11‏/11‏/2008

حمام كهربائي


وقصة ابوي و البكاستانيين وربيعي الغريب


والهيلي والمطار و العمرة

حياكم الله في احراجات ثلاثة
بكل صراحة .. شخصياً تميل نفسي للتكلم في هذه السلسلة
لأنها تظهر جانب كبير من شخصيتي ... او بالأحرى .. من شخصياتنا ... لأنه عندما تمر علينا مواقف .. غير إعتيادية .. وتبقى رهين الموقف .. فحينا تبرز الشخصيات الخفية واللطيفة والغبية .... .^^


هالمرة بقولكم موقف واحد بس
 وهو بعنوان

حمام كرهبائي .... !_!


<<
والله كل ما اريد اكتب هالموقف ... اخجل من نفسي ومن غبائي ... ووات آي واز ثنكنق =)
في يوم من الايام .... عندما " قاربت " من لإنتهاء من سن المراهقة بكل خير .. و عبور صراعات البلوغ .. وازعرينتها بأمان
اصبحت اهتم بشكلي .... وبملابسي ... و طرق " تغير " شكلي للأفضل ..... الله ياخذ المراهقة ^^

(( لا تنكروا أنكم لم تفعلوا ذلك ))

فمما حدث من تلك المواقف أنني رأيت جهاز منزلي لبخار الوجه ... في الإعلانات

" هاللي تحطه الحرمة في ويها وتحرق عمرها عساس تجدد الخلايا الميتة
و تذهب النقاط السوداء ..... لبشرة أكثر جمالاً ونضرة "

آثار الحكييم
"^^

بالضبط مثل ذس ون





المهم ... ما بجذب عليكم .. بصراحة ما كان عندي فلوس اسير اسوي حمام مغربي

... فقلت ..

وكنت اتمنى إني اسوي حمام بخار . . إلي دووم كنت أسمع عنه ... و خصوصاً عقب


ما خلصت العسكرّية المدرسية.. وشكلي جنه سردار صخامه
 ( هندي شديد السواد)


ولقيت هالجهاز في البيت محد يستخدمه .. و اشوفه

في قناة إم بي سي << احلى قناة دعايا في العالم ..


وكان الإعلان يراوينا ( شوو أس ) إن الجهاز يظهر بخار ماء كثيف عند تشغيله .. و تطلع



الحرمة لافه فوطه عشعرها ... وتستمتع بالبخار إللي يظرب وييها ( هير فيس)



المهم ... يتني فكرة .. إني استخدم هالجهاز الصغير ... في الحمام .. وخلق غرفة
كاملة من البخار وهاكم الديتيل :


 
1- ترست " ملئتو "الحوض  بـ ماي حار .... للنص
2- ويبت محول كرهب << أيتيت بـموزع للكرهبااء
 << ما رووم انطقها صح


3- و الجهاز الرئيسي لهذه العملية وهو جهاز البخار


ونبدأ التجربة


جهاز البخار ... يتكون من قطعتين .. الأولى إللي باللون الرصاصي ... وهي القطعة الكهربائية الفوقية التي تخرج البخار

والقطعة الثانية هي البيضاء الحاوية للماء و يركب فيها الجهاز .... ففصلت القطعتين واستغنيت من القطعة البيضاء بالحوض المتروس ماي حار لنصه

وسويت  (بلق إن) للجهاز ... ورميته في الحوض ..... . ركزوا ( كهرباء + ماء ) ^^"



وطلعت من الحمام .. حتى يمتلى بالبخار ... وبعد 10 دقائق .. فتحت الحمام .. ورأيت

البخار .... قد بدأ في الإنتشار في نواحي الحمام


فقررت الإنتظار أكثر لتزداد المتعة =)


وبعد 40 دقيقة  من الإنظار واللهفة.. دخلت الحمام .. وأنا في كامل الأهبة و الإستعداد ... لأخذ حمام

البخار اللي طالما تمنيت أخذه .. و لبست فوطتين " المنشفة " على اساس إنها " روب" فنادق وعايش الجو 
وهو في الحقيقة تقول كأني محرم ..^^!

وعند دخولي للغرفة " البخار "  وانا بكامل اناقتي .. اغلقت باب غرفة تبديل الملابس ودخلت باب الحمّام  وقفلته

خلفي .. وانا اتخيل... فرحي عند إخبار اصدقائي بنجاحي في صنع هذا الإختراع العجيب



فهممت لدخول الحوض .. ولشدة فرحي ... نسيت أن اغلق

كهرباء الجهاز ... << بكل صراحة لم انسَ .. لكن قلت مب لازم :)


فأول ما ادخلت ريلي " رجلي " ... في الحوض


بدأت الحفلة .... بأجمل الرقصات المكسيكية والبريك دانس



نفضتني الكهرب تقريباً 10 ثواني .. حسيت فيها إني مت وحييت ....  ولم اسمع إلا طقطقة اضراسي .. ولله الحمد اطلقت الكرهب سراحي برمية إلى زاوية الحمام .. ومع شويت زحلقات و سلايدات وصلت للكرسي الأفرنجي واخذت قسطاً من الراحة لأسترجع ما اخطأت فيه .... بالضبط ^^

وقول في نفسي : " الماي حار ! "



والحمد لله ... نجوت ... وكرهت نفسي .... و كرهت أي شي إسمه حمام بخار او مغربي أو سونا أو اي شي من هالسوالف ... وتمت هذه العقدة إلى عهد قريب .... = )

 
و انفكـّت

20 حـط تـعلـيـق:

غير معرف يقول...

الحمدلله ع السلامه ويا راسك

ههههههه


والله انك ضحكتني ههههه




*فريق أول*

ramadeah يقول...

ههههههههههههههههه
عليك حركات عجيبه @_@
كهرباء ومااي خوووووووش هع

الحمدلله جات سليمه
وعسب ماتلعب بالكهرب مره ثانيه :)

lil.D يقول...

هههههههههههههه
تستاهل السلامه!
زين ما نفدت انت عقب هالخدمه والـ(بريك دانس)!!
ههههههه

مب صاحي!! ..
عيل حد يحط كهربا وماي!! ..



ههههههههه والله خليتني اضحك من خاطر :)
عسى الله يسرك ويسعدك شرات ما تسرنا بيور بوستس

البحر وجده وذكرياااات الصبا يقول...

اااااااااااه ياقلبى

يمين الله فطست عليك ضحك

الحمد لله محد عندى والا كان قالو استخفت

الله يسعد قلبك والحمد لله على

السلااااااامه

اقول ماودك بحمام كرهب تانى

adorable يقول...

"بدأت الحفلة .... بأجمل الرقصات المكسيكية والبريك دانس"

الله يقطع الابليس فطست من الضحك..

بريك دانس على ويت فلوور واو هههههه


الحمدلله على سلامتك يا مستر مطوع ...همم هيه كلنا مرينا بهالمرحلة..بس ما سوينا اللي سواتك خخخ

مستر مطوع يقول...

شو نسويّ بعد . .

انتوا ضحكوا عليـّه ^-^


رمادية وليل دي .... بكل بساطة اختراعيكان .. اجيب ماي .. واحط كيبل كهربه .. واغطس فيه ... ويم تكهربت تفاجأت ^^

ساوند ستوبد .= )


الله يسعدكم دوووم


سايلنت ......... الله يديم الفرحة
و لااااالا دخيلج ... شعري للحين متشعوط ^-^

ادوربل........ إنا ادري .. ما دري شو كنت افكر !_!

غير معرف يقول...

هههههههههههـ
ههههههههههههههههههههـ

من جد موقف فناااان
اماااا مويه وكهرب ^ـ^
بس زين جات سليمه
والحمد لله ع سلامه,,,


بنتـ الشيوخ

غير معرف يقول...

خخخخخخخخخخخخخخ
هههههههههههههههههه
ككككككككككككككككككككككككككككككك

بانتظار الاكشنات الياية

تحياتي الدمعة

غير معرف يقول...

هههههههههههههههههههههه
كهربا+ مااي >>> بشووو كنت تفكر انته !!!! هههههههههههههه

عيل الحمدلله السلامه .. صراحة انكتب لك عمر يديد ..

لا تحرمنا من هالبوسترات =)

>> دزاستر

البحر وجده وذكرياااات الصبا يقول...

اخدت لى فره على احراجاتك

اما جيفتكم قصدى لطيفتكم

تهبل ياقلبى عليها

وعمتك بازينها مالت الطيااااره

ياربى تهبل بسااااااااطه على الاخر

الله يجمعكم على خير

تدرى اليوم اول مره اضحك بهادا الشكل

اضحك الله سنك ياااااااارب

غير معرف يقول...

خخخخخخخ

انا بعلق على الصوره خخخخخ

اسمه حمـام كهربائي مو كرهبـائي خخخ


اختك.. فوضى

Ro7-aL3in يقول...

حبتين غبي ^^
لكن لا حرج عليك فترة المراهقة وما أدراك ما المراهقة..

غير معرف يقول...

قالوله غبي هههههههههههههههههههههه



لا وحبتين بعد ههههه



يحليلك يا مطوعنا

مستر مطوع يقول...

هذا يزاي ... اقولكم " معاناتي " و تضحكون علي! ^^
ادامها الله من إبتسامات .....

وتراني سميته كرهبائي لأعطئه الصبغة العيناوية


اما إني غبي .... فهذا يسمونه جهل ... وعلشان جيه انا ما دخلت فيزيا .. ولاّ شو دراني إني بتكهرب .. << لا والله ! = )
وهيه والله يحليلي

غير معرف يقول...

أضحكتني .. أضحك الله سنك :)

ههههههههههههههههههه

الله ستر ...

الحمدلله على السلامة ، يا حليلك يا مستر

TULIP

ابو الباء يقول...

هههههههههههه حلوة

تنفع تكون رسوم زي ماروكو

نوره يقول...

تستحق السلامه هههههه بس صراحه حركه ولا اروع ..تستاهل انه نجربها

مستر مطوع يقول...

TULIP ........ آمين ^^

بو الباء ..... (تنفع تكون رسوم زي ماروكو ) اعتبرها وسام على صدري = )

نورة ........ يبيلج ^^

غير معرف يقول...

هههههههههههههههههههههه

اضحك الله سنك

طار الرقاد من عيني P:

Al Wesal يقول...

سلامتك من كل شر اخوي
الله يهديك حد يسوي سواتك ...
الحمدلله صج انه العقل نعمه ...
ههههههههههههههههههههههههههههههه
وربي من صميم قلبي ضحكت عليك
أما مراهقتك غير شكل ,,, عجيبه( يرحمها من أيام )
كل شيء ولا الدانس حسيت إنك
تسوي بروف حق فلم . ^^

إرسال تعليق

كـلمـة ئـصـيـرة .. تـمحـي بلاوي كـتـيـرة