٣١‏/٠٥‏/٢٠٠٩

كورالاين - أنمي

تتذكرون رسوم المعجون المتحركة .... إللي تخوّف و تلوّع بالجبد
= )



كانن وايدات .... اذكر منها دبدوب المسيقار - قصص القرآن - ومادري شو ..^^! مب من حلاتّهن يعني


المهم ... هذيلا الرسوم مصنوعات بطريقة الـ stop motion animation يعني يدوي اول شي يسون البطل في الواقع ويقعدون يحركونه شوي شوي ويصورون كل حركة .. حتى تنتهي اللقطة .. و يجمعون القطات حتى يصير فيلم كامل


( ساوندز بوورنق )


فهالنوع من الرسوووم ... ممممتعب للغاية ( شو درّاك مشتغل وياهم ..! ) .. فكيف لو شفت رسوم يضاهي ديزني و رقصاتها و حركاتها البهلوانيه و شخصياتها الجميلة ... بهالتقنية القديمة .... ؟


هذه هي حقيقة رسوم كورالاين .... فيلم كرتوني عميق وجميل وحساس جداً ... يدخلك في عالم من الخيال مثل عالم أليس في بلاد العجائب ... والساوند تراكس .... لووووووول مضيعة ومخيفة و راكبه عالأحداث مررررة


Coraline



يبدأ الفيلم بشويّت بساطة و سذاجة حتى تتطور الأحداث برؤية الباب الخلفي ... ومن ثم .. يبدأ الفيلم بجد


القصة تتكلم عن بنت ملاّنه من حياتها " الواقعية " .. انتقلت مع ابويها لبيت جديد ... بدت تكتشف اللي حواليه و تعرفت على الجيران غريبي الأطوار ... والقطوة السودى المخيفة ... وربيعها " وير يو وير بورن "


تذكر .. إن كل شي في هالرسوم " ميد باي هاند"


اول ما تدخل كورالاين الباب الصغير .. يتغير كل شي ... إلى ما تهواه كورالاين فهناك تجد أمها " الاخرى " الطباخة الجميلة وابوها الآخر المغني المضحك ... ولكن في شي خطأ في المووضوع ... ! والخطأ ... يخوّف يخوّف جداً ... ولا حتى أفلام رعب .. يعني والله ما ادري هل يصلح لليهـّال أو لأ .. لأني بصراحة .... مت من الزياع في بعض اللقطات خاصة لقطة ربيعها المسكين...



ادعه لكم لتكتشفوه ..... فيلم إذا بوصفه لكم ... بكلمات بقول :


كريبي بس انكردبل


في نهاية الفيلم ... بتحسون صدق .. إن حياتكم الروتينية .. احلى و أحلى من اللي تتمنونه


شعار الفيلم اصلاً
( بي كيرفول وت يو وش فور )
^-^
والآن مع الإعلان


شوفوه HD

9 حـط تـعلـيـق:

Scribble يقول...
أزال المؤلف هذا التعليق.
Scribble يقول...

interesting

شكله عجييب والله .. شوقتني اشوفـه ..

desires يقول...

شفته .. عوذبالله صدق زيااااغة ..

ومثل ماقلت اكزاكتلي ..

creepy yet incredible

حتى يوم شفته بغيت أرقد والليت مفتوح هههه لأني شفته الفليل يوم الكل ارقود ..

خليت عيال خواتي يشوفونه .. وهم صغار يحليلهم زاغوا .. قاموا ما يروحون الحمام _تكرمون_ الا ويوقفون ناطور عند الباب ..


بس اللي مستغربه منه .. هل هذا صدق معمول بالايد ماشاء الله .. شي صدق متقن ..

حمستني أرد أشوفه مرة ثانية .. بس ماظن بيكون الموفي يزيغ مثل ماشفته أول مرة

أول مرة نتفق على شي
^_^

مستر مطوع يقول...

سكربل ......... بتندمين =)


دزاير ....... لاااااااااااااا هاي مب انتي اكييد حد سارق اليوزرنيم ^-^

ونا بعد شفته الساعة 1 فالليل ... فدخلت جو الرعب صح

غير معرف يقول...

شكله حلو

والله تحمست ابا اجوفه

نجاة يقول...

أوه، شيء بصراحة..!
شكرا لأنك اتكلمت عنه :)

غير معرف يقول...

مستر تكفى
لي فترة ادور على هذا الفيلم اعجبني مره
ممكن تعطينا رابط له ويكون عربي

غير معرف يقول...

سوري الروابط ماتتحمل ممكن تحط روابط ثانيه

بصراحه الفلم مره روعه ودي احمله| ..........~

غير معرف يقول...

والله قهر مايتحمل الرابط

ودي اشوفه

إرسال تعليق

كـلمـة ئـصـيـرة .. تـمحـي بلاوي كـتـيـرة