26‏/04‏/2009

ماوسي و فاري








امس دخلت حجرة الكمبيوتر ..... ( كلّـش الحين اللي يقول مختبر دكستر ) ... لقيت آثار الجريمه واضحه

يعني .. استغفر الله استغفر الله .... التراب والغبار ... لا ... وحتى الماوس باد .. يدل على الكثير من الفواحش




في البداية .. قلت هذا يمكن غبار .. وحركات جو ..... ( في هالبوست بتكتشفون طرق التفكير الخاصة بي ) ^^ هالله هالله


و مسحت الغبار ... و كملّـت " سيرفنق " ... و طلعت ... وعند منتصف الليل .. ومثل ما قال الشاعر



" إن الحوادث قد يطرقن اسحارا "



رجعت للكمبيوتر .... ولقيت بالضبط نفس الآثار ... اهنيه .. انا قلت السالفة فيها " إنّ " .... انا قلت يمكن صرصور .. أو بو يعاله ..






أو شي من هالحشرات المستانسه .... والغريب .. الآثار كلها .. صوب الماوس ... يعني استغفر الله .. مثل ما تقولون يعني .. مستقصد الماوس يعني




انا دخلت النت .. وكتبت آثار صراصير و عقب بعض الحشرات ... وعقب يا في بالي .. اكتب فيران

وجان يطلع الأثر بالضبط شرات أثر الفيران






بس ما كان واضح جيه ... الحين .. انا قلت : والله سالفة




ماوس .. وحواليه آثار فيران ... ^^!







قلت يمكن ماوسي .. صدقي . . على آخر الليل .. يتحول فار .. ويحوط ... ؟






بعد مرة ثانية مسحت الغبار ... و يلست عالنت ... و بحثت عن قصص غير شرعيه حدثت بين الفيران والماوسات

وإذا بي اجد الكثير .. والله المستعان .... والله يستر على ماوساتنا من الضياع ..واستغفر الله ... و بصراحه .. اسقط الأمر في يدي .. ولا اعرف ما الحل






ساعدوني




اخاف يضربني الطاعون من هالعلاقات الغير شرعية




^^؟


: آب ديت :


لقد تم إتمام عملية

" الزخ ّ "


للعشيق السريّ لماوسي


وبصراحة طلع ذوق ماوسي .. حلو .. الفار برونزي وشعره ذهبي وعيونه سود

صدق إللي قال

" صخلة الفريج ما تحب إلا التيس الغريب "


وهذه صورته ..عبره لمن لا يعتبر

16 حـط تـعلـيـق:

غير معرف يقول...

هههههههههه وايد متأثر بالرسووم :P

شي غريــــب صراحة !!
جرب افتح الماوس من داخل ونضفه..

>> دزاستر

نقاء يقول...

ييب له قطوووو ... وشووف شو بيصير ؟؟؟؟ لووول
<<< الشكر لله أخي العزيز ... هذا وااجبنا ^.^

b6ah يقول...

هههههههه
من صج السالفه يعني
>>>مب مقتنعه والله ؟؟؟؟؟
يعني كييييييييف .. غلط !!!!!!!؟؟؟؟؟
نظف الغرفه بكبرها و شوووف المفاجآت @@

والله يعينك ^^"

alb6ah يقول...

خخخخخخخخخخخخخخ صراحه اسلوبك تحفه
طيب جيب مبيد حشرات و رش بالغرفه ، يمكن ينكتم الفار و يطلع

ألياس}~ يقول...

نصيحتي لك .. حط جبنة (مالت قوم توم وجيري اللي لونها ذهبي وفيها فجوات بنية) جدام ماوسك المتحول ليلياَ ..

وخبرني شو بيصير ..!!!

بنت الشيوخ يقول...

مستر شله وياك لاتتر الماوس انصاص الليالي بروحه هع
استغفر الله بس لوووول,,,

حاولت أنسى يقول...

بييل عليه حجرة الكمبيوتر مرة وحده
انا لين الحين ما عندي هـ الحجره هع
حط له سم فيران وعقبه صورلنا اياه

عاد انا خاطري اشوفه لوول

بس دير بالك شكله خقااق

لوول

الله ينصرك عليه

مستر مطوع يقول...

والله ما عرف شسوي من هالحلول .. الحين انا يالس اكتب .. والآثار تارسه الماوس باد .... !!!!!!!!!

سمعوا ترى إذا صار ما صار .. البلوق وقف في سبيل الله .. أوكييه ... !

غير معرف يقول...

مستر ,, صووور المكان >> عشان توضح الصورة :P

>> دزاستر

غير معرف يقول...

خخخخخخخخخخخخخخخخ

حط كاميرة فيديو في الغرفة وشوف شو بيصير

وخبرنآ خخخخخخ

ابو الباء يقول...

عندك 4 شهود ولأ نعتبره قذف يا بو يابر؟

sky5555 يقول...

انا ..اقول . جب لك ماوس وردي وحطه جنبه

ما في احسن من الحلال وشغل لهم انشودة زفه

... والستر زين يا مستر ...فضحت الرجال بالنت
وبكررره تشوف المنتديات فضيحة ماوس مستر مطوع بالصور

..اسلوبك حلوووو ..ما شاء الله عليك

مستر مطوع يقول...

دزاستر .... والله صورت علشان محد .. يكذبني ... بس مب صافيات ^^


يبالي ... كيمرا بسنترها عالماوس ^^


أبو الباء...... ما تتخيل كم ضحكت على ردك .. ياخي رووووووووووح الله يسعدك دوووم ^-^ قال قذف قال


سكاي ...... لعل وعسى ما وساتكم " تتعض " ^^ خخخ

B6ah يقول...

حلوووه الحركه يو غطيت عيووونه .. عن ينفضح الريال

الستر زين هههه

غير معرف يقول...

0.O هههههههههه يا إلاااهي ..

طلعت سفااح ,, حرام عليكم جتلت الريال ..

الحب اعمى يا مستـــر .. الحين الماوس مالك ما بيجتغل غماا وحزناا ع الحبيب المغدوور ..

>> دزاستر

نقاء يقول...

أفااا يا مستر ... جان يمعت راااااسين فالحلاااال ... الحينه ماوووسك بدّق حززززززن على فراااق حبيبها ):
<<<<< الفاااار كسر خاااطري .....

إرسال تعليق

كـلمـة ئـصـيـرة .. تـمحـي بلاوي كـتـيـرة