16‏/07‏/2009

جائزة هديل - ذا فاينل



الحمد لله يا جماعة .... بفضل مواضيعي الفنانة .. وبفضل إبداعي المتجدد و حسي المرهف ... تم دخولي للترشيح في مسابقة جائزة هديل لأفضل المدونات العربية


هيييييييييييييييييييييييييييييييييييييييييي



" استغفر الله "


في الحقيقة كله بفضل الله ... ومن ثم بفضلكم ... فلكم جزيل الشكر و خالص العزاء ^^!

والآن .. احتاج لتصويتكم .. "مرة ثانية " ولكن هالمرة .. بدخولكم لصفحة التصويت ...




و القيام بإدخال إيميلاتكم
و بعدها في الصفحة التالية بتلاقون المدونات والفئات المختلفة .. وتحت فئة التدوين العام
بتلاقوني ... فاختاروني
من بين اللسته






" إياني و إياكم .. تدخلون المدونات الثانية ... كلها فيروسات وسبام .. وإذا
دخلتوا غير مدونتي ... بتخترب شاشاتكم وبنقطع الكهربه في بيتكم والحارة كلها...
وقد اعذر من أنذر .. وانتوا بكيفكم .... "



^-^

وعقب ما تختارون .. مدونتي " الأحسن في العالم " << ترى والله ما يسوى عليك =)


ضربوا ...(التالي) ... وعقب دخلوا إيميلاتكم ...و بتلاقون مسج تأكيد في الوارد و أحياناً ... في " الجنك - junk "





دخلوا المسج .. وبتلاقون الرابط .. اضغطوا عليه .... و ووووووو بس



ما يحتاي أذكركم .. إنه لو صوّتوا لمدونتي راح أتعهد .. بالمحافظة على البيئة .. و بسيطر على القلوبل وورمنق .... وبخلّي برتني و جسكا و مدونا يسون حلفة إنشادية ... و بخلّي جستن تمبرليك و ففتي سنت و انريكي .. ينشدون فعيد الإتحاد .. و فمسرح كلية الطب في العين بعد
وحتى مايكل جكسن .... بييبه " اونه مات ... انا ما يمشي هالكلام عليّ . .أييبه اييبه "


هذا وصلى الله وسلم على نبينا محمد



و آسف عالإزعاج .... ولا تنسوون تخبروون ربعكم والمدونات المجاورة ... والمنتديات اللي مشتركين فيها ...بالتصوويت لـ مدونتي العجيبة << والله درينا

ولنرفع الشعار مرة ثانية

[vote+for+mr-mtwa3.jpg]

والسلاااااام




* ترى سوالف .. لحّد يزعل في الكثير من الدونات الطيبة حولناوحوالينا .... وما كتبته و رسمته فوق إلا للدعابه فقط .. اما الواقع
يقول " كلكم نظر " !^^


[m7.jpg]

31 حـط تـعلـيـق:

~ هند ~ يقول...

صوتت لك ب 3 من ايميلاتي .. تستاهل :)

سمو الأميرهـ يقول...

صوتنا مره ..

بعد لازم نصوت :\..

انزين جم بتعطينا ؟؟؟

desires يقول...

وينها عنك شركات الاعلانات .. ؟

مع اني بصوتلك .. بس بعد ماعيبتني حركة الاكس على أسامي باجي المدونات .. مادري حسيتبها حركة مب حلوة .. احتراما لأصحابهن ..
تخيل واحد يحط اكس على اسم مدونتك بعد ؟

غير معرف يقول...

تم التصويت ..موفق أخوي :)

جوري يقول...

انا باك هههههه

طبعا هالفترة ما دخلت المدونة بس يوم شفت الايميل دخلت عشان اصوت ^_^

وتستاهل 5 تصويتات من عندي

وبالتوفيق ان شاء الله

صاحبة الشأن يقول...

تم التصويت

بالتوفيق خيوو ^_^

7o0or يقول...

تم التصويت..
وعقبال ماتتلقى التهاني من الكل^^
بالتوفيق..تستاهل كل خير

غير معرف يقول...

تم التصويت

الله يوفقك

بنت الشيوخ يقول...

تم ^^

Scribble يقول...

ولع كل يوم تصويت

انزين كم تعطينا ونصوت ؟

..

بالتوفيق مستر ^^

الصامــت يقول...

صوتين من عندي لك :D

غير معرف يقول...

تم التصويت وتستاهل والله يامسترنا =)

بالتوفـــيق ..

نقاء يقول...

صووت لك ... بس بعدني ما دخلت الراابط من ايميلي .... مادري بلاه ... الايميل ما يفتح ):
عالعمووووووووم ... بالتووفيج ... وادعوولي ايميلي يفتح ^^

غير معرف يقول...

امل المطيري
تم التصويت ..
تستاهل والله و باجي ايميل ثاني بصوتلك منه بعد .. و موفق أخوي ..

بنت بومحمد يقول...

تستاهل الخير
تم التصويت .. بالتوفيق ،،

x616 يقول...

تم التصويت قود لك مستر

غير معرف يقول...

تستااآآهل التصويت ,, موفج خــويه ,, تم التصويت بنجــاح

الغر الحشيم يقول...

انتهت عملية التصويت بنجاح.

تستاااااهل يا مستر مطوع والله يوفجك دنيا وآخرة ..

ومدونتك مميزة بالفعل ..

Good luck

=)

ابو الباء يقول...

تم التصويت وعودا حميدا

غير معرف يقول...

تستاااهل التصووووويت

وصوت لك ب3 ايميلات

تستااااهل يا مسترووهـ

^ ^

مستر مطوع يقول...

ما قصصرتوا والله .... ^-^

غير معرف يقول...

^^ تم التصويت

غير معرف يقول...

موفق اخوي مستر مطوووووووووع تستاهل الفوز انت

غير معرف يقول...

تم التصويت ^^ تستااااهل الفوز >>>>mahra

To0ome } ~ يقول...

مرحبآآآآآ ..
بصرآحهـ وصلني هالايميل من ربيعتيهـ ..
وفضول جيهـ ولاني ملآنهـ جآن أصوت لكـ ..
صوت لكـ 4 مرلآت ..
وتستآهل الشيخ بصرآحهـ الموقع وآيد عيبني ..

غير معرف يقول...

الله يكرمكم ... وإن شاء الله أفووووز

^_^

حاولت أنسى يقول...

ستين لك مليون صوت صوتت خخ

بكل ايميلاتي..ونشيت حطيت ايميلات ربيعاتي وخبرتهن يدشن الرابط ويفعلن

تستاهل كل خير بويابر..وان شاء الله تفوز

عاد نتريا حلاوه الفوز نحن ما نسوي شي ببلاش

غير معرف يقول...

لجل عيووون ((A))صووت لك
واتمنى الفوووز لك .
م.ت
uae

غير معرف يقول...

كيف أصوت لك ؟؟

غير معرف يقول...

بصراحة الموقع رووووووووووووعه .. يجنن .. بس :

للأسف زي اللي قبلي مني عارفة اصوت .. علمووني عندي ايميلات كثيرة وصديقاتي كثير ما شا الله ^_^ ..

وتسلموووووووووون ..

مستر مطوع يقول...

يزاكم الله خير على " هالحملة " الطيبة ... ^_^


وحبيت اخبركم إن التصويت انتتهى .. ونترّيا النتايج


وعسى خير

= )

إرسال تعليق

كـلمـة ئـصـيـرة .. تـمحـي بلاوي كـتـيـرة