09‏/01‏/2009

مصطلحات بدوية


القاموس العجيب لمعاني كلام البدو

هالله هالله



========================================

تكفى : مفرده تحريضيه خطيره عند البدو لتحطيم القانون..

أفا : وتقال للشخص الذي يخيب الظن فيه

هلاوالله:
لها استخدامين الاول الترحيب والثاني تقال عند ما يظفرالبدوي بعدوه

بل .. ! وأخواتها :
حروف تخرج من اعماق القلب وتتحول الى عين صائبه سرعتها ٢٦٠في الدقيقه
وهي جديره بقتل قبيله كامله
تم : تبدأ بالضرب على الصدر وتنتهي بالسجن عشر سنوات

الفزعه : الدخول في ضرابة من غير معرفة الأسباب و تزهق فيها الكثير من الأرواح
اللطمه : علامه انذار وتحذير بوقوع امرخطير

انا ولدك\بنتك يا بويه : تستخدم كمقوي لرفع العزيمه والتذكير بمفاخر الإجداد
يستطيع الشخص بعد قولها رفع وانيته
اذلف :امراجباري بالذهاب والا سيحصل ما لايحمد عقباه

أعقب يالعفن :لها استخدامات عده وتفسر على حسب المناسبه التي تقال فيها

تخسي : كلمه قتلت اصحابها و ذهب ضحيتها الالاف
========================================
هالله هالله
^ ^"
ومثل ما اقول في الأمثال
إللي ما دش صف أول ما يدش الثاني
هق هق هق
^__^
خلصت إمتحانات ... وعندي مليون فكرة .... ألله يعيني على للي تقربني له

10 حـط تـعلـيـق:

بنت الشيوخ يقول...

القاموس مفهوم الا هالجمله
( ألله يعيني على للي تقربني له)
< مافهمت @ــ@

غير معرف يقول...

لوول مي 2 ما فهمتها ^

تم : تبدأ بالضرب على الصدر وتنتهي بالسجن عشر سنوات

ههههههههههههههههههههههههههه نقعت من الضحك عليهم والله


>> دزاستر

ramadeah يقول...

مصطلحات مفهمومه
بس خل البدوان يتكلمون >.>

من فتره قريت مصطلحات العرابجه
واكثر مصطلح عجبني تلاااايط هع

يلا الشاطر يعرف معناه :)

مستر مطوع يقول...

كنت اقصد .. إنك يا ربي تقربني لفكرة من بين المليون فكرة إللي فراسي .. لكي تقربني منك... ^^!

<< هاي اصعب ! .. :)

الإجازة يايه و ما اعرف فشو استغلها...في افكار .. بس ما ادري بأيهم أبدي

أنتم متى إجازاتكم .... ؟



رمادية ..... والله دورتها فقوقل .. وللحين ما فهمتها
بس اظن انّ أصح الأقول من ذكر في هالمنتدى ^^
http://www.alsakher.com/vb2/showthread.php?t=2811

ramadeah يقول...

خخخخخخخخ من جد منتهيييين
اذااحد كثر هرج ماله داعي تقوول له تلايط :) واتحدا يتكلم بعدها :)

اخي شنغل ااقصد عبدالمنعم :/ يستخدم كلمه خاصه فيه :) وهي "أنكبد "هع وهي بنفس معنى تلايط ودايم توجه لـمنغل
ومفعولها قوي حيث ان منغل فعلاً ينكبد بعدها :)

3washy يقول...

السلام عليك اخويه ..


اقوووول بس هالكلمات عندك !! تراها وايد سهله واخوانا الخليجيين يعرفونها ..

ظهرلهم كلمات اقوى :) واذا تبي مساعدة ترا احنا نعين و انعاون ..

بس الصراحة طريقة شرحك عجيييييبة سوو فاني ^^

انت كنت بفترة امتحانات و ما شاء الله تبارك الرحمن كل يوم تحط موضوع والحينه فاضي اخاف تحط عشر مواضيع في اليوم الله يعينا ..ههههههههههههه >> بل ..

اقول ترا مايخصني اذا حسيت عمرك محسود لازم تقرا الرقية كل يوم ليل نهار هههههههههههه ..

يعطيك العافية وتحياتي لك.. ^_^

غير معرف يقول...

الله على هالكلمات اللي تفتح النفس اموووووووووووت في البدو كلهم سنافين واصلا اذا تكلمو جابو الكلام المختصر وياويل اللي يعتدي عليهم على قولة احد الشعار وعدونا كانه نوانا بنيه لاهازنا ندبل له الصاع صاعين وشكرا واسفه ع الاطاله مع تحيات بنت البدو

غلا يقول...

ههههههههههههه

ياسلام ع المصطلحاات البدوية ..
أمووت عليها أنااا

يعطيك العاافية

خالو ميوم يقول...

انا عيبتي هالكلمة
> بل .. ! وأخواتها :
حروف تخرج من اعماق القلب وتتحول الى عين صائبه سرعتها ٢٦٠في الدقيقه
وهي جديره بقتل قبيله كامله < هع سرعة 260 في الدقيقة هع
تسلم

ابدووويه وقت المصايب والبلاوي ينشد بي الظهرر يقول...

يااالبيه يالبدوو فديتهم واحد واحد بس عندي سعال الحين النتم يالحضران وش دخلكم دامكم ما تفهموون بالبداووه جعلني فدووه لكل ابدووي وابدوويه يالبيه

إرسال تعليق

كـلمـة ئـصـيـرة .. تـمحـي بلاوي كـتـيـرة