14‏/09‏/2008

قرنيتي مخروطية


= (



إن لله وإنا إليه راجعون




بخبركم السالفة من طأطأ لسلاموعليكو ... بس باختصار



انا يوم كنت صغير ..... كانت فيني حساسية قوية فعيوني ... وياما كنت آخذ إجازات .. من المدرسة ... و يترسون عيوني مرهم أبيض شرات الغمص .. طول الليالي.... لا وبعد لبسوني نظارة شرات القراصنة وحده سودا كاملة والثانية .. سودا مخبقة .. ( تحتوي على ثقوب )


ويا ما ضحكوا علي الناس ... واقرب الأصدقاء .... و عقب .. طلعت لي سالفة الرمد الربيعي .. إللي زادت الطين بله ... فتحولت عيوني للون الأحمر .. لحتى لم أعد أتذكر لونهما الأصلي ... لسنين


وبكل صراحة ..لا ادري شو اللي صار ... لكن كل هذاك راح ... و بديت البس النظارة .... من صف اول عدادي ... وعشت حياة طبيعية ... وبعدين .... يوم خلصت الثانوية .... وكدينا فيها
دم قلوبنا ... إنعورنا .. ( لا تسمعون كلام اهاليكم .. طبوا الدراسة ..ما وراها غير الحول و العمى)


^ ^


بعد الثنوية ... نقص نظري وايد .. فراجعت مستشفة مغربي ... وقالوا لي .. ما عليه .. عندك
قرنية مخروطية ... .. بسيطة ... انته البس هالعدسة الصلبة ...
( الله وكيلكم ... ما جذبوا يوم قالوا صلبة ... صدق جنها غرشة )
وتميت لابسنها .. سنة كاملة ... عاد ما يحتاي اخبركم عن الإنزعاج و التعب إللي
ياني منها ... بس كملت سنة بالعافية .... عقب .. طبيتها ( تركتوها )
من دون سابق إنذار ... وعدت لنظارتي الحبيبة .... وها انا ذا ... عايش
في هنى ومنى وسعاد و ياسمين و فلة ..... حوه حوه بيب بييب


وقبل كم يوم .... حرمة اخوية سارت اتسوي عملية .. حق عينها .... وعاد تعرفون
العايلة ... يوم حد يسوي .. عملية .. الكل يحتشر ... ها يفلان .. سر
فحص عيونك .... يقولون دختور فلانة .. طرررر ... و مظبوط .... جان اشل
بعمرية ... واسير اسوي فحص.... وتطلع الفضايح والفاجعة .... قالي الدختور
... عينك بتنفقس .... لو ما سوينالها عملية الحين
...
هاه ؟ هاه !


لا أدري لا أدري



شو عملية .... قالي .... انت معقولة ما سويت فحص .. من قبل .. ولا حد
قالك ؟ .. قلت سرت عند قوم مغربي .. وعطوني عدسة صلبة ... قال
لا يا حبيبي ما ينفع يا بابا
( ما استوى دكتور ... عتوقه توباك صارت )


لازم عملية اسمها حلقات القرنية ..... وهيه بكل اختصار
..
( ما اتسوى بلوق كل يوم عملية .. صار مرجع لطلاب كلية الطب)


بيحطون لي خاتم بلاستيكي حوالين القرنية .. بحيث تشد و تمسك القرنية .. من " الشطوح" للأمام

وبس



فادعوالي بالسلامة الله يخليكم


العملية بتكون ذا دي آفتر تومورو

في مستشفى مورفيد في المدينة الطبية في دبي ... ما يحتاي اطرشون
ورد وهالسوالف .. ما بتم في المستشفى اكثر من ساعة
:)

بيني وبينكم


خايف والله.. هاي عين مو حيالله . . بعدين الكملية بتكون في العينين ....سوا ... ضربة


11 حـط تـعلـيـق:

moayad يقول...

أجر و عافية يا رب


عساه خفيف و بارد

ramadeah يقول...

طهور
ماتشوف شر ان شاء الله

انت بس لوتخف من النت وبوستات "الدبل"هاذي
كان ما شطحت عيونك ><

>>> برااااا

M.K يقول...

أجر وعافيه...
لايبتلى الا المؤمن...
الله يعافيك ..
وطمنى عليك...

غير معرف يقول...

اجر وعاااافية يارب ..
تقوم بالسلامة وان شاءالله ماعليك شر ..


>>> دززاستر

غير معرف يقول...

أجر و عافية,,
و إن شاء الله تنجح العملية
و عاد خبرنا إذا كانت ناجحة 100%
لأن عندنا في السعودية يقولون ماللمخروطية علاج..!!

غير معرف يقول...

صطور ان شاء الله
والله يسهل عليك ويعافيك ، وأمة محمد أجمعين ,,

غير معرف يقول...

الحمد لله على السلامة أخوي،
ممكن تعطيني اسم مركز ثقة يسوي العملية ذي،
ترى ودي أسويها بس للحين متردد..
اذا في مركز طبي أو مستشفى بأبو ظبي يكون أفضل،وجزيت خيرا.

غير معرف يقول...

^
^
تري مستعيل الله لا يهينك!

lil.D يقول...

سلامات يا خويه ما تشوف شر!!
وطمنا عليك !!

عساك مأجور ان شاء الله

أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك

مستر مطوع يقول...

آميييييييييين يا رب العالمين ... ومشكورين يا جماعة



وللمستعيل .. أقوله . أنا سويتها في مستشفى مورفيلد في المدينة الطبية فدبي
http://www.moorfields.ae

عاد زين ولا لأ ... ما ادري ..انا سويت العملية و بعدني البس نظارات سودا صبح وليل .. واجر عندي .. موعد ... والنتايج بتطلع في شهور ... اسأل عنه غيري ^ ^


والله يشافيك ويعافيك

= )

silent flower يقول...

اسعد الله قلبك ومتعك بقوه النظر

رغم قسوه الالم اللى فيك

لكن والله اسلوبك موتنى من الضحك

الله يشفيك ان شاااااااء الله

طمنا عن اخبارك

إرسال تعليق

كـلمـة ئـصـيـرة .. تـمحـي بلاوي كـتـيـرة