟!!

ماشي كوبي ؟؟؟ باك اب ؟؟؟ ريفرنس ؟؟!!

خخخخ ... مستر والله ان لك بارض عجييييب :)

Jodiy يقول...

وي وي مثابر والله :d
ذكرتني مره كتبت موضوع وتحمست با المدونه وانزل صور وارتبها وكلش ويوم جيت اثبتها ضغطت شي با الغلط ويوم رجعت الصفحه ولا انمسح كل شيييي ..
هي مره وحده وبغيت اشيل الكمبيوتر واشدخ فيه من القهرر.. >.<"
بس عدت سليمه هيهي ..
يعني عادي انت ماعندك مشكله بااين ..!
احس الأعصاب خلااص تتلف ههههههههههههه
يعطيك العافيه

غير معرف يقول...

يالله ... بالك طويل... والله يجعلك الخير في الجاي
وجط ببالك دامه اتمسح يعني الخير بيجيك في أحسن منه
بس لو صارت فيني بتدمر نفسيا ... تحياتي

غير معرف يقول...

:S
ماشاء الله لك بارض غير طبيعي ياخووي
يمكن درس لك عشان كل ماتكتب شي تتأكد إن عندك Backup حق هالشي :P
>> لو انه مكانك جان تأزمت نفسيتي ='(

قواك الله يالطيب

"mime Al.shaikh"

Meera Al Blooshe يقول...

خخخ حلوة هاي وامتسحت ..

بنسوي مسابقة : كم عدد المرات التي ذكرت فيها كلمة وامتسحت ؟ ^^

وشسمه انا عن نفسي إذا شفت السالفة فيها وامتسحت اتعلم درس واسوي كوبي بيست للكلام عشان إذا اتمسح يكون عندي الكلام =)

ضحكتي ماركة يقول...

في اختراع اسمو (( save )) ولا انا غلطلان ؟؟

SCRIBBLE ..♥ يقول...

خخخخخخ ماعليه ماعليه في كل مره تعيد يتحسن خطك P;

حاولت أنسى يقول...

لو كنت بدالك

اقل شي بسويه اني اودر البلوك كمن يوم

وعقب بصيح

وعقب

بفكر اذا مممكن ارد اكتب والا

صدق صدق صدق

فيك طوله بال عجيبه

الله يحفظك

Coconut يقول...

كنت مره اترجم موضوع ولما خلصت وجيت انسقه ..كليك وانمسح كلل شي..كنت راح اتجنن..وكانت المره الوحيده الحمده
وجواب السؤال ولا مره راح اعيد الكتابه ..الله يعينك ..

اخوي في صفحه على الفيس بوك اسمها فريق صديق الفقير الخيري.. قلت يمكن تحب تشارك فيها ..وتكسب اجر..
دمت بخير

أندلسية يقول...

على حسب الهدف من الكتابةو مدى تصميمي على توصيل الفكرة أو إخراجها من مخي :O .. يعني عادي عشر مرات <__<

أظني كل انسان تستوي معاه هالحركة بيتعلم قيمة الورقة و القلم XD

التقوى خلاقي يقول...

مرتين لا ثالث لهما في نفس الوقت..
قد أعيدها في وقت "روقان" ومدى الأعصاب أرتاحت أشوي
وعلى حسب المكتوب..
والله المستعان شيء جد يرفع الضغط
وأوقات أفكر أمكن سبحان الله موخير لي أني أنزل هالشيء أو أرسل هالرسالة..
وقتها أفكر في الإستخارهـ وبعدين
{وإذا عزمت فتوكل على الله}
..
آآآآخ كاد يتمسح ردي..الحمد لله..
{اللهم صل وسلم على محمد}

3yoOn يقول...

يا طولة بااالك والله >_<

احيد مره كنت اكتب essay في البريك والتسليم الكلاس اللي عقب البريك >_< وانمسح كل شي شو انقهرت زين ما صحت >_<

بس والله قهر يوم تتعب على شي اخرتها يروح كل تعبك >_
< ..’

غير معرف يقول...

اممم صارلي هالموقف مرة ويوم رديت كتبت سويت كوبي للكلام عشان لو " امتسحت " الكتابة ما ارد اعيد واعصب !!!

غير معرف يقول...

>< صارلي ها الموقف اكثر من مرة

وخاصه يوم الواحد يكتب من خاطره ويبدع

وشوي ألا انمسح كل شي

عاد حتى لو انعاد مية مرة مابيظهر نفس اللي قبل

ما اوصيك مطوعنا يوم اتحيد عندك شي تاعب عليه

كل شوي سيفه ولا حطه فملاحظة عشان مايصيلك نفس ها المواقف اللي تقهر

وانا عني لو رد يصيلي جي مستحيل اعيده ألا اذا هدت اعصابي اما فالثالثه مستحييل بنسى السالفه بكبرها

إرسال تعليق

كـلمـة ئـصـيـرة .. تـمحـي بلاوي كـتـيـرة