19‏/11‏/2008

سوووؤااال

للتوّ قرأت هذه الجملة في خـِضم الصفحات الإنترنتيه اللي اغوص فيها سعياً لحل بروجكتاتي الكثيرة
بكل صراحة ... " لازم اوقف قدامها " واتأمل واراجع نفسي .... إز إت بيست ؤن مي ؟
الجملة تقوووول :
sometimes web information is "just for fun", a hoax, someone's personal
expression that may be of interest to no one, or even outright silliness
ليش ادوّن
ليش أكتب
حق شو معبـّـل بعمري واحط اناشيد
ليش فتحت هالصفحة
ليش أعلـّـق << يمكن الرام خربان ^^
لا .. جد والله ... لماذا وحق ليش ... ووايي .. و كتنا باي
؟
باك تو ماي هوومورك

6 حـط تـعلـيـق:

بنت الشيوخ يقول...

أنا أحيانا أسأل نفسي هالسؤال بعد !!
ليش وليش ..؟!
بس دامك تحتسب الاجر بطرحك وكتاباتك وردودك أعتقد انك مب خسران وقتك الي تقضيه بالنت ,,,
يمكن تفيد حد بكلمه او رابط او رد وممكن تغير فيه شي سئ للأفضل ,,,

ويكفيك تكسب دعوه خير حتى لو بالغيب ,,

دمتـ بطاعة الرحمن :)

البحر وجده وذكرياااات الصبا يقول...

,والله فعلا كلااااااااام بنت الشيوخ

سليم

احتساب الاجر فيما تكتب

ويمكن كلمه تقولها يكون فيها خير

ماتدرى عنه

ولازم الانسان يكون واجه طيبه لدينه

ولشعبه ولحضارته

والنت اسرع وسيله لنشر فكره طيبه

الله لايحرمك الاجر ويسعد ايامك ياااااارب

غير معرف يقول...

أفااا يا مستر و وين رحنا نحن .. يعني ما نستاهل تكتب لناا ؟

و أنا أقراا اللي كاتبنه .. ياني نفس الرد اللي كتبته بنت الشيوخ .. سبحان الله انت ما تدري يمكن واحد اهتدى على إيدك و بسبب كتاباتك .. و يمكن واحد ترك الأغاني بسبب الأناشيد اللي تحطها و يمكن واحد غير رايه فوايد أشيا انت ما تعرفها .. و كم و كم واحد صاروا مستر مطوع من بعدك يا مستر .. دامك تمشي في الطريج الصح و النية صافية و كله في سبيل الدين و رضا الرب .. فلا تتحسف و لا تندم ..


و بعد الواحد ما يكرس نفسه و وقته و جهده كله ف هالشي .. يكون وسط و معتدل في كل شي .. :) و التوفيق بيد الله ..

ما أنكر ان هالجملة دوم ترن فبالي و هي السبب اللي ما يخليني أشارك فأي منتدى و ابذل وقتي فيه ..


ذيس إز ماي أوبينيِن ,, ^^

-{ Highness }-

ramadeah يقول...

امممممممم
السؤال هذا لنا مو لك ><

مدونتك ماشاء الله جامعه كل شي وبأسلوب جميل
واهم شي اسلوب دعوتك
احنا محتاجين مثل هالاشياء تذكرنا بين فتره وفتره ,,

سابقا كنت مدمنة اناشيد واناشيد وبس ومع مدونتك صحيح زاد الادمان >< لكن بالمقابل في اشياء ثانيه غير الاناشيد توازن كمبيوتري :)
يمكن لو ماتابعت مدونتك مافكرت فيها او حتى ماانتبهت لها

والله من كم يوم جاتني رغبه ملٌحه بأغلاق مدونتي واظن انه بيصير قريب ><
وسؤالك هذا شجعني لأغلاقها

لكني استفدت كثيرا منها وتعرفت على اساتذه بالرسم وفنانات حتى رسمي نفسه تطور بشكل ملحوظ ,,
يعني تحقق هدفي منها ,, لكن هدفك أسمى واكبر وهذا دافع كبيييير في نظري لأستمرارية مدونتك حتى لو ماتبي ,, مثلا

زي ماقالوا الاخوات احتسب الاجر ماتدري في كم واحد اثرت

موفق اخي ,, ولا توقف عند هالسؤال مره ثانيه :)

غير معرف يقول...

أحـم ,,
يمكن تأخرت ف الرد هالمرة واللي فوقي كفوو و وفوا بس ما يمنعني اني ازيد وأأيد كلامهم ,,

اضم صوتي لهاينس وبنت الشيوخ ..

مسـتر !!
الناس تدخل النت وتقضي وقت .. اذا ما كان في الشي الزين فبتقضيه في اشياء تافهه ..
ما بروح بعيد .. انا ساعاتاحب ادخل النت بس جي اقضي مثلا نص ساعة .. اذا دخلت مدونتك وما لقيت فيها يديد .. ادخل مكان ثاني ويمكن في المكان الثاني ما القى الشي المفيد ..
ماعرف اذا وصلتك فكرتي ,,
بس ترااا هالشي مجال من مجالات الدعوه وابتغاء الاجر .,
الله يوفقك يارب .. وبلا هالكلام اللي يحبط من معنوياتك =)

>> دزاااااااااااااااااااااااستر

مستر مطوع يقول...

سبحان الله . .!!
كل وحده قال كلمة أثرت فيني

بنت الشيوخ
(( ويكفيك تكسب دعوه خير حتى لو بالغيب ,, ))

سايلنت
(( ولازم الانسان يكون واجه طيبه لدينه ))

هاينس
( و كم و كم واحد صاروا مستر مطوع من بعدك يا مستر )


رمادية
(( سابقا كنت مدمنة اناشيد واناشيد وبس ومع مدونتك صحيح زاد الادمان >< لكن بالمقابل في اشياء ثانيه غير الاناشيد توازن كمبيوتري :)
يمكن لو ماتابعت مدونتك مافكرت فيها او حتى ماانتبهت لها ))
ولا تسكرين بلوقج .. إلا إذا كتبتي فيه أثم .. حتى لو ما تبين تظيفين شي ... خلييه .. وفتحي غيره إذا جا في بالج فكرة بلوق جديد


دزاستر
(( انا ساعاتاحب ادخل النت بس جي اقضي مثلا نص ساعة .. اذا دخلت مدونتك وما لقيت فيها يديد .. ادخل مكان ثاني ويمكن في المكان الثاني ما القى الشي المفيد .. ))

وصلت والله ^^

جزيتن خيرا ... والله يعين عهالنية الصعبة وتصحيحها

إرسال تعليق

كـلمـة ئـصـيـرة .. تـمحـي بلاوي كـتـيـرة