05‏/01‏/2010

حـمـلـة إقراها صح






الخير فيها وضح ... فيها ارقى المعاني
خلنا نقراها صح ... هذه السبع المثاني




تحت شعار

( أقـــرأها صــــــــح )

من اجمل الحملات  واكثرها " تركيزاً على الهدف " فجزاهم الله خير

للآسف في الكويت فقط  ... بس ممكن نحوّرها لتتناسب معانا بطريقة او باخرى ..
" any idea ? "


14 حـط تـعلـيـق:

(: Smile يقول...

يزاااااااااااااك الله كل خيييييييير

كنت أتريا موضوع مثل هذا ينطرح

أول شي النشيدة راقية بكلماتها

وفكرة وايد حلوة تخدم الدين وبالاخص تخدم عمود الصلاة


ف رايي ان كل واحد يقدر يبداها بنفسه ومن ثم أهل بيته

يعني يكفي الواحد يتأكد من انه يقرا الفاتحة صح - من شريط ولا غيره- وبعدين يخبر اهل بيته عن ها الشي وربعه

بس التركيز الاكثر بيكون على الناس الاجانب = يعني مب عرب

فنقدر انتابع ويا المؤذنين ونفهمهم ان الفاتحه لازم يقرونها صح في الصلاة - كل واحد يعابل مسيده- ودريول البيت والبيدار(المزارع) والحارس وغيرهم من العمال <<<انتبهوا ترا ها الشي بس حق الشباب

اما البنات فعندهم البيبيات(اليهال=العيال الصغارية) وعيايزنا والبشكارة - اذا كانت مسلمة - يبدون يعلمونهم (مب عيب وبتحصلن أجر) ويتابعونهم

ونقدر عن طريق الايميلات نسوي ايميل محترم يكون موحد بينا ويطرش على كل اللي نعرفهم - لان المسألة مجرد تذكير واللي يبا الخير بيقوم بها الشي-

أقترح أن المنتدى يكون المنطلق

مادري ليش يوم أعلق وايد ارمس !!!!

ومنكم السموحة

غير معرف يقول...

السُلامٌ عليكمٌ و رحمهٌ الله

يزاكٌ اللهُ الفُ خيرٌ مسترُ

حملة يديدهٌ منُ نوعهاُ و طيبهٌ فيُ طرحهاٌ

واناُ مع ُُ اخويٌ( Smile )

تكونٌ الانطلاقُه منٌ المنتدىٌ

و يومُ عنٌ يومٌ بتنتشرٌ

خويتكُ
Just Smile

طفلة مبدعة يقول...

السلام عليكم و رحمة الله و بركاته
حملة رائعة
و انا اقترح انه نسوي هالحملة في منتدياتنا
و البداية من مدونتك
و كل واحد يسوي كوبي للحملة و يحطها باي منتدى هادف يعرفه ، و لازم تتم مناقشة هالحملة في المنتدى من قبل العضو اللي حط الحملة، بهالطريقة هالحملة بيكون لها تاثير..
و كذلك نقدر نتعاون مع ائمة المساجد بحيث انهم يسووا حلقة بعد صلاة العصر مدتها 10 الى 15 دقيقة..
و بعد لو ان حد يقدر يوفر لنا المحاضرات اللي يسوونها و نجمعها في سي دي..
و نقدر نتواصل مع اي برنامج اذاعي لقراءة القران مثل برنامج في اذاعة نور دبي و نقولهم ان هالحملة تهدف الى تصحيح قراءة سورة الفاتحة و نبغي منكم انكم تخصصوا حلقة خاصة لهالشي و تكون الحلقة بعد فترة كافية بحيث يتم الاعلان عن هالحلقة في الاذاعة و في الجرايد عشان يزيد الاقبال منقبل المستمعين لسماع هالحلقة..
اسفة لاني طولت وايد بس أحس عندي وااايد افكار و خاطري اساعدكم..

غير معرف يقول...

السلااام عليكم

حلوووة الأفكااار بس عااد منوو اللي بيطبق وعربناا هالأيااام اذا الوحدة مسكت لها وحده ويلست تنصحهاا تعصب و تظايج منهااا ..<<الناس تغيروا <<

بس الشااطر اللي يعرف كيف يوصل الفكررة صح و انا في البدااايه ببدى بنفسي و بعدين بــ هلي و بعدين انشالله بوصل الفكررة لبنااات المدرسة×× بتعاون مع أستاذة التربية الاسلامية ×× عساا الله يهديهن << آآمين ..

ربي يوفقنااا جميعاا الى ما فيه الخيرر

تقبلووا تحيااتي

الودادي
^^

اقصوصه يقول...

جزيت خيرا لتعريفنا بالحمله :)

غير معرف يقول...

الله يثيبك دوماتنقل الخير وتحرص على نشره هنيئاً لك ,,,

بطة النشيطة

sosho يقول...

ماشاء الله
صراحه
حملةرائعه أعجبتني أقتراحات الاخوان خصوصا سمايل
بس ملاحظه
خريج جمعات ولاهم عارفين يقرون الفاتحه
صدقوني التركيز مو للأجانب بس
ربي يوفقك كل من يسعى لخدمة الدين

M!Ss No Name يقول...

شي جميل ,,
و يزاك الله خير مستر ,,

و انا على طووول خبرت خواتي عن الحملة << ماشاء الله صاروخ هعع
و يعطيك العافيه

آية سباق يقول...

ماشاء الله حمله رآئعه بوركت جهودهم
طيب فى فكره صغيوره كل واحد مننا لو ملتحق بحلقه تحفيظ وتجويده متقن ليه هو ما يعلم او ياخذ من وقته 10 دقائق مع قريب من اقاربه ف اليوم اللي يتجمعو فيه عن نفسي كل اسبوع الحمد لله كل عائلة"امى " بتتجمع يوم الخميس وعيلة ابوي يوم الجمعه
المهم يهدى له مقطع سورة الفاتحه ممكن زى الشيخ عبد الباسط او المنشاوى لان تجويدهم واضح وقراءتهم بطيئه وبتأنى والحركات واضحه وكده
او يقراها معاه واكيد الانسان لانه اتعود يقرأ بطريقه غلط ف راح ياخد وقت ف لازم تكون دى ف الحسبان وبس
هو ده اللي جيه ع بالى وان شاء الله
هنا رابط لسورة الفاتحه للشيخ المنشاوى
http://www.4shared.com/file/88478360/9e97891/_-_online.html?s=1
ولما اشوف بنات خالتى ارسلهم المقطع وان شاء الله ف ميزان حسناتك
الدال ع الخير كفاعله
:)

آية سباق يقول...

http://www.4shared.com/file/161934454/315892af/_____-_1__.html?s=1

وهنا للشيخ عبد الباسط ^^

(: Smile يقول...

وعليكم السلاااااام ورحمة الله وبركاته <<<على اللي مسلمين فوقي

فائدة: ترا رد السلام واجب...

أبشركم جماعة أمسات بديت فأول صيدة اللي هو راعي الدكان الساعة 12وربع فالليل - متفيج صح!!-

ويلست ارمسه عن قراية الفاتحة صح وكيف يقراها وسويتله براكتس بعد ... وقلتله تراني عقب فتره بسمعلك مرة ثانية

تراني ارمس صدق مب يالس اتمصخر

تصدقون انه استااااانس ... والله ما تصورت ان جي بيستانس

صدق حسيت بالتقصير اتجاه دينا :(

يالله شدوا عزايمكم وابدوها ويا اقرب واحد تشوفونه

ما طريت هلي لاني مجيك عليهم انهم يقرونها صح


اللهم لا عيش إلا عيش الآخرة...

مستر مطوع يقول...

وعليكم السلام ورحمة الله وبركاته جميييييع



سمايل 1 .............. انته ما دري شسالفتك ويّـا الدريول ^_^! وما شاء الله على افكارك .. ( لازم توفّرها حق منتدانا )


جست سمايل ...... إن شاء الله بتكون احلى انطلاقه :)


طفلة .. اظنّي موقعهم فيه كل إللي ذكرتيه .. وليش لا ما نسوّي رواحنا هالشي ^^

الودادي .... يبيلنا تنظيم .. وما شاء الله عليج انطلقتي

اقصوصة & بطة & مس نونيم ..... وجزاكّن

سوشو ... الكل محتاج تذكرة و مذاكرة و " وذكّر "


آية .... اكثر ما اعجبني في ردك السطر هذا :

(عائلة"امى " بتتجمع يوم الخميس وعيلة ابوي يوم الجمعه) ... إتصدقين دايماً في مشاكل بينا في عايلتنا ... واظن إن هالحل الصحيح . .إننا نخصص يوم الجمعة للخوال و اليوم الثاني للأعمام

وجزيتي خيراً على الأفكار والمبادرة


سمايل 2 ............. بارك الله فيك ...ذكرتني بنشيدة (كن نافعاً) يا صاحبي إللي لحنها يضّحك

روان يقول...

شكرا لك :]

فراشه يقول...

مشكووور اخوي يعطيك ربي الف عافيه

إرسال تعليق

كـلمـة ئـصـيـرة .. تـمحـي بلاوي كـتـيـرة