20‏/02‏/2010

نون - noon


امسات ... سرت دبي مول ويّـا العايلة الكريمة

وسكنـّا في ذا آدرس
وكان مشّي حالك يعني

:::::::::

المهم .. الرحلة خذت 3 ايام فتخيّلوا
ثلاث ايام في المول ... اكل ولعب وترفية ومشترى ... صدق وع !  بجد

نفسيتي اختربت ... وقعدّت اصبّر نفسي بالأجر .. و ركّزت في اليهال وكيف ممكن اسلّيهم

فشغلوني ويّاهم .. و تعبت وانا اركض وراهم .. (مشكلة العيال المتعوّدين عخدامات ) غرر

فكانت اللحظة الوحيدة إللي برقت اسارير وجهي يوم شفت محل
noon

للملابس العربية " الإسلامية " إللي تكلم عنها الشقيري في خواطر 4

 !..ياحلاته ديزاين المحل والشعار وحتى .. الكيسه


فحباً بديننا ودعماً للغتنا .. واخواننا المسلمين .. والمبدعين خاصةّ

شريت لي 3 قمصان
وام يابر نقّت إلها 3
واشترت حق خواناها عـ قميص قميص

الديزانيات  الرجاليةّ كانت محدودة ... وعقولتهم الحلوات في الطريق .. ولكن أبينا إلا ناخذ من عندّهم
لكن النسائية .. جميلة للغاية .. خاصة الغامجة منها

وكانت الفاتورة شوّي غالية .. بس .. " كلّه عشان خواّنا " يسوى

620
درهم




13 حـط تـعلـيـق:

غير البشر يقول...

والله شي حلو ^^
القميص الواحد جم سعره ؟

المعاني حروف يقول...

رائع .. حلو بدل الكتابات الأجنبية ، إبداع في تقديم رسائل إيجابية في الحياة

غير معرف يقول...

غطيييييييييت ع اعلانات سما دبي وو مهرجآآن التسوق

خخخخخخخخخخ

حلووووووة الفكرة
بعد نحن عدناا شباب الامارات و أنا أفتخررر فيهم
عندهم أفكااار ابتكااارية ..

مستررر مطوووع ما مرييييت على محلاات زقرت لازم تشجع شبابناا

محل زقرت من انتاااج شباب الامارات ولهم موقعهم الخاااص بعد وهي فكرتهم تقريبا نفس نوون بس بطااابع اماراتي ..

الودادي

غير معرف يقول...

هيه نسيييييت عندي سعآل أخ مطوووع

أصحاااب الفكرة ليش اختارواا اسم المحل نووون ؟

Meera Al Blooshe يقول...

والله اول مرة اسمع عن هالمحل .. سمعت عن ميم بس ما سمعت عن نون .

عسى يا مسترنا قضيت أجمل الأوقات مع العائلة ^^

غير معرف يقول...

تسلم مستر مطوع عالدعاية
وان شاء الله نوصل دبي مول
ونشوف الكولكشن الموجود عندهم

arch

غير معرف يقول...

ما شاء الله ابداع..
حصلت هذا الموقع لبيع قمصان نون

http://www.thakafa.biz/cgi-bin/category/0012

(: Smile يقول...

انترستينق ... حلوة طلعه العائله ... خاصا ويا يهالوو :)

زين خبرتنا ... بنتريا اليديدات نسير ناخذ منهن :)

حلووووة القمصان ... لازم ندعمهم ... من غير اصابات :)

مستر مطوع يقول...

غير ........ ممم مابين 90 و 160 درهم


معاني .... صحييييح واستايل

الودادي .... وين هذيلا بعد ... ؟ دلّينا

وبصراحة ما عرف ليش سموه نون ... يمكن حرف عربي :)


ميرة ..... والله الحمد لله .. سوّينا ريفرش

آرك .. انصحج بالغامجات

سمايل ... اشترلي واحد من هاليداد عيل = )

مبدعه يقول...

اول مره اسمع فيه بس افضل من الكتابات الاجنبيه

حيااااك في مدونتي
http://wwwsdghkllkhfcom.blogspot.com/

غير معرف يقول...

أخوووويه مستر

محلاااات زقرت عندهم موووقع في النت http://www.zgertbrand.com

تقدر تطلب من عندهم عن طريق النت و بأسبوع واحد توصلك الطلبية

وعندهم كشك في القرية العالمية <<الحق عليييهم ما بقى شي خلاص بتسكر قريب

أنا انجذبت للفكررة كونها انتاج شباب الامارات زززين طلع منهم شي ززين <<خخخخ بس ما دري اذا بتعيبكم ديزايناتهم

الودادي

كوفية يقول...

حلوين واو :)

غير معرف يقول...

أهل جدة فيهم الخير إنهم يفكرن يعملون شي زي جذي. فعلا شيرتات تخبل.

إرسال تعليق

كـلمـة ئـصـيـرة .. تـمحـي بلاوي كـتـيـرة