08‏/05‏/2008

دنياك - سمير البشيري




دنياك هذي كلها هز قاروق
ماتعرف الصاحب من اللي معاديك
المال دايم صاحبه يرتفع فوق
والقل خايب لو ترفعت يرخيك
يالعبد هون كل مطرود ملحوق
لاتستهن لك رب ماهو مخليك
اللي جعل لك روح جاعلك مرزوق
كما تكفل بك من الخلق كافيك
يعطي وباب الرزق ماهو بمغلوق
واليا طلبته وانت محتاج يعطيك
الرزق له حبسه وله وقت مطلوق
وان مت تضلع عند قبرك يناديك
والموت جايك لو تقع جوف صندوق
دع عنك بابك من حذر لايعنيك
لا تنشغل بالمال ترى المال ممحوق
ما مالك الا ما تمده أياديك
الجار والعاني لهم شرط وحقوق
والضيف واجب تكرمه يوم يوافيك
اترك طريقه كل عاشق ومعشوق
يرمي بروحك في الشرك ثم يرميك
وبالصبر تغلب صاحب العزم يا شوق
والعزم طيب مير حزات يرميك
وافرح ليا منك عن الشر مدقوق
واحذر صديقك واحذر اللي يواليك
يا رب تجعلني من النار معتوق
واجعل كلامي طيب يوم اوافيك
" برأي .. هي اجمل نشيدة في البوم ايام كامل
آند .. اتز من كلمات محمد القثامي .. صاحب اجمل اناشيد البشيري
مأساة أم و لا للأدمان وزلزال آسيا "

4 حـط تـعلـيـق:

غير معرف يقول...

آآخ البوم ايام بكبره روعه ,,

اي الانشودة اذكرني بدرب العين يوم نسير نتكشت دوم نحطها ,,

تسلم اخويه ,,

خويتك: دزاستر

مستر مطوع يقول...

الله يهديج انتي بعد .... شو فيها العين يتمشون فيه ؟

= )

غير معرف يقول...

اموت بنشيده دنياك يعطيك العافيه لي فتره ادور عن كلماتها ولقيتها عندك يسلمو يديك

غير معرف يقول...

كلمات الانشوده روعه

جزاك الله خير

إرسال تعليق

كـلمـة ئـصـيـرة .. تـمحـي بلاوي كـتـيـرة