طبعاً كما تعرفون انا اشتغل في إتصالات .. ( كهربجي) اركب تلفونات وانترنت
في البيوت وتستويلي مواقف غريبة <<< ( مليت اقولكم هالمقدمة كل مرة ... حشى
استويت شرات عدنان ولينا .. (( اندلعت الحرب العالمية الثالث في عام 2008 ))
=)
راح ابدا بالأكثرهم تعلقاً في ذهني و اشدهم غربة ودهشة
السلاسل
دخلنا مرة في بيت من البيوت القديمة لتصليح عطل في الهاتف
ويوم كنـّا في الصالة ... إلا و نسمع صوت سلاسل ثقيلة تتصاقع و تتحرك !
انا تذكرت إني سمعت هالصوت في بيت أنجليزي عنده جلب عوود ... فأخذت حذري وقبضت السكروب ووقفت بوضعية التأهب للشردة
" ما استوى تلفون هاللي بتصلحونه "
والصوت " كرمالوه " عم يتقرّب اكثر و أكثر و صوت السلاسل مزعج ..! شتت ذهني ما قدرت اركز في شغلي
حتى دخلت علينا بنت طويله ....تمشي ببطئ شديد ... متغطيه بعبايه متبهذله ... والسلاسل مربوطه في ريولها
!!! _ !!!
طلعت هي أم السلاسل ... وقفت شوي حذالنا .. والصراحه أنا تجمدت من الخوف ... قلت هاي اكيد مينونه .. و رابطينا عن تنقز علينا
والله أنا ويـّـا افكاري وتخيلاتي ... أقول هاي الحين ماسكه سجين تحت العباه ... والله ذكرتني بالبارده في وادي الأمان :)
هيه المسكينه التفتت علينا ثواني .. وعقب كمّـلت زحفها إلى حجرتها ... والسلاسل تتبعها بكل .... بـ ر و د
!
الله يشافيها ويعافها من إللي فيها
:(
::::::::::::::::::::::::::::::::
من اغرب المواقف كذلك .... وهذا لازم تركزون معاي وتتخيلون زين ووتعتبرون لأنه .. و بكل صراحة أثر فيني واااااايد
:(
وهو ... إني في يوم من الأيام ... اتصلت على كستومر مقدم طلب لتركيب الشامل " انترنت "
فردت عليّ زوجته أو اخته المهم وحدة ... فقلت .. السلام عليكم ... معاكم الإتصالات .. هذا بيت فلان الفلاني ؟
قالت : نعم
قلت : ... فلان مقدم على طلب تركيب الإنترنت في البيت ... هو موجود في البيت حالياً ؟
...
..
.
ولم اسمع إلا صدى صوتي .... .. ما نطقت بشي !
شوي سمعت حركشة و لخبطه .... !
كأن السماعة طاحت وشـلـّها مرة ثانية
و ترد عليّ وحده ثانية .. تقول ... عفواً اخوي .. فلان مات أولت البارحه
يـلا سكــّـر " اغلق الهاتف "
واسمحلنا
!
و
طووووووووووووووووووووووط طووووووووووووووووووووووط
طوويلة طعنت ... أذني و قلبي و فكري
احس إني انقرصت وانتبهت لواقع حياتي التافه
انام لأني نعسان أكل لأني يوعان .. اسمع لأني ملان ألعب لأني طفشان
ما اسوي شي .. لأني اريد الاقيه بعد الموت
= (
المسكينه .... يا تـُرى من ردت علي أول مرة ؟ .... اسأل الله لها الصبر
وإنا لله وإنا إليه راجعون
:
ام كشه .... مب كل سوالف البيوت حلوة
المشاركات
13 حـط تـعلـيـق:
السلام عليكم
مدونة جميلة لا أمل من زيارتها كلما سنحت لي الفرصة
وبالنسبة للموقف الثاني فهو فعلا
موقف لا تحسد عليه
أتمنى لك التوفيق
أبو مالك
o.0 >> مصدوومه ..
الموقف الاول .. ما ياك فضول تعرف شو السالفة !!
كسرت خاطري ><
الموقف الثاني .. فضيع .. بني ادم اليوم معاك باجر الله العالم وين !!
>> دزاستر
هي والله صدق مب كل سوالف البيوت حلوة..
الاولى:صدق غريبة وحزينة!!!
الثانية:تقطع القلب.."هاي الدنيا":(
بس حلو انك اتسولفلنا يا مستر مطوع وباللغة العامية
أم كشــة
الأولى مسكينة >>>>>
الله يفرج عليها
و الثانية ....
مألم الموقف . .
اللهم ارحم موتانا و موتى المسلمين
>>>>>>>>>>
مستر مطوع ..
شكرا .. (( على التذكير))
الله يجزاك خير اخي مستر مطوع
مدونة جميلة فعلا
و عورت قلبي :(
إنا لله وإنا إليه راجعون ..
الصراحة موقف صعب والله .. مات أولت بارحة ..الله المستعان .. الله يكون في عونهم ويصبرهم ..
الله يرحمه ويرحمنا برحمته ..
زعلت لهم والله ..
مواقف لا تحسد عليها أخي ،،
الأول حسيت بالرهبة / لو أنا منك صدق بزيغ وبيطيح قلبي *_*
و هذه الدنيـا اليوم على ترابها وغدًا تحتها ،،
اللهم أحسن خاتمتنا ...
السلام عليكم ورحمة الله وبركاته
شحالكـ اخوي..؟؟
ما شاء الله عليك وع مواضعيك
الموقفين لا تحسد عليهم،، بس كلاهما له عبرته،، نحمد الله ع نعمه وتذكير بالموت ويمكن الصحة والعافية
وبانتظار مواضيعك ^^
اختكـ
لا حول ولا قوة إلا بالله
كل موقف يزيغ أكثر عن الثاني
,,..
لك كل الود
زيارتك تشرفني ........يا بومالك
دزاستر ......... هالموقف حصلي اكثر من شهر وللحين استغرابي منه مثل اول يوم !!!!
ام كشه ..........احاول المرة اليايه سوالف حلوة :)
كيوت ............لماذا لا احسد عليهم ... ربما كانت رساله من الله لكي اتعظ فؤحسد عليها ! :)
الدمعة .........شكراً لج :)
دزاير ......... قريتها " لك كل الدود " !!! :)
من ضحك مدوى على الموقف الاول
الى صمت وحزن زلزل كياااااانى
والله وجعنى قلبى
انا لله وانا اليه راجعون
اللهم احسن خاتمتنانحن واباءنا وذريتنا
دمت بخير
إرسال تعليق
كـلمـة ئـصـيـرة .. تـمحـي بلاوي كـتـيـرة