25‏/04‏/2009

ألبوم آسف - خالد زاهر



اول مرة اسمع هذا المنشد في حياتي ... وشكله وسييم للغاية ... أو الفوتوشوب لاعب لعايبه ..... " يا بنات لا طالعّنه" :)

يااااااا الله ما اجمل صوته .. صوته جديد على الساحه لا يقارن بقوزع ولا حاميم ... بل اكثر رقة وبحه ...و لا اظن ان صوته جميل بقدر جمال ألبومه " الأول "هذا
فلأول مرة .... من بعد البوم كلمات لعبدالقادر قوزع .. " اطرب " للنشيد ... وهنا .... لم اطرب بل .. انتشت روحي وبكت عيني لجمال الكلمات وروعة الألحان .. و الدخلات والطلعات .. حتى الكورال ..... إللي تعودنا عليه من اليمنيين المزعج لسنوات عديده .. ففي هذا الألبوم .. اجمل ما فيه هو الكورال ... ولو في نسخة للألبوم بالكورال فقط لشتريتها ... ( أنت اشتر هالالبوم أول ^^! )

بحق .... انا في البداية سمعت النشيدة عبر اتصالات .. وعجبتني و حطيتها نغمتي .... و تجننت عليها .. كل ما الاقي حد .. اقوله عطني تليفونك واتصل على تليفوني ... واستمع لها ... حتى ... "تردى" بي الحال ... للبحث اليائس عن أي ملعومه للشريط اللي فيه هالنشيده .. واستمر البحث لمده ... 5 ايام ... حتى ملّيت ... وفي النهاية اتضح .. إن طـُلب مني الحث عن نفس النشيده قبل اسبوع .. ودبرتها لها " نقاء " ... وإذا بي الأن اطلب من زواري البحث عن نفس النشيده .. إللي انا يايبننها قبل اسبوع ... عقولتها " الكبر شين " ^^

عالعموم ... نرجع للألبوم
سمعت نسخة الإيقاع ... و ماااااااااااااااااااااا اجمله من إيقاع حي ... ينعرف الدف والطار .. طرر... مب جدور ومغارف شرات ربعنا
والآن ندخل عالاناشيد
(( مقاطـــــع ))
:
:
:

ألف صلى الله
كلمات : ماجد الجبري الحان : تراث
كلمات جميله في مدح الرسول عليه الصلاة والسلام .... بلحن تراثي ... ليست بذاك الروعة .. لأن المنشد .. " تقبـّض " بنبرة وحده ..!

ايش منتظر
كلمات : دهاق الضبياني الحان : عصام الحميدي

حلللللللللوة الدخلة .... فرفوشية ....عنجليزي على يمني .. لكن الإيقاع .. يمني بحت .. لو خلوها كلها أمريكانيّـه جان زين

باب الريح
كلمات : ماجد الجبري الحان : عصام الحميدي
هاديه ... وبعد يمنيه " اكيد الألبوم يمني " .... :)
جنة يا روحي
كلمات : عجلان ثابت الحان : خالد زاهر
لحن سووي شرات قوم 4 شباب ... هنا يطلع لنا اليهال .. والكورال إللي اقولكم عنها . .أظن بنات بعد ... خطيييرين والله
و كذلك يطلع لنا صوت خالد ... الفرحي ..واتحس . .إنه من قلبه النشيده طالع . .أكيد لأن هو إللي ملحنا

دانه

كلمات : ماجد الجبري الحان : عصام الحميدي
هنا " سكب " ... الجبري نصايح الزمان عن الدنيا و الصحبه .... و الألحان .. فائقة الجمال .. ومقطع الكورال .. للبنت ... فنتاستك ^^

صلاه
كلمات : عجلان ثابت الحان : خالد زاهر
نشيده إيمانيه ... مؤثره ... تقربك من الله .... و هنا يرينا قدراته في تقليد ... محمد المطري ... وكذلك الكورال ... والآهات ملعوبه صح

مجروح
كلمات : عجلان ثابت الحان : خالد زاهـــر


ثاني احلى نشيده في الألبوم .... سامحوني .. ولكن في النشيده .. صوته كصوت نوال الكويتي ... ربما البحه زادت عن اللزوم .. بس والله ما زادت النشيده إلا روعة و أحاسيس .. والكورال .. معظمه هو :) .. والكلمات ... يااااااااااااه ما عليه كلام الجبري والله
ونأتي للنشيده إللي دورتها لمدة أسبوع .. وذكرتها فوق وهي

ما شفت
كلمات : عجلان ثابت الحان : جميل قاضي
هنا ... ارتعشت كل شعره من جسمي .. لجمال هالنشيده .... والله ..إني سمعت هالنشيده ل40 دقيقة .. متواصلة .. وانا اركض
وما مليت .. وانا للآن أسمعها .... جمييييييييله

كلمات فائقة الروعة ... وهنا " كسّر " عجلان .. ميادف الجبري .. بهالنصايح .. ووصف
حال الأصدقاء المتزاعلين .. وواحد متلوّم في الثاني ... ويترّيا حد فيهم يراضي الثاني ... .. و اتكلم
هنا عن الكورال ... واااااااااو وااااااااااو وااااااااااو .. ما اجمل صوت هذه الفتاه ... حزينه .. للغاية .. ومن
ثم يأتي خالد زاهر .. ليكمل البيت بصوته المفرح .... ( سوّولي لخبطه ) فما كان مني سوى البكاء .. والله

تقف كلماتي .. و بوستاتي احتراماً للملحن والمنشد .. والشاعر ... وكذلك الإيقاعيين ^^"
تفضلوا النشيده كامله
" ما شفت لك ياذا الزمان وقفات من يوم طاحت كل تيجاني "

و سوالم

22 حـط تـعلـيـق:

غير معرف يقول...

خخخخخخخخ قال نوال قال . صوته يشبه عتاب اكثر . مب نوال اسمعها زين .:)

بنت الشيوخ يقول...

تحمممست حيييييييل
ليييش بس مقطع صغنوون >ــ<
:
كلماته رهيبه شكله كل الالبوم رهيب بجد .
يعطيك العافيه مستر
:
بس اناابي اسمعه كله الحين < برا

desires يقول...

التصميم وايد حلو ماشاء الله ..
أبدع المصمم

بنت الشيوخ يقول...

سمعت نسخة المؤثرات البشريه رااائعه

^ــ^
ثانكس مستر لانك عرفتنا ع هالصوت :)

Rmadea ~ يقول...

اشوا اخوي تصدق علي بالكونكت حقته
حتى انا ابي اسمعه كله اللحين خخخخخ

سمعت مجروح من مدونة انشاد قيرل بس مره مرتين وخلاص ماشدتني حيل :|

الا الغريب مافي تقرير عن اعتذار
مع ان اغلبه حلووين
واخوي من صباح الله خير الناس بالموت تفتح
يشغله بالسياره
مغمضه من النوم وراسي يهتز من ربشةاليمنيه خخخخخخ

عطشت من كثر ماقريت ><

غير معرف يقول...

مشااااااءاللله ,,, الكل فوق سابقني!!
وايد تأخرت ف الرد هالمرة ,, ..

جاري التحميل وصرااااحه تغززززلت ف الريال يا مستر لين شبعت ..

متحمس شكلك من الخاااطر ..

يالله بسير اسمعها ..

>> دزااستر

alb6ah يقول...

جميل
أشكرك على تعريفك به

Rmadea ~ يقول...

هذا ايش منتظر كامله

http://upload.ps/files/down/HJcqBG06XLDk5Yx3tU2A0OAgjgrv3XLvdWn5Tz/nph5RtWkXG45jNbPU4f0blS084sC2B3A=/اش_منتظر2.mp3

النشيدة الاخيرة مافتحت !

نقاء يقول...

من سنين وبنين أقووولكم هاي النشيده حلووه .. بس محد عبرررني <<< جذاااابه
المهم .. يعطيك العااافيه أخويه مستر على مدحك الرااائع للألبوم <<< اللي يسمعها يقول هي صااحبته ^.^
واللي حااب يسمع النشيده كاامله .. نور دبي دووم اتحطيها الصبح قبل الساعه 7 والظهر ع الساعه 3 ونص تقريبا << تسمعها قبل ما دوام وعقب ما تخلص الدوام ^.^
السموووحه .. طوولتها وهي قصيره لوووول

مستر مطوع يقول...

غير معرف ........ خيييييييييبه عتاب عاد ^^"


بنت الشيوخ ... يمكن خذاني الحماس في وصفه .. لكن في 3 اناشيد يستاهلن شراء الشريط من أجلهن :)


دزاير ....... نحن وين وانتي .. وين ... بس شكل التصميم جيه شرات دبي اكواريم البحري :)


رمادية ... انا مقصّر في التقارير ككل .. فكم ألبوم نزل وما كتبت عنه انطباعي .. لكن هالألبوم .. ذكرني بالتقارير .. و إن عجبني اعتذار. . راح اكتب عنه " إن" ^^
خخخخخخخخخ شربي ماي


دزاستر ........... المنشد يستاهل كل خير :)

البطة ...... العفو


رمادية .... اي اخيره .. " ما شفت " ... جربي مره ثانية


نقاء .... " سنين وبنين " ... واااااااااااو جديمه بالقو هالكلمة ... ^^
وشكراً لج اولاً واخيراً

M!Ss No Name يقول...

ماشاء الله مدحت الشريط وااايد ,, حمستني وااايد

الغر الحشيم يقول...

يزااااك الله خير يا خوية مطوع

في ميزان حسناتك

انا بعد عيبتني النشيدة الاخير ما شفت >> ربشة واايد هههه

^^

مستر مطوع يقول...

مس نونيم .... يبالج نعم ^-^!

الغر ....... وإللي فوقها بعد حلوة بس يبالها وقت لين ما تنبلع شوي :)

unique يقول...

يكفي أنه يمني...

الأناشيد تبين أنها رووعة
متحمسة أسمعه كله

وصراحة صوته رووووعة
تعجبني الأناشيد اليمنية الي تنشد باللكنة اليمنية
تطلع شي ثاني بس لازم يكون اللحن حلو طبعا

بالتوفيق له...
ومشكور أخوي ع الطرح الرائع

غير معرف يقول...

هلا اخوي

مشكوووووووووور الله يخليك لاهلك ياارب
الانشودة الاخيره رروعه <<< ماشفت

بس طلب صغيرون اذا ماعليك امر

ممكن الكلمات للانشوده الاخير لو سمحت يعني



سموي

غير معرف يقول...

النشيدة روعة ..جنها غنية ...يابتلي الشبهات

الكورال حريـــم ؟

إماراتية مزاجية يقول...

خخخ شكله حلو + صوته ماشاء الله عليه ما بنكررر هشييي
بسألكم أخواني وخواتي ---->>ماجنه أناشيده فيها موسيفااا ؟؟؟

غير معرف يقول...

اولا هذا المنشد معروف في اليمن ^^

الشريط حلو جدا .. مميز

ثانيا بس سر : هو اللي انشد زفتي ^^

غير معرف يقول...

عجيبة النشيدة " ما شفت "

بس ياليت لو كلماتها بعض الكلمات مو واضحة

يزاك الله خير

الطيف المسافر يقول...

والله خالد ما في منه روووعه وجمال واخلاق الله يحفظه ومشكوره اختي على نشرك هذه المعلومات عنه اكيد خالد بيدعي لج

غير معرف يقول...

بس اقول ماشاء الله واهم شي انه ثائرفي ساحه التغيير\شبوة

غير معرف يقول...

بس اقول ماشاء الله واهم شي انه ثائرفي ساحه التغيير\شبوة

إرسال تعليق

كـلمـة ئـصـيـرة .. تـمحـي بلاوي كـتـيـرة