03‏/01‏/2009

quiet morning

اليوم وعيت قبل الأذان .... و دبرت لي حطب " شحاته "


ونشرت او بالأصح .. سريت .. لأن كان بعده ظلام ... وسرت صليت في مسيد قرب عزبتنا
صوب شعاب الغاف
و صليت " الله يتقبل "


و خطفت = مررت
على مطعم قريب المركز .. وشريت لي دلة من الدكان إللي عداله ..
"يمكن هاي الدلة العاشرة بعد المئة إللي أشتريها .. ما في تخطيط "
وطلبت بيض و جبن و سندويج عدس طمام
... وسرت العزبة أو بالأحرى .. " انقاض " عزبتنا


و بعد جهد جهيد
ورّيت الضو = أشعلت النار
عقب ما مت من البرد .... " اليوم كان غيوم ورطوبة "


ولكن الحمد لله الغيوم كانت سبب في تأخير الشمس من الطلوع المبكر ... متأخره عن الدوام .. ^^!
فاستمتعت بالضو = النار << إلا أعلمكم إياها :)
و لأطفأ البرد الداخلي ... لطمت لي السندويجات و قلاصين جاي .... وكانن حلوات من خاطره راعي المطعم


ويلست .. أوني .. مسويّ لي كوايت مورنق
و اشرقت الأرض بنور شمسها بإذن ربها


و طلعت الغنمايات .. للدوام ... كل وحده .. تحضر عمرها .. بقولة إمباااااااااع


للبيدار = العامل إللي يعمل في عمل العزبة
العزبة = هي المكان الذي تجتمع فيه الغنمايات والجملات و الهوشات والبوشات
على حد سواء في مكان واحد غالباً في رمل وتراب


"يعني بالله تباهم فوق باسو و حجر أردني . .. ! "
و كل وحده خذت زاوية .. وقعدت اطرّب .. و تتريق .. و ترعى ... " وتذكر الله "
مشهد .. على بساطته . .أسرني والله ... من زمان ما شفت هالطبيعة
" كلّش الحين دسكفري . .! "


هاي صورة لتمركزي وبقايا النار


ولازم نبتون



الصراحة ... زاد إيماني طشونه ... ولا مب من عوايدي ... أصلي الإشراق ... فصليت لي ما كتب الله لي " الله يتقبل "

كم ركعة صليييييييت ؟

عقب مريت على امبزرة .. ادفى بالماي الحار ..... كانت متروسه إنجليز .. بس كانوا راقدين ..... :)

و رحت اتحلق ... و رديت البيت
^^
لازم اروح يو ضيوف

19 حـط تـعلـيـق:

غير معرف يقول...

اخر صورة يبين الجوو فيها خباااال ,,
نحن نطلع طلعات وشد الرحال للعين ,, يعني ف السنة احسنة ,, انتوا عيننكم عندكم .. وناااسه والله

تقبل الله وبالعافييه ,, >> يبالنا

>> دعواااتكم في مشرووع تخييم تابع لجامعتنا وفييه مبيت يومين في جزيرة الفطيسي خاطري التحق فييه .. ادعولي ..

>> دزاستر

حاجوني يقول...

ماشاء الله .. ياحبنا اللطبيعة شيء طيب الصراحة ..
حمد كيف جي ما خبرتنا كنا بنخاويك في طلعتك -__-

بخصوص الركعات .. يتبين لي بعد تفحص الصورة و بعد ما (شلقت ) عيناي بأنها كانت ركعتان.. هذا والله أعلم ..

شاي نبتون >> اسميك جديييييييييييييييييييييييم

ونعيماً ^_^ .

بنت الشيوخ يقول...

اهم شي الترجمه هع*ــ^

يااازيـــن شبة الضو والدفء والشاي ومرآقبة شروق الشمس woooow
أحسدك الصراحه ع هالجو الفنتك :)

ramadeah يقول...

يازين ,,, هب النسيم << ضيعت

ناقص مبارك العنزي يقصد خخخخخخ

امبزره ؟؟ هذي عين
رايح عزبه والا بر ؟؟

العزبه = مزرعه
إذا كذا ترا مزرعتنا احلى :P

Scribble يقول...

الله .. والله احلى صبـاح

=) ..

غير معرف يقول...

من وراي يا بو يابر

اتصل عالأقل

خبرنا

ابو الباء

lil.D يقول...

الحين عرفت ليش رمادية تقول تقدر تفهم كلامك :) .. !

أولاً .. تقبل الله ..
ثانياً .. هالدكان اللي خذت منه دله، شكله يبيع دلال من الزينات >_< ..
ثالثاً .. يا حظك :) .. انا اكتفيت اشوف هالمنظر من ورا شبك دريشة الحجرة !! .. (شوف الفرق) لوول ..
رابع شي .. صدق جو رايق :) ..
خامس شي .. شكرا على هالبوستس ^___^ تمتعنا بمدونتك .. دائما كل ما ادخل كل يوم اقول بشوف شي يديد وممتع .. والحمدلله مايخيب ظني

ramadeah يقول...

^
^
خخخخخ
لا ياليل تراي افهم بدون القاموس العجيب :/
بس اختلطت علي بعض المصطلحات >___<

ماتزرعون فيهم العزبات ؟ من وين تجبون التمر :)

ونشرت هذي أول مره أسمعها !

مستر مطوع يقول...

دزاستر .... الجو كلن في العزبة احلىمن إللي في امبزرة .. بس لأن السمش كانت تطلع شوي و تغط .. ورى الغيو فأنا استغليت طلعتها وصورت ..و لأ .. انا فضلت العزبة اكثر .. :)

وبعدين انتوا البحر مب مبعيد عنكم ..... :&)




حاجوني .... هيه والله ... الطبيعة تزيد الإيمان ....و و جوابك صح .. كانن ركعتين ... والمرة اليايه ...... بشتري " london " هذاك إللي ينباع في الشيشة :)


بنت الشيوخ ........ انا وين لو يخلوني في قسم ترجمة كتب الجاليات الإسلامية .... ^^


زمادية ... اتصدقين أنشدتها . . .:)



اظن انتوا مثل باقي دول العرب ... العزبة عندكم هي المزرعة ....و فيها غلاباً سكن وبيت ..

نحن عندنا العزبة ....في البر... وفقط لتربية الغنم والحلال .. من غير زرع ... الزرع يكون في المزرعة .." يا سبحان الله " ^^


سكربل .... مع اذعة قطر FM :)



ابو الباء .... ليما اوصل لك .. تكون الشمس شرقت

انت ما ينفع معك إلى أحاديث السمر ... " ونقضي الليل سمممااارييي " :)


ليل . د ......... والله ما تدرين من كم يوم و هالسالفة في بالي .. ..من أول ايام الإمتحانات ... و اول ما يتني الفرصة رحت ... و الدلة .. على قولتج حظوظ

وثالث شي ... كل يوم ننشر الدوام ... و اشوف الجو .. واتحسف عهالويست إللي أنا فيه :)

واخيراً ...... شكراً لج .. ^.^ اخجلتم نواضعي

رمادية أقين ..... نشرتُ أي انا نشر = نشر ينشر من النشور ... وحصل ما في الصدور وهو المسير اول اليوم
و عكسها " سرى " يسري سريت من السرية .... وهي المسير ليلاً

من سرى في الليل يحمد بالســرى عند الصباح
وينال الجـد مـن جـد ويــداوي للجـراحـي

اي نشيدة هاي .... ؟

3washy يقول...

السلام عليك اخويه .. ^_^

يا سلاااام شو هالحركاات ..الصراااحة الجو خبااال بس ليش قعدت بروحك جان خذت الاهل وياك ^_^ ..

تسلم على هالبوست وعلى هالصور الغاوية ..

تحياتي لك

غير معرف يقول...

ماشاء الله يـ بو طوااع

شو هالاماكن الغاوية .. وما شليت يابر وياك عشان يتلطخ في الرمول
لوول

يالله عقبال مانبات فعزبتكم وتعزمنا فيها هع هع

ويعلهن هالركعتين اللي صليتهن دعيتلنا فيهن

^_^

اخوك في الله
منصور الظاهري
^__^

مستر مطوع يقول...

عواشي ........ وعليكم السلام ختيه .. تدرين إنتي إللي شجعتيني عالتصوير للبلوق .. . ^^

ترى اقولكم ..أوني ّ بسوي كوايت مورنق .... خلوة وجيه = )



منصور .......... يابر بشله المرة الياية .. إن شاء الله

وبصراحة دعيت حق هل غزة والمسلمين .... وانته منهم ^^

UaE يقول...

مرحبا
جوروعةوعيشتنا الجو

الشيخ البيدار ما يخصه بالسندي فالبيدار اللي في المزرعه ويهتم بالنخل والسندي شغلته في العزب :)

مستر مطوع يقول...

خخخخخخخخخ ... uae


وااااا فزيحتي الفزيحتاه

^^ ... شلوّا عني الجواز ... خخخخ

غير معرف يقول...

كـلمـة ئـصـيـرة .. تـمحـي بلاوي كـتـيـرة

هههههه الله يغربل ابليسك يابوجابر ..

لطيفة الحاج يقول...

تعرف يوم أسمع أو أقرى عن هالسوالف أتمنى صدق لو كنت ريال ..

أكيد استمتعت بس مب جنه لو شال حد وياك كنت بتستانس أكثر؟

صورة السجود عجيبة، وبالعافية سندويجة العدس طماط! أول مرة أسمع بها =)

مستر مطوع يقول...

لطيفة ...... هالمرة كان التراقت ... هو الكوايت

المرة اليايه ... بتكون " الوناسة " وبشل إللي بقدر عليه ... .=)

dong dong23 يقول...

nike outlet store
fitflops uk
louis vuitton outlet
michael kors handbags
michael kors outlet
christian louboutin pas cher
canada goose outlet
adidas outlet
mbt shoes
seattle seahawks jerseys
201610.17wengdongdong

Hua Cai يقول...

soccer jerseys
kevin durant shoes
canada goose outlet
rolex outlet
burberry outlet
ralph lauren pas cher
soccer jerseys
adidas outlet store
ray ban sunglasses
links of london
20170623caihuali

إرسال تعليق

كـلمـة ئـصـيـرة .. تـمحـي بلاوي كـتـيـرة