02‏/01‏/2009

ياخوي - نرجو ثوابك



والله لا ادري .... اياهم احلى
نشيدتان ... جميلتان ...... لمنشديين مختلفان ..... عجيبان .... ورهيبين

الأولة لـ المنشد اليديد خالد التميمي .. إلي أنشد عودة تائب

وهالمرة ...... ضبطها صح .. 100 بالـ 100

ياخوي من بعدك انا صابني هم
أرجوك ترجع يا عسى عمرك طويل
البعد خلى الجسم ناقص من الدم
عوّد ترى يا خوي مشتاق لك حيل


كل ما يمر طيفك عليّا يسلم
ادموع عيني تنهمل كنها سيل
الصبح من نورك تراه يتعلم
والبعد خلى دنيتي ليل في ليل


حتى خفوقي من غيابك تألم
والنفس ما تقوى لشوفتك تعجيل
إنت الذي عالجرح تنحط مرهم
يامن انا ما شفت في طيبه مثيل

والحين يا كل الغلى ليت تفهم

الشوق فيني قد وصل نجمة سهيل
ياخويه ليتك تجيني وترحم
خلٍ يحبك ويعشقك دون تمثيل

مب جن السالفة ما صارت عن الاخوة ... ^^"

::::::::::::::::::

والثانية للمبدع عبدالقادر قوزع ... وبصراحة بغض النظر عن فكرة الفيديو ... أراه من أجمل اعماله
والنشيدة حلوة .... :)




نرجو ثوابك


فيديو




نرجو ثوابك إذا ما خابت جهودنا
نوقف ببابك و نترجاكبسجودنا
احنا عبادك وانت الله معبودنا
و احنا صفوف الفجر ما نخلفعهودنا
نحزن على اللي معانا ما التقى بك
ـــ----------------------------------
مهما جت أوقات محسوبه على قوتنا
نعرف بيوتك نفضلها على بيوتنا
في غفله الناس و أجر النصح ما يفوتنا
خلهم معانا بطاعتنا و بقنوتنا
نخش علينا و عليهم من عذابك
ـــ----------------------------------
أمة نبيك جريحه ضاق عنها الزمن
قامت عليها العدى هبت عليها الفتن
يا الله يا الله جنبها هدير المحن
و املي المساجد بها عند الأذان الأغن
و اكتب لها كل بشرى في كتابك

ـــ----------------------------------
يا ليتهم يومنوا أن الأمل في يديك
و أن السبب من لدينا و الفرج من لديك
فينا المخافة لأنا ما فزعنا إليك
فينا الهزيمة لأنا ما اتكلنا عليك
فينا المذله لأنا ما نهابك


FــــــنـــــTـــــــاســــك
^-^



23 حـط تـعلـيـق:

Lad Of Murbah يقول...

السلام عليكم ورحمة الله وبركاته
تسلم ايدك اخوي ع النشيدتين
الصراحة احسنت الاختيار ...
ما عليهم كلام ..

Thanks bro. GL

غير معرف يقول...

ههههه ماششاءالله عليك يا مستر ,, تصدق عااد اليوم كنت انزلها وحصلتها ومن شوي ادور الكلمات واول ما كتبت اول سطر طلع بلوقك ,, قلت بسسسسم الله >> مستر مطوع ف كل مكان هههههه

جاري سماع الانشوده الثاني ,, مستر سمعت لقوزع انشودة استغفر الله !! تجننننننننننننننننننننن


>> دزاستر

SADness يقول...

خـآلد التميمي .. أثبت ابدآعـه .. وبجـدآره ..

انشودة دعوة تآئب .. أول ما سمعتهـآ فالاذاعة ييت ودورتها ع النت ..
حصلتها وبصرآحة حبيتهآ وايد ..

والحين ( يآخوي ) ..
والله يختار كلمات صدق توصل للمشآعـر ..
الله يوفقه ان شاء تعالى

أشكرك مستر مطوع .. بآرك الله فيك ياخوي

ramadeah يقول...

^
ياحظكم عندكم اذاعه تبث اناشيد ><

::
عجبتني نشيدة قوزع أكثـــر

::
يامطوع الاعراب ضايع عندك
العنجليزي احسن خخخخخخخ

بنت الشيوخ يقول...

ياخوى روعااااا حيل < عجبتني وحيل كلماتها ولحنها روعا ^ــ^

الثانيه الايقاع مب منآسب للكلمات < هذا رئيي ..

يعطيك العافيه مستر:)

Msha3r يقول...

رووعة ما شاء الله عبد القادر قوزع دايم الدوم مبدع
في شغله...

مستر مطوع يقول...

لد من مربه ما دري شوه ... اسمك يباله تفسر :)


وعليكم السلام ورحمة الله وبركاته

و خدمتكم شرف لنا .... " برقر كنق " ^^



دزاستر .... هييه بويييه .. مب قاعدين نلعب .. نحن ... شو تحسـّبيـين .... خخخ ( ما حب هاللهجة ) :)

واستغفر الله ... قلت لج من قبل .. هاي اجمل اناشيده ... وكانت نغمتي لما يفوق عن 3 شهور . . ^^



سادنس .... عليه نبرة حزن حلوة .. بس ما ادري ليش يتبسم يوم ينشد حزن .. ما تحسون جيه ..السالفة فيها غلط .. .^^


رمادية ...... غريب .. ما في ولا إذاعة حق النشيد ...؟


بنت الشيوخ ... بننتظر اللي بدون إيقاع .. الله يعافيك



مشاعر ... موقعج إللي دايم دوم حلو .. و "شرح "

= )

حاجوني يقول...

هـمـمـم .. اخوي حمد ما أخفيك إنني الصراحة تفاجئت أول ما شغلت النشيدة .. شكيت فعمري قلت هذه نشيدة ولا أغنية ؟؟؟ ماحسيت في بينهم شيء ..

وهالسبب الرئيسي اللي يبعدني عن الأناشيد ..

كذا مرة وأنا أتمشى في الفريج اسمع الشباب مشغلين المسجل ومعلين الصوت ويسمعون(أغنية أو نشيدة...مادري ) .. وأنا أتمشى أقول في خاطري .. شو هالحين ؟ نشيد ولا أغنية ؟
-______-

شو الفرق (بيناتهم) ؟
وكيف أقدر أميز بين الأناشيد والأغاني ؟

اتريا أجوبتكم
^_^

desires يقول...

مستر مطوع ..

اسمحلي بدخل عرض في السالفة

Lad of murbah

معناته فتى مربح .. حسب ما أعرف .. لان مربح هي منطقة في الفجيرة او تابعة للفجيرة على ماظن ..

هذا والله أعلم

مستر مطوع يقول...

ما دامك بعيد عالنشيد .. خلك بعيد ... ^^ والله جد :)

ولكن النشيدة ... عندي الهدف و المقصد



دزاير .......... أهااااا ولد مربح اسمحلينا يا خويه ولد مربح ووشمكورة يا دزاير

desires يقول...

ههههههه أضحك الله سنك .. حلوة هاي شمكورة ..

Scribble يقول...

الكلمــات حلوه وايد ..
والاداء رائع ..
سمعتها بصوت خالد التميمي وايد حلوه

بس مااظن المقصود فيهاعن الاخوه والصداقه ^^'

غير معرف يقول...

تســـــــــــــــــــــــلم يااااااخوووووووووي...^^

غير معرف يقول...

انشودة نرجو ثوابك رووووووعه ..

بالنسبة للي يقول شو الفرق انا اقولك الفرق انه الاناشيد بإيقاع و كلمات هادفة و الاغاني بإيقاع و كلمات حب و غرام و موسيقى هذا الفرق و بس ..

مستر مطوع يقول...

^ - ^

غير معرف يقول...

نرجـوا ثـواابـك احبهــااا وااايـــد .. شكـرا

غير معرف يقول...

مشكورين والله بس كيف انزلها ع جهازي

غير معرف يقول...

واااااااااااااااااااااااااااااااااااااااااو روعه اموووت فيها الانشوده

واحلى مقطع ياالله ياالله جنبها هدير المحن تسلم يدينك

lo0ots يقول...

بصراحة عبد القادر قوزع هو
أمير الأناشيد اليمنية
وبصرااحة جميع اناااااشيدو روووووووووووووووووووعة
وأبغاكم كمان تسمعوله انشودة سلمتلك أمر
وتسلم مستر مطوع

غير معرف يقول...

بس حبيت أعلق عالمدونة الرائعة والمبدعة ..=)

عجبني التصميم والمحتوى اللي فيها ..

حقا ابدعت يا "مستر مطوع"

{وفقت للحق والخير أين ما كنت ~



{صلوا ع الحبيب ~

(*_*).... يقول...

شكراً جزيلاً

*-* يقول...

ثانكس خيو

غير معرف يقول...

وااااااااااااو مرره شي مرره ثاانكسس مستر^_*

إرسال تعليق

كـلمـة ئـصـيـرة .. تـمحـي بلاوي كـتـيـرة