10‏/01‏/2009

فقدت أمك - Lost your mother




::::::::::::::::::





فقدت أمك..؟




?..Lost your mother


هو




اول أعمالي على السوني فيقا


وهو إيديتنق "Editing" على فيديو كليب آخر من إنتاج المخرجة الخطيرة بصراحة


لبنى حبش

لإنشودة " من غير أمي " لمنشدي الشارقة
ولكن هذه الأنشودة لم " ترق" لي .. ^^ فالفيديو خطير جداً وأعترف أنه بتعديلي قد هضمت
حقه لأني حذفت الكثير من المقاطع لتناسب أنشودة سامي يوسف
{ أ مــــــي }


الفيديو بنسختين

V  الذي بالأسفل  نسخة الموسيقىV





فإليكم هذا الفيديو ... و إذا شفتوا اغلاط ..
اولاً سامحوني ...عليها .. وعقب .. أتمنى الأشارة لها



وفي الختام ..... أقول

تفّـلوا على وييهي لو ما عيبكم و صحتوا :)




بسيير أجـّهر الفوطة عيل ... ^^"



بكمّل ..رمسه في الكومنت إن شاء الله

45 حـط تـعلـيـق:

غير معرف يقول...

الصراحة من أجمل ما رأيت..
أنا من متابعينك و المعجبين بأعمالك..
هذا أول رد لي أخي أتمنى تتقبل مروري..
by the way its one of the useful and funny websites I have ever seen..

بنت الشيوخ يقول...

ماشاااء الله عليك مستر
شغلك رااائـع ومرتب ..
اناماشفت الفيديو الاصلي بس عملك جدا رآآق لي :)
مووفق
^ــ^ < اهم شي بالفيديو لوول

desires يقول...

مستر .. أشوف راوني ويهك اشويه ..

هع هع هع ..

لا لا أسولف الصراحة فن شغلك ماشاء الله ..

بس أحس على هالغنية الأجنبية .. لو تكون الأم عيونها زرق و حواجبها شقر .. كانوا بيركبون على بعض اكثر وبتأثر أكثر

ههههههه

استغفر الله شو استوابي .. مب جنه توني مسمعه قرآن

أثق في المرات الياية بتسوي شي بإبداع أكثر .. دام انك أول مرة تستخدم هالبرنامج وسويت شي مرتب جذي ..

بس في المرات الياية .. أتمنى ادخل مقاطع من محاضرات مؤثرة .. وصوت مطر وجي أشياء فيها آكشن .. اشياء تطلع وتختفي و شيخ يتكلم عن عذاب القبر ..<< ماعرف شو يخصه ..وناس يصيحون .. وعقب حط نشيدة تصيح

المهم يعني دخل أكثر من شي ..

ولهت على أميه من عقب ما شفت الفيديو مالك .. بروح بيلس وياها .. يزاك الله خير على الفيديو الدعوي

مستر مطوع يقول...

غير معرف .......... كلامك بالإنجليزي سوّابي الأفاعيل ... ^^


بنت الشيوخ ............ ^-^

ramadeah يقول...

نظراً لأني ماشفت الفيديو الاصلي الا مره وحده من زمان ,, فما لاحظت شسويت بالضبط ^0^
ربما يكون لي رد اذا شفت الاصلي -_-

غير معرف يقول...

عمـ ـل رائـ ـ ع ماشاءالله ..

=) ..


scribble..

مستر مطوع يقول...

"
بس في المرات الياية .. أتمنى ادخل مقاطع من محاضرات مؤثرة .. وصوت مطر وجي أشياء فيها آكشن .. اشياء تطلع وتختفي و شيخ يتكلم عن عذاب القبر ..<< ماعرف شو يخصه ..وناس يصيحون .. وعقب حط نشيدة تصيح

"


بل بل بل ... شوي شوي علينا يا دزاير .. ربما في القريب الآجل ... ^^

وبخصوص النشيدة ... بصراحة عقب ما بديت شغل ..ووصلت لقريب النهاية .. قلت ليتني ما خترتها ... وايد تعبتني .. بس قلت علشان نصير شوي قلوبلزيشنيين :)

مستر مطوع يقول...

رمادية .......... والحين لاحظتي ... ^^"



سكربل ............ جزيت خيراً على حظورك الطيب

غير معرف يقول...

try this
http://www.youtube.com/watch?v=Hya__kARtD4&feature=related

مستر مطوع يقول...

نعم هذا رابط الفيديو الأصلي مع النشيدة الأصلية لـ منشدي الشارقة " من غير أمي "

http://www.youtube.com/watch?v=Hya__kARtD4&feature=related

قلب طفلـــهـ يقول...

السلام عليكم ورحمه الله وبركاته

أخوي مستر مطووع

بارك الله فيك
انا بعد ماشفت الفديو الاصلي
لكن ماشاء الله عليك
الله يوفقك
الانشودة والفديو مرة تحـزن
< دموعها اربع اربع

والى الامام يا استاذنا

اختك
قلب طفلهـ

غير معرف يقول...

اخوي اقدر شغلك ماشاء اللله ويبدو انك محترف بها الاشياء نفع الله بك الاسلام والمسلمين
لكن لو كنت حذفت الموسيقى من الاغنيه واضفت مؤثرات من عندك كان احسن
اتمنى لك مزيدا من التقدم

silen-ce يقول...

*heartaches!!!!!*



="(

بو عيون جتاله يقول...

ماشاالله عليك مستر دوم مبدع ونتريا يديدك
^^

ليلووه يقول...

وآآآآآآآآآآآآآآآآآآي

والله ان عيني اتدمـع
انا مابتفـل بالعكس وايد عيبنـي

ماشالله علـيك ~

البنيه كسـرت خاطـري من الخآآطـر جنها اتصـيح !

هيه صـح شرآآت سيادتنـآآ هه
> طاعوا ع شووه اركـز !!

خخ

~ لا صـدق .. فنان ~

نترقب اليديد

غير معرف يقول...

راااااااااااااائع جدا ... انت مبدع هذا الموقع من افضل المواقع اللي مرت علي خخخخ ..
خليـــك دوم كوووول..

غير معرف يقول...

ماشاء الله عليك مبدع بمعنى الكلمه .. والفيديو واايد ناااايص ..مع ان مافهمت شي من الانشودهـ ..
بصرااحه انا حبيت مدونتك كتيير .. وخاصه الاناشيد ..^^
ويزاهاا الله خير مستنا هي اللي قالت لنا عن مدونتك ..

تصدق انا من يومين عرفت ان فيديوو لولا الامل انت مسونه .. والله قلت فخاطري ماشاء الله عليه مبدع بمعنى الكلمه .. >>عسب ماتقول اني صكيتك بعين^^ .. وعرفت تركب بقطات الرسوم ويا الانشوده .. وانا يوم جفت الانشوده في تلفون اختيه كنت بصييح كاان يصيح .. >>مب جني واايد هذربت ؟

المهم يعطييك العافيه ع الفيديوو .. وكثر من الفيديوواات اللي جيه ^^

غير معرف يقول...

لقطات* .. عدلت النقعه .. اذا علقت ولاقلت مابعلق مره ثانيه >>اوونه تهدد لووولز ^^

@ بــتۈنه في زمــن فتــنه~ يقول...

لا والله .. روعه روعه .. ومحشووم من التفال .. هههه
يعطيك العافيه وسلمت يداك ..


ابدااع ابدااع!!

الله يزيد ويكثر من امثال .
.. المزيد من الابتكار والابداع والتمييز اتمناه لك

غير معرف يقول...

يا سبحان الله , إبدآع ..

بآرك الله فيك ..

تأثرت فعلاً ..

مستر مطوع يقول...

قلب طلفة .... يزاج الله خير عهالدموع .. وكثرّي منها ^-^"



سايلنت .... ثانكس ^-^

بو عيون + ليلوه ..... شكراً لكما


مكثرة الهذربة ..... يزاج الله خير عالهذربة الزايده ... بس لا تقطعينا وشكريلي الأبله حقتكم ... شياني صرت طاش ماطاش


بنوته ..........^^

قلبي مملكه وامي تملكه يقول...

مستر مطوع

ما شاء الله تبارك الرحمن

وربي انك مبدع صحيح

تقبل مروري
دمت بحفظ الرحمن

بنت بومحمد يقول...

عشت نفس قصة الفيلم اللي حطيته
ورديت عشتها الحين مره ثانيه
(الله يرحمج يايمه)
ماشاء الله شغلك أكثر من رائع
مؤثر أكثر عن الفيديو الأصلي
الله يوفقك لكل خير ويحفظك ياخوي
عساك ع القوه ،،،

غير معرف يقول...

شغلك رووووووووعه
فعلا أثرت فيني أكثر من الكليب الأصلي

بس معلومة قصييرة أرجوا ان تنتبه لها :
(النشيدة بموسيقى وليس ايقااع)أرجو أن تعدل هالخطأ
وأرجع وأقول الكليب روعه يعطيك العافية ..

ترانيم الامل يقول...

مستر مطوع



الفيديو مررررهـ خطيييير





آنا بكل صـراحه مآقدرت أشـوووف الا الصور





لان المقطـع كلله موسيقـى ـآ





فيآليت تسسحب الموسيقى





لآآن مـن جدد آعمـآلـك جـدآ رآآئعه





ولكن عيبها الموسسيقي فقط






شكـرآ لك





وعذرآ على الاطـآله






تخآيتي/



أختكـ!!

نوفه يقول...

محشوم يا أخوي وربي أبدعت أقشعر جسمي من النشوده بغيت ابكي الا شوي

صايمة قلت ما ابي ابكي ما لي خلق :D

بارك الله فيك ابداع في ابداع استمر

مستر مطوع يقول...

جزيتم خيراً على الردوود ^_^ .. وبارك الله فيكم .. هالله هالله في النشر عاد


وبخصوص الموسيقى .. فأنا انتجت الفيديو بنسختين المسيقى والإيقاع
وهذا من ألبوم سامي يوسف ماي أمه ... فلو لقيتها بدوون إيقاع جان حطيتها والله بعد ... = ")

كـبريـاء قـلم ...! يقول...

بسم الله الرحمن الرحيم
السلام عليكم ورحمة الله وبركـاته
كيف حالك اخـي العزيز
الانشووده رووعه ونالت اعجابي
والصراحه اي حد يري ويسمع هذه
الانشود لا بد ان يحزن قليلا ويفرح كثير
يحزن لحال هؤلاء الاطفال
ويفرح لوجود امه الان بقربيه
ويعرف اهميه الام فـ حياة كـل انسان
شكـراً لك
دمت بود

آية يقول...

الله لا يحرمنى ولا يحرمكم من امهاتكم
:"(
لما بزعل من امى بسمعها علشان احس بقيمتها ^^

استمر
=)

غير معرف يقول...

السلام عليكم ...

بصراحة لو بتئلي انك انته يلي مخرج الفلم بسدق

والله تقطع القلب ....

تبع سامي يوسف ... والاصلية ....


الله يحفظلنا امهاتنا ويمدلنا باعمارن


من معجبين ابداعاتك ....

قمر الشام

غير معرف يقول...

ياااااااه والله مبكي :(
شكرا على التذكير
والله يخليهم يااارب

....m3roof.... يقول...

السلاااام عليكم...


الصراااحه مبدع بمعناا الكلمه ..

الله يوفقكــ..ويزااكـ الله خير على كل الااا اتسويه ..

ملااحظة:(لوو كاانت الموسيقى محذووفه احسن)..بس مااعليه بالتووفيق..((سووبر مطووع))خخخخ

غير معرف يقول...

ما شاء الله عليك مستر مطوع

صار موقعكم في المفضله عندي
حب من اول نظره

تسلم ايدك يا مبدعنا

غير معرف يقول...

هل تعلم أنك شخص رآئع ؟ =)
بجد شي يبكّـي , الله يديمك لنا يآ امي
;
عظيم , مؤثر , يجنن واكثر بكثير
استمـر في اسر قلوبنا ^^
,‘
مودّتي

غير معرف يقول...

اشكرك اخي مستر مطوع على العمل الاكثر من رائع

وسدد الله خطاك وفتح لك ابواب جنة الفردوس الاعلى .
وجعل بينك وبين النار وقايه .
زغفر لك ماتقدم من ذنبك وماتأخر ..

ولاكن اخي العزيز نتمتى منك حذف الموسيقى من العمل لانه لايوفق الشريعه ...
ونتمنى لك الاوفيق والسداد في الدنيا الاخره


واسفه على الاطاله .. 

غير معرف يقول...

يالله دمعت عيوني..

جزيت خيرا

(: Smile يقول...

ما خلاني اكتب هنيه اليوم الا شي واحد
وهو ان أمي -الله يحفظها- اليوم سافرت عنا

مادري ليش بعد ما وصلتها ورديت الشغل وفتحت المدونة -ماشي شغل ...موقف يسوون عليه دراسة- يلست امر على الفيديو وقفني هذا الفيديو ويلست اطالعه - صح ان الموسيقى اللي فيه نرفزتني - لكن ذكرني بالغالية -يتني العبرة- ... لأن آخر شي سمعته منها ((ضحكتها))



أذبحوني يا آل شامس واستبيحوا دمي ... والله اني اموت وآنا احب لي شامسية

لا حدن يفهم خطأ ترا القصيدة فامي ... قلتها وانا حزين وجت تلقائية

من قصيدة ابن الذيب لكن مغير الجبيلة عن تقولون بعد (((هفها=سرقه)))

الله يردها لنا سالمة ويحفظ جميييييع امهاتكم يا رب

:) Smile يقول...

سوووووري مستر نسيت اقولك ان شغلك ابداااااع وتشكر عليه - بعد شووووو!-

لكن صدق حبيت الفيديو وكيفت عليه بعد ...

ويا ريت مستر لو كان بدون موسيقى لانها تستدعي كل شياطيني من شيخهم لخادمهم :)

غير معرف يقول...

يعطيك ال عافيه اخويه مستر

الله يحفظ اممهاات الجميع يارب

بانتظااارر كل يديد من صوبك

اختـك ( ياشوق)

غير معرف يقول...

بكّتني حيل بس عيبها الموسيقى وصور النساءالي فيها

عقبى ما تييب فيديو نظيف ورووعه

غير معرف يقول...

ماشاء الله ابداع في كل شيء ماشاء الله اللهم لا حسد بانتظار الاعمال القادمة باحر من الجمر راااااااااااااائع الله يطول في عمر امهاتنا و لبهاتنا و يجعل جنة الفردوس مكانهم في الاخرة

غير معرف يقول...

الصرااحه الفيديو روعهـ

ومن بعد سمااعي لها زادت اشواقي تجااه امي

بس ربي يرحمها ويغمد روحها الجنه ..~



بنت زايد

غير معرف يقول...

من 4 سنوات ما شفتك..

لكن صرت تسمع موسيقى..بل وتنشرها..

والله مو مصدق..!

أنت مجلوب؟؟ أنت المطوع اللي نعرفه؟؟

الله يرجعك مثل او واحسن

غير معرف يقول...

Although I saw the original video-clip of this nasheed maaaany times before, but I didn't reach me as deep as ur creative video did !

Really, u r so0o creative bro
& I wish u all the success and happiness that u deserve, and more
=)

حلوة العود يقول...

صراحة يجنن المقطع

اهىء اهيء
دموعيء اربع اربع اهيء اهيء

يلا تحياتي بسير اغسل دموعي )_(

إرسال تعليق

كـلمـة ئـصـيـرة .. تـمحـي بلاوي كـتـيـرة