30‏/12‏/2007

حملة مئة يتيم


بسم الله الرحمن الرحيم



اطلقنا في رمضان الماضي حملة خيرية بعنوان


حملة 100 يتيم


وهيه باختصار

إن إللي .. ينزل له راتب شهري ... يعبي طلب كفالة يتيم إللي بيعطونه الهيئة خيرية .. و بجيه بيستقطعون من راتبه ( 150 درهم ) ويتمون
يقصون منه هال150 و هو ياخذ الأجر ... حتى يكبر الولد وتتزوج اليتيمه
أو تكنسل إنت الطلب في اي وقت تريد .... ( لاتخاف اليتيم ما بيموت بيدورون له واحد ثاني )
:::::::::
و إذا إنتا واحد \ وحدة ... ماينزلك معاش ... وما عندك حساب في البنك ... تقدر
تشجع .. واحد من أهلك ... أنه يكفل يتيم ... أخوك أختك خاك
عمك .. اعز الناس إللي عندك ... وبجيه أنت تاخذ
نفس الأجر ( إكزاكلي ) ما ينقص من أجورهم شي .... ( حديث الرسول )
فيعني ... لاحدّ يقول أنا ما رووم .... الكل يقدر .. يشارك .. بفلوسه .. و إعلانه ... ب لسانه .. بنعاله
... صدقوني والله الناس فيها خير.. وتبى تكفل .. بس متعايزه .. او ما تعرف
وين تكفل ... يعني الحين ... الواحد .. يلعب بفلوسه ... كل شهر .. ما
يعرف وين تسير .... وهذا حل كل خواننا و اهالينا لو حطوا
هالفلوس ... في كفالة يتيم .. وتكون صدقة جارية .. وبالسر ... و فيها أجر عظيم
..... بهالحركة الحلوة .....
فلا تستحون ... شجعوا الناس .. روحوا معاهم .. عبوا الطلبات ... و خلوا
الناس ... يكفلون .. ويدفعون فلوس .. و انتم تاخذون الأجر .. بلا خساير
= )
::::::::::::::::::
نقطة أخرى وهي .. أول ما تكفلون اليتيم .. تصورونه او تصورون
الطلب .. أو تصورن أي شي للذكرى .. من عالم الواقع ... واطرشونه ... إلى هالإيميل
ذس إيميل .. إن شاء الله مخصص للمشاريع الخيرية "
.... و بجيه .. ما راح أعرف .. هاليتيم .. منوه كافله .. وهذاك العضو .. كافل أي يتيم
( طبعاً أنتم لا تصورن اساميكم الصجيه ...! )
يعني العبرة ... بجمع صور للمشروع ( صور الأيتام + و صور الطلبات ) للذكرى
و أول ما توصلني أول صوره أحتسبها يتيم نمبر ون وجيه يلين نصل للمية يتيم ... و مئة صورة
:)
واليوم وصلنا للـيتيم رقم 45
فشدوا الهمة
وأي استفسار أنا حاضر

8 حـط تـعلـيـق:

غير معرف يقول...

ما شاء الله عليك فكره وايد حلوه وأنا أول مره يعني أعرف أن البنك ممكن يسوي هالشي صراحه ... يعطيك العافيه وفي ميزانك ..

IT Student

غير معرف يقول...

مستر مطوع
عندي ولدي من السودان و وبنتي من افغانستان
بس ما عندي صورهم
والله خاااطري ارووح صوبهم يعني اشووفهم ايبهم عندي
مب بس الموضوع موضوع فلوس احبهم الله يحميهم من كل شر

غير معرف يقول...

ماشاءالله عليك ..فكل شيء لك بصمة..عاد لا تخقق وايد هههههه
الله يوفقك أكثر وأكثر...وشد الهمه يا مستر مطوع لأنه ما نبغي مستر مطوع واحد فالبلاد نبغي مسترات مطوعين وايد((عاد شوفوا الرمسه المخبقه)).


اسمووووحه

دعواتكم لي تراني محاتجه دعوات خواتي وخواني في ظهر الغيب
بنت الجابري

عيمانيه يقول...

الله يجزيك خير عاد انا اشتغل بدار الايتام وفرحت الصراحه بهالشي يامستــر ^:^

الهنوف ^_^ يقول...

جزاك الله خير

في موازين أعمالك يارب

^_^

ياسيه يقول...

جزيت خيرا اخي..
وبارك الله فيك..

غير معرف يقول...

الله يجزيك الجنة

غير معرف يقول...

يزاك ربي كل خييييير

إرسال تعليق

كـلمـة ئـصـيـرة .. تـمحـي بلاوي كـتـيـرة