:: تحت امركم تم نقله لبوست خاص ::
امسات كنت في كلية التقنية .. اخلص بروجكتاتي بروحي فرحت الثلاجة
لأشتري اي شي
" أسدّ به رمقي "
وفي الخارج ...بالضبط بجانب الثلاجة . شفت هذيج القطوة السودا اطالعني بعيونها
<< يعني تباها تشوفك بريولها ..!
فحطيت الربابي في الثلاجة وطلّعت الـ " كافي " و العصير
والقطوة بعدها تطالعني
فتقرّبت منها شوي .. وجان انبح عليها << مال أولّ لا تلوموني تأثير الدراسة والملل
المهم القطوة فزّت من الزياغ
و طبيتها .. ودخلت الكلية و مشيت عبر الكوليدور و ودخلت الصف جان اشوف القطوة السودا فوق لابتوبي
وحاطه عينها فعيني
!
المشاركات
14 حـط تـعلـيـق:
عيل لو نقلت تعليقاتنا مرة وحدة!!!
الخميس الماضي استوتلي سالفة شبيهة كنت ساير غنتوت (نحدق ويا الربع)وكان الوقت ليل قرب صلاة العشا... أول ما وصلنا المكان اللي بنيلس فيه شفنا شي طار من الارض وسار فوق واختفى - يشبه الكيس وكان فيه نور باهت- لكن كملنا ولا كانه صاير شي ويوم رديت البيت يلست أفكر ... تعااااال جني شفت يني (جني)بيبي!!!
ما قالت شي ؟!! ^،^
مستر مطوع
اترك الاذية الله يهديك ... :P
ربي يحفظك من كل مكروه
المحافظة على الصوات جماعة و اذكار الصباح والمساء خصوصا يحمي ان شاء الله من الجن والانس
دمت بخير
مب ناقصين أفلام رعب @_@
أمسات كنت أدرس كالعادة في غرفتي ومحد في البيت غير البشاكير ويدوتي ، فسمعت صوت حد يكح في الحوي ، فقمت و وايقت من دريشتي والا اجوف قطوة سوده على اليدار "الجدار" اللي مجابل حجرتي وتكح .. أو كانت اطلع أصوات تشبه الكحة ، قلت فخاطري اول مرة اعرف ان القطاو يكحون "يسعلون" ، ورجعت كملت دراستي كخخخ ماعندي وقت للزياغة ورانا امتحانات
يآآللهول =o
الله يحفظنآ من كل سوء , شكلك كنت تهلوس من تأثير الجوع وتأنيب الضمير ^-^
~مودتـي
بسم الله ...اقرا بووي ع عمـركـ ..مافينا تجلب عليكـ <<عااد ما بغييت الا انا اكبــر وسواسية وزياغهـ بالدنيا لوول <<
بس مغاامرة اكشناات ..تخلي الواحد يفكر شوي هآآآع
مستر مطوّع .. لا تنسى الأذكار..
عيال الحرام كثار.. والسحر والحسد حق..
انتبه ع نفسك..
الله يحفظك أخوي...
يالله يا مستر مطوع @@ آخر شي أفكر فيه أنبح عالقطوة =.=
حتى ييرانا أجانب وعندهم قطوة سودة .. عاد ما لقوا قطوة يربونها .. غير هالسودة اللي ما تبين غير عيونها !_!
مستررررررر مطوع ...
شحالك
صح كلام اخواني والحسد والسحر والعين في كل مكاان وربي يحفظك من كل شر >>هااااا طلعت من طلااب الكليه التقنيه يعني شرااتي ^^وربي يوفجك يارب
حشا مب قطوة جنية
شكلها تبا تنتقم منك مستر مطوع
أحب القطاو بس مب السود (حشا فيلم رعب)
والله لو شفتها جدامي....
ذكرتني بسالفة هاكي اليوم كنا سايرات نسوي البروجكت في نادي دبي لسيدات ووقت صلاة المغرب نشينا كلناعشان نصلي عدا ربيعتنا كانت متهايزة قلنالها قومي صلي قالت:ما أقدر أنش ..ومرة وحدة اتشوف قطوة وراها
سارت البنت و ربعت المصلى تصلي هههه شكل القطوة يايه تأدبها
يـا سلام
القطو بعد يدل درب الكافي والعصــير لا ومن الثلاجه بعد
والله مطور هـ القطو
ماظنــي انها قطـوه شكلها وحده من الربع (=
اقرا ع لابتوبك شكلها حاطه عينها عليــه مافيـنا بعد تسوي به شي..ورانـا منتدى ^^
ربــي يحفظك من كل شر
سمايل ... ثرك من قوم غنتوووت ^_^
بوياسين ..... تخيّل تتكلم .... دنا تتخطف روحي =) تسلم عالمروور
دزاير ... خخخخخخ سلامي عاللي ما عنده وقت للخوف .. تنفعين تمثلين بافلام الرعب ... يسمعون مليون صوت مخيف .. وبعدهم يتمّون في البيت .. ألين ما يموتون .. أنا لو أسمع صوت شي و يدخل فيني الشك .. ما بتمّ في الحارة لين الصبح
شيريكيك ... والله انا مقصر في الناحية ... يبالي اشد حيلي فيها
ميرة ...... اتصدقين هيه حلوة .. بس لاتمين بروحج وياها ^^
بنوته ... سيري سيري وراج فاينلز +)
تويتي ... هاي زينه تأمر بالمعروف بالتي هي احسن ^^ .. خليها تشارك في الممنتدى
حاولت .... خخخخخ شكلها جيه .. كمبيوتر البيت ادور حواليه الفيران واللابتوب . .. إيلسن عيه القطاو
^_^
@_@" .. بسم الله ما أتخييييل
بسم الله الرحمن الرحيم
حذاري يااخوي من أن تفعل ذلك مرة اخرى
لان الجن تتشكل في شكل قط اسود سموا بالله مرة حماكم الله
ههههههههههههههه
قبل كم يوم وانا ماشية داخلة البيت متحمسة في هرجة مع اختي رفزت بسة (قطة) ما شوفتها.. بس حسيت فيها..
العمارة كلها صحيت من صوتي..
إرسال تعليق
كـلمـة ئـصـيـرة .. تـمحـي بلاوي كـتـيـرة