29‏/06‏/2009

و " عقينا " التقويم

بعد سنتين من العذاب .... لأجل الجمال والمظهر الجذاب


خلعت ناباي " مثنى ناب .. والياء مصدريه تعود إلى اسم فاعل إللي هو أنا " << لحدّ يصدق


انا ركّبت تقويم في آخر شهر 8 من سنة 2007

وبطلته .... امس





وعانيت خلال هالسنتين .. من التهاب اللثة .. والمظهر المريع ..!


والآلام .. في كل " شدة " للتقويم .... و خيراً الريحه اللي ما تنطرى


....


ولكن كهذا ... صار من الماضي .. فالآن ... عادت اسناني طبيعية .... و صارت هناك مسافة لضروس العقل " لتخرج "


والآن ما بقى غير " المثبّت " .. والله يعينّي عليه



:::::::::::::


ما صرت اتكلم عن يومياتي ..! .مادري ليش .. شود آي رات أباوتت موور ....؟


خلونا نشوف ... يعني لو بكتب عن يومياتي شو بقول..... :


مممم




امس تعشيت فمكدونالدز ...... بعطون قلاصات مجانيه مع كل وجبة لارج


القلاصات ما تسوى .. ضيقات ....!



أول أمس ... تعشيت في الفروج الطازج ... الفرع اليديد . إللي فتحوه فجمعية المناصير ... صارحه عندهم وجبه أسمها دراقن


حللللللللللوة .... هي عبارة عن زنجر سبايسي ... بس بنكهة الفروج

إنزين إليوم إللي قبله .. تعشيت <<< يا خي إنته شو مشكلتك ..^^!


في مول دبي
hediard


الصراحة كلت .. احلى معركونه فحياتي .. ومعاها ..أحلى سندويشة تونا


... وعقب سرت أشوف " رقص " النوافيير ... << أخيراً سويت اكتفتي غير الأكل


وكان .. فنااااااااااااان
مممممم


بس
بالله.... الحين شو الفايدة .. من إللي كتبته ... ^^؟
هيه صح .. شريت يلاسه حق شيخوه ... و فصلت كنادرير
( اكيد بيض و نفس الرقعه << اهلاً بكم في عالم الرجال )
واشتريت بودرة حق صالة الحديد ... و كلت محلا زايد


<< واحد فاهم (تدوين اليوميات) غلط
^^!


خلوني انطم .. احسن لي


سلاااام

18 حـط تـعلـيـق:

SheLLoO يقول...

Lw Sm7t e5ooi enta t`9a7k ;p ;p
MbroOk 3al.tqwiim 03wafii kl Shi :)

غير معرف يقول...

أقول هو كلامك خربطان في خربطان محد يختلف فيه :) (أسولف)
بس بتخبرك ليش طريقة تدليعك لأسم بنتك يلوع الجبد يعني بدل ما تدلعهاشيخوهقول بعدك الشيوخ أو شواخي أو شواختي أو شيرو أو شوشو أو عسولتي الظاهر شكلك وايد رومانسي الله يعين أهلك

غير معرف يقول...

a7eeeeeeeeeeeeh..fo0dat she5o0h ana
Yaaaam yammmmi kel elly akaltah.. w yaj3lah m6ra7 ma ysri yamri... :$

KeeP iT Up Pro0o

Ro0'9 El '3deer

salata mix يقول...

الحمد لله على سلامتك يا قلبي يا مستر

M!Ss No Name يقول...

الكل يعاني من نفس المشكله .. الا و هو التقويم خخخ و انا وحده منهم ,,

يعيبني اسلوبك يوم تكتب هالخربطان مع انه مافي اسلوب لوول ,, اسووولف

و كثر من هالزين ,,^^

غير معرف يقول...

هلا والله هلا بيوميات مطووع..
ما قول إلا الله يعين بطنك اللي فريت فيه كل هالغش.
.يبالك عقب هالأكل تشرب حلووووووووووووول

لووووول

غير معرف يقول...

تستاهل شيخوه كـل خيـر ..~

و عقبالنا ما انعق التقويم ..~

لووووول

ألياس}~ يقول...

كم نفر داخل مني .. [5] أول مرة المتواجدين يكونون اقل من [8] ..

هوه فاعم المدونات غلط << هيه فاهم غلط
عافية عالنفيعة اللي تغذيت بها ..
والله يحفظ لك الشيوخ يارب ..

لك الرب حافظ ^.^

Scribble يقول...

الحمدلله افتكيت وشلت التقويم ... مبروك الحين تحس حلجك صار وسيع وفاضي >> متعود على الحديد ^^

والله يكون بعون معدتك .. اخذلك يومين صياام نقاهه للمعده .. :d

:: بـوح الصمـت :: يقول...

مبروك العق أخوي >> وحدة بتتفلسف وتتحجى أماراتي ;q;q

وعوافي عليك =)

مدونة رائعة وممتعة جـداً .. متابعة منذ زمن طويل لكن أظن أنها أول مرة أتشرف بالتعليق فيها :)

وترى تم التصويت لك بجائزة هديل تستاهل كل خير وإلى الأمام دومـاً ^-^

نقاء يقول...

الررريحه واااصله دبي ... ما بغيت اتعقه <<<< سوااالف ^,^
ما شاااء الله .... امدلع بطنك هالاياام ... مب منك .. من الراااتب اللي نزل لوووووووووول
عواااااافي عليك .... ومووووووفّج ^.^

مستر مطوع يقول...

شيلوو ...... مبروك على شو .. أنا خلاص افتكيت منه ^^


والشيوخ بنتي .. أسميها زي منا عايز .. إن شاء الله اسميها عتريس .... كيفي :)


سلطة .......... الله يسلمك


روض الغدير ........... thanKS

مستر مطوع يقول...

مس نو نيم .... دخييييييييييلج .. انا الروحي ماحب عمري يوم اكتب جيه ...:)


عطاري الحلول .... والله ذكرتوني بماماتي .. ساير تحوط ويـّـا بويه ابها والطائف ... =(



الظاهر ... نصكم مركب تقويم ...... ^^"

ألياس .... مرات المتواجدين صفر .. وانا اكون موجود ..... ^^!


سكربل ....... هيه والله شو دراج .. احس حلجي زاد اربعه انش ..... و خاطري آكل أكثـر :)



بوح الصمت ..... الله يهديج ... شو مبروك العق بعد .. تقولين وحده " مطيحه ياهل " ^_^ ... ويا مرحبابج والله .. وذكرتيني بالمسابقة ما دري شو صار بالنتايج ..... ؟


نقاء ..... بل بل بل ... حى نقُرّ بئى ولاّ إييه ..^^؟

الله يزيدنا ويزيدج :) ّ

simply.me يقول...

لووول انا ان شاء الله عقب اسبوع بشل تقويمي .. بس مادري احس الشكل بيكون دفرنت
و بالعافية علييك خييو .. ^^
و نتريا موور من يومياتك

غير معرف يقول...

عالجرررح ياخووويه ><" عالجرح
مبهدلتـني العيادة
وماعرف وين أدق براسي ! ولا أدري متى بتحرك وبكمل علاجي ف مكان ثاني

مبـروك =)
و نتريا يومياتك ،، نتونس فيها

7o0or يقول...

اقول افتكيت من القذائف الاارادية اللي تطلع من الفم بسبب التقويم واللي اعاني منها مع اكثر ربعي اللي حاطين تقويم..
الحين تكلم براحتك~~

جوري يقول...

زين والله افتكيت اخوي من التقويم

وتستاهل شيوخة كل الخير ^^

مستر مطوع يقول...

ما شاء الله ... يا كثر " المبتلين " بالتقويم

:)

إرسال تعليق

كـلمـة ئـصـيـرة .. تـمحـي بلاوي كـتـيـرة