24‏/10‏/2008

يوصفون بيوتهم

من زماان ما كتبت في قسم الهاوسز





انا حمد موظف في اتصالات ... اركب الشامل ... "الإنترنت " في بيوت الناس ... وساعات التيلفونات


<< لازم هالمقدمة



من اكبر المشاكل اللي تواجهني في الدوام .. لما تي " تأتي " ساعة الدلالة عالبيت ." دسكرايب يور بيت "

عاد هنيه ,,,, تطلع البلاوي .... واصناف البشر .. ومستويات الذكاء ... واساليب التعبير ....



الصنف الأول


العجايز & الشيبان




ريممبر .. ليس الكل ولكن البعض ...



هالصنف .. لا يعرف .. لا رقم شارع ولا رقم بيت ولا حتى رقم الفتحة إللي تدششك " enter" البيت
ولاااااا يعرف وين ألله حاطنـّـه " بوت هيم "




^ -^



فهنيه ... عاد نتبع أساليب الوصف الترادشنل ...و دلالة العصور الوسطى



مستر مطوع : ألووو السلام عليكم


الشيبة : مرحبا الساع " محد يرد السلام حتى لو عدتها الف مره "


:


:



:




< وصلنا للبارت وين يعطيني تفاصيل بيتهم >




الشيبة : بيتنا الله يسلمك .... وانته ياي " كمنق" من عمان .... وشو بييييبني من عمان أنا .... ! ة_ة



بتلقى ...... سبعطعشر نخله علي يسارك ... وبيتنا " غدفيها" << للحين ما عرف شو معنى هالكلمة



يعني الحين أنا بسوق السيارة .. واقعد اعد النخل إللي في الشارع ..... !





أنذر واحد




هلا خاليه .... وين البيت ؟




الكستمر الشيبة : ادلّ " هل تعرف " بيت محمد بن سالميين ... ؟




انا : لأ




الشيبة : افا ... < والله قالها بكل حقارة ...عاد الشيبان يعرفون يصتصغرون الناس


ألحين انا شو دراني بمحمد بن سالمين !



::::




واحد غيره ..... هذا عاد غير شكل ... وما بنسى هذاك اليوم ..لأنه كان تحفه



هالشيبة .. نسّـاي " بينسى كتيير" فعقب ما خبرته إني من اتصالات ... ويايين نصلح التليفون ... و عرفنا .. وقال تعالوا... وبدى يدلينا البيت ... وفي نص الشرح .... سكت شوي .. وقال . ..: ألووو ؟




قلت : هيه نا ويّاك كمّل ...




قال: أنته منوه ...؟



أنا: !!!!!!!!!!!!!!!!!!!!!!!!!!!!!!!!! ^^"



اتصالات وياك ...!




قال : شو تبوون ...؟ والله نفس الصوت ... وهو إللي كلمني ... بس ما عرف شو استواله ..؟



ورديت اشرح له من يديد ..... يايين رنكب .. بلااا بلااا بلااا




جان يقول .. هيييه ............ وبدى يشرح بيتهم وين .. بنفس الطريقة ..... وسكت شوي ^^




جان ... اتبسم ويّـا ربيعي ... واحطه سبيكر ..... جان يقول: منوووووووووه؟ لا ومعصب بعد



خخخخخ




يذكرني بدووري إللي في فيلم نيمو








الصراحة اتونس بذكره



:)


هالمرة عيوووز




ردت عليّه عيوز ... عمرها .. فوق 50 << شو دراك ؟



هلا فديتك ...^^



لو سمحتي ممكن ادلونا البيت ...؟



قالت هيه تعال سيدا من الشارع العمومي .... وبييك بيت محمد سلطان .... خلّه يزوول !




عقب بين فالح بن سرور " اوني اعرفهم " .... بعد خله يزول



عقب .. بيت الريـّيم بنت خميس خلها تلتعن ^^ لا حول ولا قوة إلا بالله






بتشوف .... عدال بيتنا فله عوده " كابيرا " لونها اصفر خايس " الله يسمّهم .. مجبّل شرقي المسيد




" كانت تتكلم بكل برووده "




وكثيراً .... ما يردون عليّ بهذا الجواب ... عندما اطلب العنوان ... وهو



رووح الدكان .. و قوله بيت فلان وين .. ؟


لكن واحد حطمهم كلهم .... قالي بكل بروود ...: امس يونا هوم سنتر .. مركبين اثاث .. تخبروهم .. وبيدلونكم البيت .. !!!!!






< سامحوني في الأمثلة القصيرة ... ولكن هذا ما يحدث في الواقع


.. وغالباً ..


لا استطيع معرفة البيت .. ويراجع الإتصالات !!




الصنف الثاني




النايمين



حطوا في عيون الإعتبار >> مسكين هالإعتبار



إننا نداوم الساعة 7 الصبح .... و انا ارئف لحالهم.. ما اتصل إلا ثمان ... يعني وايد ارحم " وييين ! "



والناس راقده ... ففي واحد كان شوي مثقل نوم .... كلمته .. ومن صوته باين إنه راقد ... وصوت اللحاف .. يحركش في السماعة



ألووو ... اممممممممممحححهههه




ىىىه شو تبووون ...؟



نبى ندل البيت .... ؟



قال : هييييييييييييححححح



انا الحين في الدوااام ... وبكلمكم بعد ساعة ... ^^




ما شاء الله عهالدواام ... وناسه ... !




ممممم




شو في مواقف بعد .......



هيه


من هالراقديين .... واحد رد علينا .. وعطانا الوصف ... ووقفنا قدام البيت ... وضربنا هرن ...جان يطلع مب هو البيت .. .!


ردينا كلمنا الريال ... وعطانا وصف ثاني مغاير عن الاولي تماماً


ووصلنا للبيت الثاني ..... و طلع مب هو " نوت هيم "




ضيّع علينا ساعة



وكلمناه .. و بعد عطانا وصف ثالث ... والله إنه ابداً ما يشبه الوصفين الأولانيين ... جان اصرخ عليه ..




واقوله .. حووووه الطيب ... و الله عاقنك " ...


جان يقول ... : انا بخبرك .... ما عليه ...


" وعصب الأخ "


و سكر على وييهي .. ولليوم أنا عايش



:)




الصنف الثالث



البنات




عاد هينه انا بختم بهالقصة



كان يا مكان في قديم الزمان ... جاني طلب ... تركيب انترنت بأسم واحد




رحت البيت ... واستقبلتني البنت بكل احترام وتقدير .... .. لكن خارج الحوش ....!




ويوم دخلنا الحوش .. تمّت اتلفت " شي كييبس لووكنق اراوند" جنه خايفه من حد


ويوم دخلت البيت فتحت الباب شووووووييي شوي


واندست ورى الباب تتريانا ندخل .... .!



ويوم دخلت حطت إصبعها على براطمها وقالت هشششش ..... !


يا ويلي !



اهنيه انا خفت و اوجست من نفسي خيفه ... العامل اللي عندي اخذ يتبسم ...!



جان تقول .. ما ابى حد يعرف إني مركبه النت !!!!



قلت : لكن الطلب باسم ابوج ... قالت هيه .. ابوي بس هو إللي يدري ... امي واخوي ما يدرون



جانتقول لي .... اقصد تهمسلي ...فوق فوق ..


و نقلت اصبعها من وييها و أشرت إلى الدري " الإستييرز "


ورحنا فووق ... وركنا النقطة .. ونزلنا علشان نوصل توصيلات خارجيه ... وهيه


تتلفت يمين يسار .... جان توقل. . صبروا ... ونزلت قبلنا



وقالت الطريق " سالك " .. نزلوا << لا اسووولف :)



بعد شوي قالت يا طلعوا الحين .. ولا تتأخرون ... يوم توصل ... وقف السارة برى ... ودقلي دقة .. ودش من باب المطبخ .... !



اوووكييه


ونحن برى .... إلا ... نيسان .... وسط اخضر رصاصي..... حتر ... يصيح ويلات في الحووش ... وينزل منه واحد طوله ثلاثه منّي... وعرضه أثنين مني ولابس شرات لون سيارته .. ادريس شرطه وجواتي هالكبار .." بووووت "




وقال هاي سيارتكم ... "عليها شعرا إتصالات " ؟




قلت هيه




جان يزخّ " كاتش " الأقرب فينا .. الحمد لله إنه كان العامل المسكين








ودزه صوب سيارتنا وقال يلا برى ...... وهو يقول .. جيه ... إلا وباب الفله من ورانا


يتسكر بقو ... ولفت إنتباهه .. وصرفه الله عنّـا ^^




" يخسي .. شو كنت بصفعه لو وصلّـي =) "








ويدق الباب دق .. ويصرخ عليها .. .ويشتمها شتيم .. ما تقوله حق كافره .. عوضاً عن إختك ....



يا الـ....


يا الـ....


يا الـ....



والله ما تركـّبينه....


وهيه ترد عليه ... مب عكيفك .... و تصييييييح . .!


ابوي هو إللي سوالي إياااه ... و يرد عليها .. جاااااااااااب



وصد علينا .... إلا وانا اعطيه وييييل ... والشردة ثلثين المريلة



^^


الله يهديهم

29 حـط تـعلـيـق:

desires يقول...

سوالفك حلوووة

الله يعينك على شغلتك ..

غمضتني البنت اللي تبى تركب شامل ..

والعيوز نقعتني من الضحك ..

ramadeah يقول...

هههههههههه
ماشاء الله
اسلوب السرد عجيييب وممتع
وينسيك هم المذاكره :( ><

اهم شي بيت محمد بن سالمييين خخخخخ

الحمدلله ان بيتنا مايضيع وسهل وصفه
:|

مستر مطوع يقول...

ديزاير ....... ليش تعاطفتي ويا البنت ...؟ بصراحة شكلها .. ما تستاهل نت ... ما ادري ليش .. وأحس إنه اخوها معاه حق .. "صح مب بهالأسلوب .." لكن .. في إن َّ في الموضوع




= )



رمادية ....... مستغرب منج بصراحة

إنتي الحين سعودية أو إماراتية ... كيف تفهمين لكلامي ... لأكثر من مرة .. اراجع بلوقج .. لأتأكد إنك مب إماراتية .. . :)

وتسلمين ...عالرد

غير معرف يقول...

اسلوبك ممتع

والناس عجاااايب والشيااب اعجبهم
ربي يحفظهمـ ويطول با اعمارهم



بنـ الشيوخ

ramadeah يقول...

خخخخخخخخخ
آي نوو فروم ريدنق آلووت باللهجه الامارتيه :)

لهجتكم مميزه << تعجبني ,,
مرات اقلب اماراتي لاشعوريا ومحد يفهمني خخخخ

رمستك افهمها بسرعه بس ليل دي غير !
فيها صعوبه شوي :/

غير معرف يقول...

اتخبل ع سوالف الهاااوسز ,, بس تعوور قلبي ساهات ,, الله يعينكم يارب على هالشغله ,,

صدق البيوت اسرار ,, ومحد متهني

..
لا تحرمنا من هالمواقف وكثر منهاا

>> دزاستر

desires يقول...

مستر مطوع ..

أحينه مافي مخلوق ما يستخدم النت .. أحس مايسوى عليها كل هالمغامرات و الخش والدس

و دام ان أبوها راضي خلاص .. المفروض أخوها ما يدخل كخخخ

و اذا خايفين عليها من الصياعة .. ترى في ستين الف طريقة للواحد عشان يصيع وخاصة في هالزمن

افف انا شو خصني

WHATEVER

مستر مطوع يقول...

بنت الشيوخ .... آميين في طاعة الله =)




رمادية ....... ليل دي .. رمستها بيور لوكل ..انا شوي انترناشونال ...حضر :)


دزاستر .......... إن شاء الله .. عندي ريعي يكره الأناشييد مووت ... لكنه متخبل على الهاوسز ... ويقول ياريت تخصص لها بلوق خاص ^^*


دزاير ........ والله ادري إن النت مطلوب حتى عالصغاريه ... لكن هالبنية شكلها مب حق دراسة وشغل .. :)

عالعموم ...... مثل ما قلتي .. مالناش دعوه << ( ملناش دعوه وجذيه عيل لو لكم دعوة ما دري شو بنسوي خخخ )

^^

غير معرف يقول...

يسعد ايااااااامك

كل شى حلو

اسلوبك مميز

كنت هنااااااا

silent flower

الغواص يقول...

^_^


اتابع مدونتك من فترة ,,

اسلوووبك رووعه .. كله ولا سوالف الشوااب ..هههههه

كثر من سوالف الهاوسز .. والله ونااسه هع

مستر مطوع يقول...

مشككككككوووووووووووورة يا سايلنت


الغواص ........ وين "غاط ّ" = )

lil.D يقول...

هههههههه أيوه يشتغل الحش فيني هنيه ماعليه يا رمادية انتي ومستر مطوع لووول .. >___< أفا يا رمادية شقايل ما تفهمين شقول >_< .. شو الكلمة اللي عقدتج هههه


مستر مطوع!! .. شقايل ما تعرف بيت محمد بن سالمين >___< ... هههههه

موضوع عجيب صراحة :) وفعلا الناس اشكال وانواع! .. وبعدين عن سالفة البنت والشامل .. مرات الاخو يكون فعلا ظالم اخته بس الله اعلم شو حالتم .. ولكن الاهم انك (نفدت بجلدك) لووول




اذكر مره فمنتدى (اصدار الامارات) مسوين موضوع عن ضوروة وجود طريقة يديدة فالدولة ليسهل على الناس استخدام العناوين !! بعد موضوعك لوول عرفت خطورة الموقف

مستر مطوع يقول...

رمادية .. جكوونا ^^"


لاااا يا ليل دي .. انا بس كنت اشرح لها الفروقات السبعة بينا وبينكم :)


تضحكين عليّـه .... بييج يوم بطيحين على شيبه بيطفر فيج :)


نفدت بيلدي ......هذا اهم شي


والله امبوني .. بكلم البث المباشر " وانس " بس عقب تعايزت اخاف يضكون

والسالفة يبالها .. اكثر من وزارة للتحديد . .! أظن

fromthelife يقول...

والله أغبطكم على هذي الشغلة ..مسلية ...فيها مغامرات..ومنها فوايد :D


المفروض يركبون في كل بيت نفيجيشن( ما أدري اذا جي اسمه )

المهم هذا إلي يطلّع اسم المكان في الموبايل :d...

فجأة بيطلعلك بيت محمد بن سالمين :d

M.K يقول...

السلام عليكم مطوعنا...
أحلى شي سوالف الشياب والعيايز...
لعنت أهل الفريج كلهم...ههههههههه
...
وعادي أخي عد النخل مب مشكله..
من متطلبات العمل ...
.....
الله يحفظك ويسهل عليك شغلك يارب..
......
في أمان الله...

مستر مطوع يقول...

من الحياة ............ ترى في اشياء مب حلوة في هالشغلة .... :)


وياريت يحلون هالمشكلة بأي طريقة ... يعني عيابنج الحين أنا ما عرف بيت محمد بن ساليمن ... ؟ =)


ام كيه ......... الله يحفظها ... نسيت اقول لج .. نغمة تليفونها .. كانت .... شلة حق عيضة " أظن" يقول ... امووووووووووووووووووووووووووووووووووت أمووووووووووووووووووووووووووووووووووووووووووووت أمووووووووووووووووووووووووووووووووووت .. والله ما عرف شو نهايتها ... بس كله جيه ... :) وترد عليج بسرعة .. ماعندها كاني ماني ...

ظبيآآنيـه يقول...

ههههههههههههههههه

ويني عن هالموقع انا ؟؟
والله اني يلست اقرا في الموضوع 3 مرااات ..

دووم دووم حطلنا هالمواقف الحلوه ^^
انته تتوهق ونحنه نضحك ^.*

غير معرف يقول...

ههههههههههههه


حليلها العيــــــوز ع نياتها






عاشق الاندومي هع

أسامة يقول...

أضحكتني أضحك الله سنك

طيب بما انك في اتصالات ممكن تحل لي موضوع الشامل :)

مستر مطوع يقول...

ظبيانية ........ :) إنتي ادعيلي بالفياجة ... لأتفيج للكتابة :)



هيه والله ..........يا راعي الأندومي بالــ>>



واو أسامة باسمه وحرفه ... !!

ادام الله سعدك .. :) ... وسلامة الشامل ما تشوف شر :)

مستر مطوع يقول...

ظبيانية ........ :) إنتي ادعيلي بالفياجة ... لأتفيج للكتابة :)



هيه والله ..........يا راعي الأندومي بالــ>>



واو أسامة باسمه وحرفه ... !!

ادام الله سعدك .. :) ... وسلامة الشامل ما تشوف شر :)

غير معرف يقول...

ههههههههههههههههههههههه
أقرأ لك الكثير لكن هنا متت من الضحك !
طبعاً لأن الكستمرز اللي تنصبولهم النت نفسهم اللي يكلمونا على 101 !

أنا : الحساب باسم منو ؟
الكستمر : اسمي أنا !

""كأننا نعرف الأسماء سبحان الله !""
------------------
أنا: شنو أسم الراوتر؟
الكستمر : هذا مالكم من عندكم وما فيه عليه اسم.
أنا: يعني فاضي ما عليه حروف ولا كلمات بالإنجليزي ؟؟
الكستمر : لا أبد "الفكرة أنه ما يريد يقرأ بالإنجليزي"
---------------------
أو اللي يدور على الراوتر بكل البيت ويقول ما لقيت شي ، بس عنده حساب شامل !
------------------------
أنا: شنو الإضاءات اللي شغالة على الراوتر؟
الكستمر : كلها كلها .
أنا : طيب ممكن تقرأ اللي مكتوب عند كل وحدة؟
الكستمر : بس البور شغالة !!!!!!
-----------------------
الكستمر : انتو ليش ما تفهمون ؟؟ أقول الانترنت شغال بس الصفحات ما تفتح !!!
----------------------
لله في خلقه شؤون !

أشكر لك مشاركتنا خبراتك والله يعين :)

مستر مطوع يقول...

اووووووووه .... هذا من عائلة إتصالات ... للرئية دلالات ....:)



الله يعينكم عالشغل ... بس والله الناس مب غبية .. لأنها ما تفهم .. ولكن لطيبة انفسهم وبراءة نواياهم .. فمايبون يجروحونك برد مب منطقي .. فيحاولون الرد بكل عفوية .. << وهاي هيه النتيجة ^^

غير معرف يقول...

هاي المره الالف بعد المليون اللي اقرا فيها هالقسم

والله حبتين .. يفطس ضحك :)

وينك عن عالقسم من زماان :) ..

Unknown يقول...

toms shoes
christian louboutin shoes
cardinals jersey
toms outlet
michael kors handbags
nike trainers
michael kors handbags wholesale
oklahoma city thunder jerseys
packers jerseys
golden state warriors jerseys

风骚污男 يقول...

20170220 junda
oakley sunglasses
ugg uk
mulberry bags
toms shoes
michael kors handbags
replica watches
tory burch outlet online
true religion jeans
beats by dre
michael kors

chenmeinv0 يقول...

louis vuitton outlet stores
louis vuitton handbags
michael kors bags
nike sb stefan janoski
ray ban glasses
louis vuitton outlet
cleveland cavaliers jerseys
ralph lauren polo shirts
pandora charms
christian louboutin pas cher
2017.2.27xukaimin

Unknown يقول...

canada goose jackets
chargers jerseys
ralph lauren pas cher
air force 1 shoes
nike air huarache
ray bans
nike air huarache
michael kors outlet
miami heat
michael kors outlet

Unknown يقول...

borse louis vuitton
thomas sabo
jerseys wholesale
michael kors outlet
michael kors outlet clearance
louis vuitton outlet clearance
christian louboutin outlet
chrome hearts outlet
michael kors outlet
louis vuitton outlet
chanyuan2017.03.18

إرسال تعليق

كـلمـة ئـصـيـرة .. تـمحـي بلاوي كـتـيـرة