23‏/02‏/2008

ذكريات - مشاري العفاسي



اجمل نشيدتين في البوم ذكريات كامل لـ مشاري العفاسي











ريض يا الطارش يا المعنى ... ... خط بكــتابك بترحيبه
لو سرى بك ليــلك وجنى ... ... بالدجــى في الليل تسري به
وإن تسأل عنا له الــمنه ... ... قل عــلى ما كنت تــدري به
مدعــيكم غايب عنــا ... ... والحكم ما يــيوز في الغيــبه
ينبغي الإنــسان يتأنــى ... ... ويحكم بأحــكام مصــيبه
لا تحســب الحــيف ذامنا ... ... النــصف ناخــذ ونعطيبه
سو جميل وبلــغه عنا ... ... بالسلام و ألــف ترحــــيبه
بلغ المــهموم ما تهــنى ... ...ساهر ليــله يهــاذي به
يشغله بالفــكر والــظنا ... ... مــكر وســواس والاعــيبه
حــزن في قلبــه مخفــنه ... ... دون نــاس خــايف تعيبه
قول له اللــي له الــمنه ... ... عالم بالجــهر والغــيبــه
يــعلم بــحالك و لــكنه ... ... يخــبر عبــده بالمــصيبه
من بغى مثواه للجنه ... ... ما رضــى بالنــفس التــعيبه
حدك اللحيــلته يتمــنى ... ... وحده حلمه بيده اييبه
واللي يــقول يارب آمــنا ... ... ما يعــرف اليــاس والريبه
زاده القرآن والســنة ... ... و إن دعــاه الداعي يحيــيبه
طارشي إن ييــت قــول إنه ... ... على العــهد و الوعد نــوفي به

كلمات وألحان : عبدالله اسماعيل
توزيع حمد المانع – حسام كامل



يقولون غناها بن روغه قبله =)






ياحلات الكورال الإماراتي
وياحليلك يالعفاسي ..طلع يعرف يرمس لغتنا
خخخ




::::::::::::::::::::::::::

والنشيدة الثانية عيبتني الحانها وكلماتها


تقولون إنتا منتا انسان اكثر لعبدالمجيد أو الرويشد


:)


قلي لي وين ذنبك بتوصل فيه يعني
حزين وصار حزني عليك إنت يزيد
ترى دربك يا غالي ظلام وماله تالي
سراب تشوفه عينك ولا تظنه يفيد
ياليته يرد ليته خذاه الطيش وسيله
ضرير القلب صاير نهاره زي ليله
حرام تكون ساري وبحالك منت داري
تعال وعود ثاني لربك من جديد
وخل الطيش ماضي طريقه وهم فاضي
كفايه تكون راضي وبهالدنيا سعيد
يا غافل وش جرالك ابيك تشوف حالك
من يبقى في ذنوبه يعيش الهم أكيد
علامك ليه ناظر تأجل ليه باكر
تعال الحين حاول ترى باكر بعيد


كلمات : منصور اثنين واو
ألحان و توزيع : حمد المانع
!

5 حـط تـعلـيـق:

غير معرف يقول...

رووووووووووعه نشيدة ريض يالطارش .. فديتها لغتنا حلوة :) ربي يوفقه اناشيده حلوة وهادفة

moayad يقول...

الظاهر اليوم مزاجك نقازي

:p

انا عجبتني الكلاسيكيات مثل "انت مين" و "تذكر" و طبعا "يا بلادي" ، يعني بالذات الكلاسيكيات اللي ما تضيق الخلق

:)

مستر مطوع يقول...

رمستنا دلع :)




:::::::::::

مؤيد .... إن بطينا قلت عزا إن سرعنا قلت دسكو .. شو نسووووي
= )


من البطيئات عيبتني ... العبقا و يا بلادي و صحبتك

لؤلؤة يقول...

ريض يا الطارش ...روعة...
فديت من حب بلاده...وتسلم يا مطوع..

غير معرف يقول...

السلام عليكم عندي ملاحظه بخصوص ريض يا الطارش يا المعنى القصيده هذه من كلمات الشاعر عبدالله بن صالح المطوع وليس عبدالله إسماعيل كما هو كتوب كما ان هذه القصيده سبق وغناها علي بروغه وتقبلو مروري

إرسال تعليق

كـلمـة ئـصـيـرة .. تـمحـي بلاوي كـتـيـرة