05‏/04‏/2009

قمر بني هاشم

إعلان المسلسل


ليش محّد فيكم كلّمني عن هالمسلسل ..... ؟



دشيت قبل شوي داخل البيت ... ولقيت كل البيت " متسدحين "


تحت التلفزيون ... و يشوفون مسلسل قمر بني هاشم على قناة ليبيا ... الصراحة .. وايد اندمجت وياهم


انا ما ادري ... حلال و لاّ حرام ... بس أظن إنه حلال ....
عجيب عجيييييييييب جداً
احلى شي عقب ما يخلص ... تبدأ الأسئلة .. فيما بينا ... و اسوي عمرى مفتي الديار " العيناوية"
هيه على طاري العين .. مبروك الفوز ... صح مب من الخاطر ... بسبب مسيراتكم إللي سكّرت شوارع العين
مب قادرين نخلص اشغالنا .... بس بعد مبروووووك الفوز .. ^- ^
المهم حد فيكم شافه .... ؟

9 حـط تـعلـيـق:

نقاء يقول...

والله ما شووف التلفزيوون خير شر .. <<< ني توو مج بيزي ^.^
و ع طااري المبااراه .. صج مبرووكين الفووز
شفت نهااية المبارااه .. بالصددفه .. لني كنت اتعشى بالصاله =)

ZerOnE يقول...

أولا مراحب عم حامد .. عبيدة معاك .. : )

بالنسبة للمسلسلة ، فهمت من أهلي إنه من أحسن المسلسلات يلي تحدثت عن هالموضوع .. يعني من الناحية الشرعية والتاريخية

بودي أشوفه ، لكنه ما في وقت .. :(

دعواتكم
^.^

>>AL.MoHra>> يقول...

السلام عليكم مستر مطوع:))
اول شي ابلغك تحيات اهل الكويت:))
ثاني شي مدونة واايد حلوة:))
وصراحة ماشفته تعرف لوية الجامعة والدراسة ما تخلينا نشوف تلفزيون:( بس شوقتني اشوفه انشاالله بعد التخرج هالكورس نتفرغ عاد حق هالسوالف:))

عندي سؤال تحت عنوان المدونة مكتوب خوص يمعة..شنو يعني خوص؟؟؟

تقبل مروري..دمتم بحفظ الله

المهرة:)

desires يقول...

امممم احيد امايه كانت تشوفه في ارمضان وقت السحور .. وياربي شقد كان ضغطي يرتفع يوم اشوف لقطات منه ..

مادري حسيت غيرو الصورة المرسومة للصحابة رضوان الله عليهم في مخي ..

فعشان جذي ماكنت ادانيه

الصراحه ما عيبني << دوووم مخالفتنك كخخخ

الغر الحشيم يقول...

>.<
مي توو ما اجوف التي في ..
بس شكله فنان .. لو قدرت اتحمله لنا ونطالعه رباعة هني لووول >> الاخت على بالها سينما ههه

المهرة >> خوص يعني روق النخل نسميه خوص ميمع >> أي متجمع .. ^^

>>AL.MoHra>> يقول...

الغر الحشيم:

اييييييييي عرفته بس مادري ماطرى ببالي كلش:))
شكراً على التوضيح:)

الحلم الوردي يقول...

مرحبا اخوي مستر مطوع
ما بغيت اكتب هالرد حشى كل ما اكتبه بطبر ما ادري وين يروح شكلها مسكونة هالمدونة خخخخخخ

الصرراحة انا ما تابعته و لا اعرف عنه الا عن طريق مدونتك
بالبركة لاهل العين يستاهلون و الله
صدق انهم صدعونا بهالمسيرات و سوو زحمة بس يابوا المطر وياهم الحمدلله

مبروووووك عليكم الرحمة لو انها متاخرة

^_^

simply.me يقول...

أول شي .. ناايس بلوق .. !!

واايد ستانست بالبوستات كلهاا .. =)

و على طاري المسلسل ... XD ما احب اجوف التلفزيون واايد الا بالناادر جان بيعبني شي

والله يبـارك فيــك 3ashan fooz el 3ain =P

مستر مطوع يقول...

نقاء .. أصلاً منوه يشوف التلفزيون الحين ... !!

انا بروحي .. ما اشوفه إلا يوم ادخل البيت و ألاقيهم .. ياليس حذاله ^-^



زورون ..... شوفه عالإنترنت :) اشكر زيارتك ^0^


المهرة ..... الله يبارك فيك ... وشكراً لك .. وحياج الله معانا



دزاير .... بيني وبينج كلامج صحيح ... لكن عاد هاللي صاير هالأيام .... ويبالج اتشوفينه


الغر ...... اشوفج مستويه الإدارة هنيه ... :) شكراً عالإجابة



الحلم ..... هيه والله .. انا الحين تقريباً ... عايد كتابة الكومنتات أشرمية مره

والله يبارك فيج .. ولو إنا نسينا شكل المطر . .:)


سمبلي يو ..... مرحبابج في البلوق ...وناسة الدنيا والآخرى إن شاء الله


وللي يبى يشوف حلقات المسلسل عاليوتيوب

http://www.youtube.com/watch?v=FQ9DBFqWKV0

إرسال تعليق

كـلمـة ئـصـيـرة .. تـمحـي بلاوي كـتـيـرة