02‏/01‏/2010

ليلام أول السنة

i read that inspirational quote last naight .. and it moved somthin ^-^"


" The best way to make your dreams come true is to wake up. "



Paul Valery





:::::::::::::::::::::::::


يا رب إن عظمت ذنوبي كثرة فلقد علمت إن عفوك اعظم
إن كان لا يرجوك إلا محسن ... فبمن يلوذ ويستجير المجرم
أدعوك ربي كما أمرت تضرعاً .. فإذا رددت يدي فمن ذا يرحمو
مـــــالي إليـــــك وسيلة إلا الرجا وجميل عفــــوك ثم أني مسلم

مشاري العفاسي



:::::::::::::::::::::::::

مجموعة مقاطع جميلة للشيخ سليمان الجبيلان جمعت من محاضرة وحده





:::::::::::::::::::::::::


عبدالقادر قوزع




في اطهر ارض قلبي قد طاف ولبى الله




من البوم حكايات


:::::::::::::::::::::::::::::::::::::::::

في سلسلة جميلة من المقاطع المؤثرة ..قاعدة تنعرض في قناة الناس
يذكروني ببرنامج ذكرى .. إييبون اكثر من شيخ ويتكلمون عن موضوع معيّن .. بس هالمرة فقط لدقائق من 3 إلى 5


اسمها


قبسات

 هذه بعض القبسات
الموت واو!!  |  صلة الرحم  |  نصرة الحبيب عليه الصلاة والسلام




::::::::::::::::::::::::::::::::::::::::::::::::::



إن شاء الله ... سيتم إفتتاح المنتدى بشكل تجريبي للجميع مش الأحد هذا ... إللي عقبه

" " سوووعااااال ..  كيف تتخيّـل شكلي بناءا على ما اكتب .. وهل تتوقع إن لي مستقبل في الفيديو "أقصد : أصوّر نفسي "

؟

23 حـط تـعلـيـق:

غير معرف يقول...

سبحان الله كيف يا هذا السعال مالك في نفس الوقت لي كنت افكر فيه

اسمح لي اعبر عن افكاري :

اولا : انا دايما اقول في نفسي هذا الريال يوم من الايام بنشوفه في فيديو ،،
عقبها اسأل نفسي و لــ "كمن ثانية" ,, كيف شكله؟

بناءا على ما تكتب:
يوم تكتب عن شي مضحك او موقف "مفرفش" أتخيلك طويل ، معضل ع الخفيف ، لحية كثيفه بس مرتبه "يعني مب مطوع ممممطوع " بس مطوع صغيروني

يوم تكتب عن شي جدي او علمي
اتخيلك بو نظاره ، بعد لحية كثيفه + بو كرشه


عاد تصور عمرك ولا ما تصور ،، هذا ما نقدر نجاوب عليه ،، لاننا ما نعرف
بسسسس
إذا شكلك شرات تخيلي الاول "وليس الثاني" ،، توكل ع الله وصور
بس إذا تخيلي الثاني ،،،، مممم "ياخي أرحم عيونا واستريح" << سوالف ^ــــــ^

تحياتي
Nadya

غير معرف يقول...

السلامٌ عليكمُ

جوابُ عالعسااالٌ حقكٌ

ليشٌ لاُ و ربي ُتنفعٌ

و اناُ مايحتاٌي اتخيلُ شكلكٌ لانيُ شفتكٌٌ هههُ

صدقنيٌ تنفعُ يا مطوعٌ

Just Smile

اقصوصه يقول...

سنه زاخره بالطاعات

اتمناها لك

ما ادري والله بخصوص السؤال

خيالي ما يسعفني حاليا :)

sosho يقول...

السلام عليكم

شكرا شكر ا شكرالحد ما أتعب على (أطهر بقاع الارض )
....من زمان ودي فيها من أول ما سمعت المقاطع حقت الالبوم

طيب
اما المنتدى أخيرا بيفتح
يااارب يكون فاتحة خيير للجميع


اما السؤال
انا فهمت من السؤال
تنزل فيديو تتكلم فيه مثل المدونات اللي تكتبها ..؟أتمنى فهمي صحيح
طيب اذا كذا البعض يكون ممتاز في الكتبه لكن الالقاء مو مثل روعة الكتابه
فإذا عندك المهاره اللازمه ليش لا ....
على العموم
موفق أخي أينما كانت الوجهه

غير معرف يقول...

الصراحه تنفع تطلع في الفيديو

بس بشرط اكون وياك خخخخخخخ


رد ناديه اكثر شي ضحكني اليوم ^^


بو احمد

غير معرف يقول...

السلام عليكم ورحمة الله وبركاته

في أنتظار المنتدى :)
مستر مطوع ، مو مهم الشكل أهم شيء الإنسان دينه وأخلاقه الرفيعة ، والحمد لله إلى الآن ما شفت عليك
شي، أخلاق رفيعة وأخلاق إسلامية . . تبارك الرحمن
حفظك الله لأهلك ولأبناؤك

غير معرف يقول...

السلااام عليكم

أخيررررا بيفتح المنتدى والله من زمان أترياااه يلاا خف ايدك ما فيني أصبرر أبا أكوون أول المشااركين فيه ..
رداا عالسعااال مالك << والله أني ما فهمت لغتك

المهم >>

أنا في بعض الموااقف اللي صارت لك كنت أتخيلك ..انسااان قزوووم ومتين وملتحي وكنت أشبهك
بالشيخ محمد العريفي أحس انه أسلووبك يشبهه ..
أنااا أتمنى ان تكوون شراتهـ وأشووفك في القنوااات تقدم الززين للناس وتهدي شباب الامارات ..
و صدق خاااطري أشووفك تقدم ندووة دينيه للشباب ..

واذا تميت ع هالأسلوووب انشالله بتصيررر داعية وبتهدي ناس كثيررة

وربي يوفقك للخيررر

^^

الياقوت يقول...

السلام عليكم


مترقبين مستر مطوع المنتدى وكلنا شوق

متابعين لكم بصمت ..

: )

Meera Al Blooshe يقول...

أصلا أنا شايفتنك بدون ما أوصف لك خيالي

يعني حق الفيديوهات صراحة تنفع ..

الله يوفقك يا رب .. =)

وشسمه رابط أنشودة القوزع ما تشتغل عندي =( مادري شو سالفته =.=

غير معرف يقول...

متحمسيــن واااايد والله للمنتدي .. =]

و جواباً ع سؤالكـ .. احس هو لا إرادياً تتكون في بالنا صورة عن أي حد نسمع به او نقرا له .. وانا مع تعليق اختنا او اخونا قبل رد الياقوت ..
ما شالله تمتلك شخصية متفرده و حديثك قريب من القلب و ممتع يأهلك للدعوة =]

و انا اتخيل مستر مطوع مب طويل ولا قصير و شوي اسمر , ملتحي و لحيته ع السنة و كندورته قصيره و دوم مبتسم
و يلبس نظارة ...!

الله يوفقك ^^

A_Alrumaithi

YZN يقول...

ربنا يجزيك خير ياخوي ,,

حملت النشيدة ,, حلوة ربي يجزيك خير ,,

كنت باتشكرك على المدونة ما شاء الله , شغلك حلو ..

اتمنى انك تستمر ,, يا ريت يكون النشاط لتوعية الشباب المسلم اكثر من هيك ,,,

لك مني كل التقدير

اخوك يزن

غير معرف يقول...

مترقيبن المنتدى بشوووق

اممم أما عالعسال

من إسلوبك أعتقد إنك تنفع تطلع فيديوا

بالتوفيق مسترنا :P

^^

:) Smile يقول...

عليكم السلام ورحمة الله وبركاته >>> حق كل اللي سلموا فوق

اباكم تتبرضون لي شوي لان عزيزي مستر مسوي صالونة مواضيع حلوة استوقفتني

::أولا::

العبارة يات فوقتها(أشكرك مستروو جدا عليها) هيجت كل افكاري - كأنه ياتي صفعة لان عندي بعض المشاريع وابا اسويها وشكلي تأخرت في التفكير وايد-

::ثانيا::

نشيدة العفاسي ابداع في الكلمات والاداء ... ماعرف كيف اوصفها لكن أقول انها تدخل في صميم القلب - مب غريبه عليه-

اما نشيدة قوزع حلوة كلماتها لكن لحنها شفته عادي - يمكن لانها مب ستايلي...وجهة نظر-

::ثالثا::

مقاطع الجبيلان اتحفتني بسوالفه الحلوة بس سالفة الحمار اللي حولوه التحقيق قوية - بل من وين اييبله محامي!!!

اما المقاطع اللي عن:

# الموت: صدق انها وااااااو ... ياالله بحسن الخاتمة

# صلة الرحم: يكفي حديث الرسول :(( إن الرحم شُجْنةُ متمِسكة بالعرش تكلم بلسان ذُلَق ، اللهم صل من وصلني واقطع من قطعني ، فيقول ـ تبارك وتعالى ـ : أنا الرحمن الرحيم ، و إني شققت للرحم من اسمي ، فمن وصلها وصلته،ومن نكثها نكثه)

# نصرة الحبيب عليه الصلاة والسلام: هل فعلا نصرناه بتطبيق سنته؟؟؟
دايما يوم اقرا آية الاختبار يوقف شعر ينبي ... قال تعالى:"قل إن كنتم تحبون الله فاتبعوني يحببكم الله"

أما على سوعالك ... ولا أقول صبر شوي

غير معرف يقول...

لالالا مايصير
الاسبوع الياي عندي امتحااانات مايصير والله
:( يعني مافي حضور يوووم الافتتاح وربي كلي شوق لهاليوم ..كنت ابي اسجل حضوري

... شكلي بسوي اجرام وبسرق المودوم ونشغل النت ..بس حدد ساعة الافتتاح عشان نسرق تمام... لازم نوقع حضور


اما على السؤال :

لالااسف الخيال عندي ضعيف حبتين ..
بس اظن دبدووب whay??لان الدبب دمهم خفيف دووم.. ربي يسعدهم

المهم يعني.شوف نفسك في المرايا اذا ينفع ولالا .. وان شاء الله ينفع
اذا ما نفع عليك بالصوت و الحمد لله

لا نطول وراي هموركااات مطوووله

تحياااتي

عــ///ـــود الاكسير

:) Smile يقول...

عشان ما يملون لاني وايد كتبت فوووق :$

سوعالك - الله يشفيك منه- خخخ

اممممممممم

اتصورك شرات طولي - وانته تدري بطولي اصلا!!!- واعرض عني بشويات

لحيتك غليظه وشعرتعا متينه - سنارة رقم واحد- ومب طويله وايد - يعني جي ترتبها- وابيضاني وعيونك بين الوسع والضيج وخشمك شوي حاد على شوية ميول بسيط
وشعرك كشة...هاي سوالف تراها

بس عاد عن يقولون يتغزل فيه !!!

اما اسلوبك من وجهة نظري يميل للاخراج اكثر من كونك ممثل

اشوفك بتبدع في الاخراج اكثر

بس تصدق كنت حاس انك يالس تخطط على فيديو او شي من ها القبيل ... غطتك هاليومين بم من شوي

لو بغيت تصور فيديو احس انه ما يصلحلك غير افلام رعب ... جي تطلع من ظلام وعينك حمره وثيابك ملطخة بالدم والشعر كشه وتتصدد يمين ويسار

تراني اسولف مستر عن تحط فخاطرك

وصد صدق منكم السمووووووووووحة لاني طولت عليكم

غير معرف يقول...

لوول بانتظار المنتدى الي بينفتح بأذن الله
والرد ع السوعااال اوه اقصد السؤااال <<خخ
همم انا الصرااحه قبل فتره قصيره اكتشفت فالمدونه
سوو وانا شووف مواضيعك لقيتها حلووة ما تنمل
همم اتخيلك متوسط طوول مب قصير ولا انك طويل شرا نخله ضعيف بس مب سلق ,,ابيضاني ملتحي شعرك اسوود غاامج همم بعد شوو هيه لابس نظاره طبيه بس الحين اتوقع عدساات ,,ويمكن سويت ليز لعيوونك الله اعلم ,,وبعد خلني شوي اوسع خياالي اممم ,,مااشيء بس هذا ,,الصرااحه اقدر اقوول انه لك مستقبل ,,انت عندك القدره انك تتطلع وتتصور ولك امكانيات ممكن حتى انها مااطلعت للحين ,,يبالك اصرار وعزيمه وثقه بالنفس عاااليه ,,وبالتوفج بأذن الله

غير معرف يقول...

اخيراً بيفتح المنتدى ....

بالنسبة للسوعال أتوقع شخص باسلوبك مومهم شكله ابداً اياً كان راح تجذب الناس باسلوبك خلك واثق ولواني اثناء كتابة الاجابة تخيلتك متين( عفواً )
بس حلو لو تطلع بفيديو كليب ...
بطة نشيطة..

SCRIBBLE ..♥ يقول...

ليش الليلام مب قوي مثل كل مره ..

متشوقيين للمنتدى وايد

ممم بالنسبة للسؤال .. طبعا اللي فيه فضوول بيكون مؤييد للفكره خخ على طووول


بس اكيد لو في فكره للفيديو وانا متأكده في راسك فكره مبدعه واكييد بنكون مؤيديين لها وننتظرها بشوق ..

موفقيين ..

غير معرف يقول...

مرحبـآ اخويه .

صرآحتن ؟

اتوقع لك مسستقبل بـآهر ؟

بس ياليت تظمن انه مجهودك كله مايوقف ؟ غيرنا بيستفيد منه .

لو عندك حد مبدع ششرآتك ويورث هالعمل الفنتك ؟ ويطور منه اكثر واكثر --> اقصد لبعدين يعني عقب ا تشيب , ههه

بيكون وآآوزَ ؟ وبتاخذ الـآجر والله ,

^^

( متـآبعه )

غير معرف يقول...

نسيت آجاوب ع السسسوعِـآل , هههِ

ممَ شكلك ؟

آتوقعك ظعيييف . . طولك متوسطِ . .

هعَ

امـآ ع الفيديو ؟ ممم يبـآلأك اتصور الفيديو وانشوف اذا لك مستقبل ولـآ لا ,

^.^

( متابعه )

SJAYA يقول...

بصراحة ماأقدر أتخيل شكلك والسبب إنه في شاب من معارفنا كنت اسميه مستر مطوع من ايام الطفولة يعني من قبل مااعرف مدونتك
فلما عرفتها ثبتت في بالي فكرة ان هالشاب هواللي يكتب هالمدونة
وهو حنطي البشرة
لحيتة اطول من القبضة بشوي
مثل لحية العريفي
متوسط الطول
صاحب ملامح عربية بحتة
مليان شوي
وقوووووووووووور بمعنى الكلمة
لبس النظارات الطبية عن قريب مثل أكثر المطاوعة
صوته وااااااااااااااااو
قمت اتكلم عن الريال مثل الخطابات
خخخخخ
بس هذا هوانت في تصوري
و مثل ماقالواللي قبلي مش المهم المنظر بقدر مايهم الجوهر
واللي مثلك لازم يتعدى نفعة لكل الناس مش بس مرتادين المدونة او المنتدى مستقبلا ان شاء الله
فاذاكانت فكرة الفيديو على بالم فعلا
فتوكل على الله ولاتتردد
لأن الكل بيأيدك^^
بالتوفيق مسترنا

غير معرف يقول...

سجايا

يمكن هذا مستر مطوع ولد ييرانكم ^__^

<< اونه يياااا حضضضكم خخ

تعرف مستر مطوع
انا اضحك ع الناس اللي يوم يشوفون شخصية مشهوره يتراكضون صوبها وياخذون توقيعها

بس أشوفنا بنسوي جيه يوم بنعرفك ^_*

Nadya

مستر مطوع يقول...

كتبت السؤال ... فقط لتتذكروا ما قلتم بعدما ستشاهدوني إن شاء الله الله ^_^"


جزتم خيراً على الردوود وإن شاء الله سأقدم على الفيديو .. قريباً ( تزامناً مع افتتاح المنتدى )


فترقّبوا ^_^


(( آسف ... على عدم تخصيص الردود رداً رداً .. لأني في غاية " الزحمة " ;)

إرسال تعليق

كـلمـة ئـصـيـرة .. تـمحـي بلاوي كـتـيـرة