09‏/10‏/2009

كـصيام الدهــر

عَنْ عُمَرَ بْنِ ثَابِتِ بْنِ الْحَارِثِ الْخَزْرَجِيِّ عَنْ أَبِي أَيُّوبَ الْأَنْصَارِيِّ

رَضِي اللَّه عَنْهم ..أَنَّهُ حَدَّثَهُ أَنَّ رَسُولَ اللَّهِ صَلَّى اللَّهم عَلَيْهِ وَسَلَّمَ قَالَ :


( مَنْ صَامَ رَمَضَانَ ثُمَّ أَتْـبَعَهُ سِتّاََ مِنْ شَوَّال ِ كَانَ كَصِيَام ِ الدَّهْر )

صحيح مسلم 1984








الحمد لله .. للتو انتهيت من صيام الست من شوال .... و بصراحة ما جذبوا الألويين يوم سموها
ست الصبر .... كانوا صعبيين ... لكن والله ... حسيت إني انتقمت من نفسي لتقصيري فرمضان .. واقول لها :
" وبعد تبين تقصرين فهذيلا ..! "
فاسأل الله القبول ..... و هالله .. هالله .. فيهن
و للي ما صام أقول له :
باقي من شوال عشرة أيام

فلـحّـق

: هالموضوع كتبته السنة الماضية .. وسبحان الله يوم يت أكتب شي عن شوال هالسنة .. لقيتني كتبت بالضبط إللي اريد أكتبه السنة الماضية .. فانسخته لكم :






فيديوهات اعجبتني


هل هذا تكلّف بالقراءة .. ؟ لا ادري .. ولكنه جميييل للغاية



:::::



سارا الخقاقة المغرورة
^_^"
من طيور الجنة

تمثيل البنيّة .. فنان =)



:::::




تذكرون تاو تاو

صارلي اسبوع وانا اشوفه كل يوم ... وكل مرة .. يصيحنّي .. شوفولي حل ^^


: تذكرت فترة قبيل المغرب .. ونحن سادحين الشنطة والكتب .. واميّة تسمكلنا كتاب كتاب شو خلّصنا وشو بيعطونا باجر
و ريحة الصابون والشامبو في خشومنا من السبوح عقب اللعب :





6 حـط تـعلـيـق:

HάķöØnã✿რätatã يقول...

تقبـــــــــــل الله .. يآآي الحمدالله ^^
حتى ني اليوم خلصت..الحمداللـــه يآآرب..
الله يتقبل منّا إن شااءالله ^^

>>> عيبتني ألوان البوست .. هذي ألواني.. حلوو جي
ووالفيديو .. عقب ان شاءالله بشوفه..
هيــــه ساره الخقاقه هههههههه عجيبه.. من زمان شفته مره ف طيور الجنة..=)

امممم تاو تاو ...!! انا ماحيده .. يمكن لو شفته بذكر .. بس ماعرف .. يمكن هذا بس كان ف عهدكم ف الزمن الأولي ..
^^ ..
يعطيـــك العافيــة ^^

SCRIBBLE ..♥ يقول...

اخر اسبوع واخر فرصـه .. والله انا لين الحين ماصمت ببتدي ان شاءلله ..

والله يتقبل منك يارب

.. انا ترفع ضغطي هالنشيده يمكن لان ملزومـة اسمعها كل يوم :s

..
تاو تاو .. مااذكره ^^"

وجزاك الله خير على التذكره

نقاء يقول...

الحمدلله صمنا رمضاان وكملنااه بسته من شواال ومن ثم أتبعناه بأياام البيض .... ولله الحمد ما حسينا ابتعب ولا هم يحزنووون .... الحمدلله الذي بنعمته تتم الصالحاات ... ربي يجزيك الجنه ياخوووي ^.^ ... دعوااتك بس ^_^ ...
تدري ... لما انفتحت المداارس ... والله إني تذكرررت أياامنا كانت احلى عن هالجيل .... الله المستعان >>>> الحينه بتصييح ):

eve يقول...

مستر مطوع اسمح لي بس شكلك من جد ماكنت تصوم رمضان أجل اشلون شهر كامل صايم وتقوم تتعب من 6 أيام
اعترف قول الحقيقة..

سارةترا تلوع جبدي أكرررررهاااا

ايه نسيت أقولكـ مدونتك..حلوة..
بس انت الفترة اللي طافت قبل رمضان
اذيتنا >>صوتوا لي ..صوتوا لي..

وين نتايج التصويت..ولا بس فالح بالازعآآآآج
7
7
7
7
7
7
7
مستر أسولف لاتزعل

مستر مطوع يقول...

هكونا ..... منّا ومنج صالح الأعمال .

سكربل .... زين جيه حسستوني إني شيبه .... " هو بيني وبينكم أنا هالرسوم ما اذكره .. بس اذكر مرة كان متضارب ويّا السبال ربيعه .. ورد عند أمه يصيح وقالت له قصه عن الصداقة .... ابداً ما بنساها ^_^ "

نقاء ... دومج سابقتنّـا بخطوات ^-^

eve ... فرمضان ماشي دراسة ألين 8 في الليل ودوام من 8 الصبح ... و الناس تاكل حولج و بارتيات وعزايم .. و بخصوص التصويت ... ولاّ جنّه صار شي ^^! شكلهم مسوينها بس دعاية ... ولكن الحمدلله انتشرت مدونتي على شكل كبير من بعد حملة التصويت إللي صدعتكم فيها

lil.D يقول...

OMG @@ من متى أنا أدور تاوتاو!!!!!!!!!!

إرسال تعليق

كـلمـة ئـصـيـرة .. تـمحـي بلاوي كـتـيـرة