28‏/08‏/2009

رب ضرة نافعة

^_^
ما عرف شو أقول ..... =")
وعيت اليوم ومالي " خلق " لأي شي ... ويلست عالكمبيوتر << جدامه مب عليه فهموا ترا مالي خاطر
ويالس أعابل بعض الأشياء الخاصة في المدونة السرية .... وغلّـطت و حذفت ثيم المدونة الرئيسة " مستر مطوع "
انحذفت .. بلاوي .... >.< آآآآآآآآآآآآآآآه يا قلبي
وتعال صلّح من صلاة الظهر ... والحين بيقيم العصر .. وتوّني ... سويت هالـ ستايل الفيروزي
طبعاً انا استوحيته << سرقته من منتدى فناتق ... الله يجزيهم خير
و صدق لأول مرة اصمم شي او افتح الأدوبي .. ونا زعلاااااان غررر ومعّصب بعد
فسامحوني .. بتلاحظوون بعض الأشياء امتسحت ... وبعضها الأخر تغير
وبحاول ارد الشات .. وباقي الآشياء
أهء أهء أهء

26 حـط تـعلـيـق:

غير معرف يقول...

زعلت وااااايد والله ,,

بس اول ما فتحت قلت شو هالاستاااايل الكشووخي ,,

يالله معلي رب ضرة نافعه ,, وترااا حلات مدونتك في المضمون مش في الشكل ,,

وخيير ان شاءالله يا مستر ^^

>>> دزااستر

غير معرف يقول...

Believe me! sometimes the worst things that ever might happen to us... make us stronger....or make us learn photoshop! :)
cheer up! the blog is getting brighter! with the blue colour! did not they say it is a so calm colour!

blue

M!Ss No Name يقول...

وااااو وايد ناااايس يفتح النفس هاللون ,,
صدق رب ضارة نافعه ,,^^

Awoosha يقول...

مثل ما قلت .. رب ضارة نافعة ^^
منها غيرت الستايل ومنها دخلت الأدوبي

بس حلو اللون .. وشوي شوي بترجع الأشياء الباقية

=)

Rmadea ~ يقول...

O_o

هذا اللي يسوي روحه فهيم ><


مايخالف تجديد ^^

غير البشر يقول...

عسب جي المدونة ماكانت تفتح عندنا =/
لعله خير ان شاء الله =)

أول مافتحتة قلت شو ياب ستايلنا هني :dd
بس حلو تغيير ^^

غير معرف يقول...

استايل جمييييييل جدا
رب ضارة تطلع المواهب

غير معرف يقول...

دفع بلى لوول

وحلو التغيير =)




سعيد الظاهري

desires يقول...

chill bro
to be honest
i love this design more than the previous one
very cool and relaxing color
and now your blog looks awesome mashallah

p.s: whenever you want to do sth with ur blog design make sure to download the html file of your blog, so that you can restore the original design whenever you are not satisfied with you experiments

salamz

غير معرف يقول...

مـا حب هالحركات السخيفة الى تصير شرات مره خلصت واجبيه على اللاب كامل مره و يجنن و توني بقول حمدلله و بحفظه دقيت نو بدال يس ما عرف شو ياني المهم في ظل الدهشه و شعور ان قلبي صك السما قلت الحمدلله باخذ صفر في المادة والحمدلله ع كل حال لعله خير ما تعرف
والى يشوف مصيبة غيره تهون عليه مصيبته ^^

ابو الباء يقول...

شو هالتصميم اونه سحاب هذا
سحاب ولا شعر بنات

›HάķöØηã✿რä৳a৳ã‹ يقول...

يااالله .. !!
حليــــلك واللــه .. اممم قهر هالحركات .. بس سبحان اللـه .. لعلّه خيــر .. ونفس ماقالوا .. رُب ضارةِ نافعة..!!!

حلوو الأزرق .. حلوو هاللون .. منعش^^
حلووة الصورة اللي فوق .. حلووة صدق ..عيبتني ^^
بس
الصدق الصدق
الأولاني ..في نظري.. أحسه أحلى..!!
اممم ..
وووو
If u need any help mr. in designing ur new skin >>>I'm here
hakona .. will help as much as she can^^

T.C .. O >>inshaallaaaah 5air
Good luck^^

التقوى خلاقي يقول...

مستر..
بالنسبة لي الأستايل الجديد روووووووووعة..
والتغير على اي حال مطلوب..
بالعكس مرة روعة..
سبحان الله امس كنت اقول في نفسي قبل ماانام..
متى مستر يغير استايل المدونة..
بس روعة..خاطري اشوف وجه الولد اللي تربع على
المدونة الرائعة....^^
جزاك الله خير والله يكون في عونك..

silen-ce يقول...

hmmmm, i dunno i liked the old style, Y not move to WP??? from my personal experience its much easier....


and GL

SCRIBBLE ..♥ يقول...

وربَّ ضارة نافعه

حـلو الستايل اليديد

الوانه حلوه

بس اظن في اشياء يبغي لها تضبيط وشوي شوي بيكون ميه ميه =)

نمووول يقول...

مو مشكلة كل شي يتصلح
ما شفت القديم بس هذا حلوو
كافي انك صممته بنفسك وتعبت عليه اكيد
بتحس بجماله بنفسك اكثر من الناس الي بتشوفه

Samt♥AlbadoOo يقول...

أول شي مبروووك على الاستـــآآآيل اليديد ..
ومثل مآ كتبت " رب ضرة نآفعه ,, سبحآن الله صدق

حـــــــــــلووو التجديد واللون حلووو
مآ شاء الله عليك اول مره تفتح الادوبي بس البنر حلووو عيبني =)

اممممم
الاستآيل مـآ عليه كلآآآم بس الأخضر احسه أحـلى مآ ادري ليش =) ..!

ومـآ عليك بآس ان شاء الله بترد الأمور طيبـه ولا اتحط في خآطرك ..

بالتوفيق لك مستر ^^

[ الطبع الحشيم ]

غير معرف يقول...

المدونة حلوه جي ..

ألوانها هادية وبسيطة ..


وموفق أخوي ..

غير معرف يقول...

اول بـآدي \
الصـرآحه الاستيايل وايد كشخه ترتبيشن
ثـانيا \
ع برنامج خواطر والله فنان البنامج
حتى عيال خويه الصغار تخبلواا عليه هااع
ثالثا\
بقولك عن مسلسل عن الرسول والدعوه
بس للاسف اصبح هب فليل يعنى الساعه 6 مدري 7 ع ام بي سي بس بصراحه فنان المسلسل تريخي
واه صح نسيت اقول مبروك عليك الشهر وينعد علينا وعليك كل سنه وكل حول ختمت المصحف ؟! هااع
وايد انا ارمس ادري المهم الله يوفقك خويه
خيتك : ليدي :)

غير معرف يقول...

يسعدني أدون حروفي في مدونتك الأكثر من راااااائعة مستر
الصراحة أنا أهنيك على مجهودك,, وأتمنى ماتكون متضايق وايد عشان الخطأ اللي حصل,, "هونها وتهون"
ودي أواسيك بس من الأساس أنا (ولله الحمد مصابة بالزهايمر المبكر ههههه) يعني ما أتذكر الستايل الجديم,, بس هذا الستايل (بعأد) على قولة اللبنانيين,,
بس تعرف أنا أحسدك ,,, عفواً أقصد أغبطك على طولت بااااالك ,, ياليت أكون شراتك,, لأن عندي وايد مواهب حلوة بس عيبي عياااااااااااازة بكل ماتحمل هالكلمة من معنى

لا تحرمني دعواتك

بالتوفيق مستر

الغر الحشيم يقول...

وييييييييو >> تطنز هههههه

يحليلك يا مستر بس اتصدق طالع خبآل الازرق ..

حلو جي فريش منعش

ما عليك حلو التغيرر ترى يعدل المزاج وما رحت بعيد ترى الازرق اخو الاخضر لوووول

موفج خيوو ولا تضيق حلو الاستآيل عجيب

بس ليش الولد خآش راسه فالكرتون بيموت ما بيتنصخ ^_^

غير معرف يقول...

السلام عليكم أول مره أعلق بس دوم أمر :) اللوك هذا يفتح النفس ورائع جدا اللون السابق في نظري كان قاتم جدا وكئيب ما حبيته :) ولولا اختاف الأذواق لبارت السلع في الأسواق موفق أخي الكريم :)

Al7lwa dwman~✿ يقول...

^^
ما عليه التجديد ما بيضر..

شويه تغير بالروتين

وان شاء الله تقدر ترجع باقي الاشياء

غير معرف يقول...

والله وااايد زعلت :(

لاني من كم يوم تعرفت عــهالمدونة الحلووه

الله يعيينك اخوي

ARAWE ^ _ ^

نقاء يقول...

ونا ع بااالي اعتكفت في رمضاان !!!!!!!
المهم .... عوده حميده لك وللمدوونه الحلوووه ^^

dong dong23 يقول...

uggs uk
clarisonic
canada goose outlet
retro jordans
replica watches
coach outlet
rolex watches
coach outlet
timberland boots
cincinnati bengals jerseys
201610.17wengdongdong

إرسال تعليق

كـلمـة ئـصـيـرة .. تـمحـي بلاوي كـتـيـرة