12‏/06‏/2009

بترفلاي أفكت




:: محشش يكتب قصة لمسلسل ::


مدير الشركه قال للسكرتير عندنا انا و انت رحلة عمل اسبوع رتب امورك ,,,
السكرتير اتصل على زوجته ,,,
قالها ..... عندي رحلة مع مديري اسبوع انتِ دبري امورك ,,,


الزوجة اتصلت على أمها ,,,
قالت لها .... زوجي بيسافر اسبوع وبقعد عندكم,,,


الأم تعمل مربية لـ ولد صغير اتصلت ,,,
قالت له ... بنتي بتجي عندي اسبوع كامل وما اقدر اخليها لحالها وبكذا ما حقدر اجيك ,,,


الولد الصغيراتصل بجده ,,,
قاله ... جدو المربيه عندها بنتها اسبوع كامل وما راح تجي خلينا كل يوم نروح مكان و نغير جو ,,,


الجد طلع نفسه هو مدير الشركه ,,, اتصل على السكرتير ,,,
قاله ... الغ الاجتماع لاني مشغول مع حفيدي
,,,

السكرتير اتصل على زوجته ,,,
قال لها ... انلغت الرحلة وراجع للبيت
,,,

الزوجة اتصلت على أمها ,,,
قالت لها ... زوجي ما راح يسافر ولا حاقدر اقعد عندك اسبوع ,,,

الأم اتصلت على الولد الصغير ,,,
قالت له ... لا خلاص بنتي ما راح تقعد عندي اسبوع وراح اجيك ,,,

الولد اتصل على جده ,,,
قال له ... لا جدو المربيه جاية خد راحتك ,,,

الجد رجع اتصل على سكرتيره ,,,
قال له ... حضر نفسك لازم نسافر للاجتماع ..!!



والى الان لم تحدد الحلقة الاخير


!!!!!

حد منكم قرى كتاب بترفلاس افكت <<< اكييد محّد خبز إيدي اعرفكم ^_^
اوكيه باختصارهي عباره عن قاعده تقتضي بترابط التأثيرات في كل الكون بمعنى :
أن رفـّة جناحى فراشة في الصين قد يتسبب عنه فيضانات وأعاصير
ورياح هادرة في أبعد الأماكن في أمريكا أو أوروبا أو افرقيا
:
صاحب هالنظرية هو إدوارد .. ولاّ أقولكم .. ما يحتاي اتفلسف الظاهر الآيلس باجر معذبني عالآخر
( كاتب هالموضوع علشان تدعوله )
^__^

18 حـط تـعلـيـق:

غير البشر يقول...

لوول هالقصة قارتنها قبل جم يوم بس شوي كانت الشخصيات غير :d

وعن الكتاب شكله حلو اذا تنصحنا بقرايته
بسير اشتريه :)

والله يوفجك ان شاء الله

desires يقول...

القصة بكبرها .. محرفة .. لأنها وصلتني على اساس ان المدير يبا يسافر مع سكرتيرته .. والسكرتيرة ريلهايبا يطلع مع ربيعته .. << شو هالقصة اللي فيها قيم مب زينه ..

بس المهم نفس الكونسبت ,,

اني ويييييز .. ربي يوفجك في الامتحان ..
صدقني انت قدها وراح تكسر الاسكوووور المطلوووب
لانه حسب ما اعرف انه peice of cake

جوووووود لك ..

-{ Highness }- يقول...

بعد أنا نفس دزايرز وصلتني القصة مثل ما وصلتهاا .. :)

و عن البتر فلاي إفكتس أحييد اني ساعه هالمعلوومة بس ويين و الله ما أذكر..

و عن صحتهاا سبحان الله كل شي جاايز ^^"

بالتوفييق .. و انت قدهااا =)

غير معرف يقول...

سامعه هالقصه ^^

والكتاب ,, شكله حلوو ,, ابا اقراه
بس ما جد قريت كتاب بالانقلش

تعرف اذا مترجم ؟ وشو اسمه ؟؟

>> دزاستر

غير البشر يقول...

توني اجوف انه الكتاب بالانجلش :/
ماشئ مترجم ؟؟؟

M!Ss No Name يقول...

شكله الكتاااب ناايس ,, ان شاء الله بقراه << فاظية
و بالتوفيق خيوو ,,

مستر مطوع يقول...

غير البشر ..... لا ما انصحج .. ممل .. خاصه في الإجازة ^-^ و آمييييييييييين

دزاير .... خخخخخخ صدقج شو هالقيم ... انا والله وصلتني هالرسلة مثل ما كتبتها لكم ... ^-^ عقولتج الكونسبت اهم شي .... :) .. ومن تمك لباب السما


هاينس ... خليني ادوخج اكثر .. في حلقة رسوم ما اذكر أي وحده المهم .. عن العودة في الزمن " يمكن رحلة عنابة " لما عادوا في الزمن نسوا قلم حبر هناك " قلم بس " ... و
يوم رجعوا لزمنهم الأصلي .. لقوه متغير 180 درجه .. كله بسبب القلم إللي نسوه هناك ... " عجبتني الفكرة " ^_^

دزاستر ... اتصدقين كتبت إسمج في التعبير ألف مرة .. سهل وحفظته من كثر ما اقراه .. ومتأكد من الكلمه ^-^

وشكلج .. وايد متحمسه للإجازة ...تبين تقرين كتب... يا بنت الناس .. سيري المول ابرك لج ...خخخخخ ( هاي النصايح ولاّ بلاش = )

غير البشر .. ما أظن

مس نو نيم .... إلا فااااظيه أس تسعه ^-^

وشكراً عالدعاوي .... وبصراحة ... الإمتحان كان أبداً ما يسرّ .. اتضاربت ويـّا الإدارة .. هناك ... واشتكيت وكتبت كومبلين بيبر و ترستها ترس " مصدق عمري عبالي آيلس " ... و أخاف يغيّرون في ورقة حلّي .. و ينقصوني ماركات << ( ايوا تعذّر .. من الحين )

@بنوته في زمن فتنه..~ يقول...

يعطيك العافيه .. والله دايما تحتفي باللي تبعثه اخويه..^^
موفق والله يعينك..*^'


وبغيك اعرف اكثر عن الكتاب .. !! اذا في مجال

غير معرف يقول...

إن شاء الله النتائج تكون مرضية

بالنسبة للإفيكت إياه مو كأنه أكو فلم عنه؟؟؟

نقاء يقول...

هاي القصه يتني ايميل ... بس ظررررريفه ^.^
عيل يبااالنا نقرا الكتاااب .... شكله عجييب !!!!
وفي كتاااب اسمه الأمير الصغير"The Little Prince"
للكاتب الفرنسي " دو سانت إكزوبري Antoine de Saint Exupéry"
عندنا واحد بالدواام يمدحه يقوول عنه واايد أووكي ... ان شااء الله بحااول أبحث عنه وأقرااه .... بالتوووفيج مستر ^.^

غير معرف يقول...

تصدق عااد يا مستر اني حلمت ف هالبتر فلاي ,,

دخيلك قول شو اسم الكتاب .. لوول

ودامك كتبت اسمي ابشر بالنجااح :P

>> دزاستر

نوفه يقول...

راسي داخ الله يسامحك وش هالقصة :(

طيب الكتابة حلو أو ايش

-{ Highness }- يقول...

بلاااا كل هالتعقييد ..

اتذكرت ويين .. قريته الله يسلمك في رواية " حكومة الظل" .. للكاتب منذر القباني .. يعني اللي قراا شيفرة دافنشي.. لازم يقراا هالكتااب ..

بس أنا ما قرييت شفرة دافنشي وااايد كبيير ( يضيع الوقت ) ..

بس أنصح الكل انهم يقرون حكومة الظل صدق بتنبهروون ^^ ,,

مستر مطوع يقول...

الحين من صدقكم الخين تبون تقروون الكتاب ....... لااااااااااااااااااااا الإجازة سوّت بلاوي ..^^!


انا الكتاب ما شريته .. لكن شفته عند ولد خالتي " الأمريكي " وقال لي عنه ... ^-^

عطاري ولد خالتي هذا .. ذكروني اخبركم عنه ليييتر

وبخصوص الفيلم نعم في جزئين الأول جميييييييييل جداً طبعاً غير عن الكتاب ... لكن فيه قصة خذت نفس مبدأ الفراشة

دزاستر .......... لووووووووول اسمه بترفلاي افكت =:) بديهي ... عاد توصل للأحلام .....!!!!



نوفه ..... سامحينا .... وخذيلج حبتين بندول ... وشربي عليهم لبن اكتفيا .... << شو يخصه ^^"


هاينس .... والله صرتي تخوفيني .... شو يقربلج أحمد الشقيري ...^^؟ ثقااااافه حدهاا

x616 يقول...

السالفه فيها قرايه انا ابعد اقرا بالعربي ماافهم كيف انجلش -_- جييين ماعلينا ^^ بنشوف الفلم ^^ اللحين بقول لماي بروذر

وقود لك في الايلس ان شاء الله تيب 8 ^^

bea* يقول...

القصة مادامت من محشش فـ لا حرج هههه

والنظرية قرأت عنها منذ مدة -غريبة- لكن لم تستهويني كثيراً برأيي التفكّر في الكون بأي شكل من الأشكال يؤدي إلى التوصل ما هو اعمق

مستر مطوّع أحييك على مدونتك ومحتوياتها المفيدة والممتعة بنفس الوقت

يعطيك العافيه عالمجهود :)

وان شاء الله تكون بيّضتها في الامتحان بس؟
موّفق

-{ Highness }- يقول...

اممم أحمد الشقيري أخويه في الله .. ^_^

وايد اعجبت بإنتاجاته و حلقاته .. و خاصة كتابه خواطر 2 ,, أنصحكم تقروونه واايد مفيد ومؤثر ,, بتحصلونه في جرير .. و انتاج العبيكاان ( يعني حاجة تانية).. :)

سمو الأميرهـ يقول...

الله يوفقكـ وينجحكـ ،،
قصة المسلسل عجييبة ،،^^

إرسال تعليق

كـلمـة ئـصـيـرة .. تـمحـي بلاوي كـتـيـرة