26‏/11‏/2007

اوشن إيلفن - ماي فيرجن



بسم الله

يوم كان عمري 11 سنة تقريباً



وفي أحد الأيام الشتوية البارده ... انقطعت الكرهبه عن بيتنا ( أو بالأحرى عن الحارة ) ليوم كامل
طبعاً ... نحن مييتين من الفرحة .... نو ستدي فور تودي




وهدووء ... قاتل ... يسري في ارجاء الهاوس


و


طبعاً نحن متعودين عالليتات التيوب ... إللي ما تطلعّ صوت مووول

:)
ويين ؟
إللي ما تروم تسمع شي عسبتن
طززززززززززززززززز


وفجأة تنقع


طزززززززززززز

فطلعت برى البيت


:


الدنيا ظلاااااام في ظلااااام .... ماشي منوّر غير يبل حفيت

الساعة 6 المغرب .... كل عيال الحارة يالسين جدام بيوتهم ... وحاسيين بالملل

جان أزقرهم ( أناديهم ) صوب المخبأ السري
دار الأرقم بن ابي الأرقم

في سكة الينوبية تحت شيرة النبج
(السكة الجنوبية تحت شجرة النبق )

الشــــــلة تتمركااااز


فلاش باك
::::::::::::
عاد أنا ويا راسيي ... قاص لي على 5 أونـّي الزعيم و القائد عليهم
و المشكلة .. إللي يشوفني ... يقول ها مستحيل يأذي ذبابة
كنت أضعف واحد فيهم .. و أقصرهم ... وأهداهم


و
كنت الأول عالصف - الأول في الأخلاق - الوجاهة دووم في الرزه
كنت المفضل عند كل أهالي الحارة .... يعني إذا صارت مشكلة ... الكل يردلي ... و انا افصل في الموضوع
( ! جيه عبد المطلب ! )

يمكن كنت أكبرهم بسنة
حمد ... منوه الغلطان ؟
حمد ... حط بالك عليهم !
حمد ... وين كنتوا ؟
و هو في الحقيقة
ما تم مشكله في الحارة إلا من ورا راسي

والمساكين
انا أخطط - أدبر - أشجع - و استولي عالغنايم

ويوم تستوي الخايسه .. يحليلهم ينضربوون ضرب
و

انا داخل البيت ... ادرس
:)

:::::::::::::

خلّص الفلاش ..... نرد لإجتماع الشلة

اتيمّـعوا العيال .. عاد قبل ... تدرون شو يعني يهال . . لووول .. نحن و القطاو واحد ... إللي خايس من الزبالة و التواير ... إلي يمص غرشة داقوس ... إللي متيبس السنسول فخشمه وفوق راسه ذبابه ... من عرفته و هيه عليه ... حتى مرة تلاقيت وياه عقب سنين من الفراق ..و اشترى كامري وكالة ... وفنفس الإوقت للي اشتراها تلاقيت وياه ... لقيت الذبابة عيبهته ... و جتني ضحكه . . و كتمتها
:)

المهم ... كانت العلامة إللي تجمعنا كلنا ..... إننا كلنا حافين
بلا نعول

: إنزين عنبوه .. مطر!! ... و إذا تتذكرون شوك المطر سمّ و وصخ الشوارع ... لا تسألون :


و الدنيا .... ظلام ... افتتحت الخطاب الرسمي: أخوااااااني الطلبة
اساتذتي الكرام
مديرنا الفاضل

كما تعلمون أن الكرهب انقطعت .... و قد طرشتني أميه لشراء ربطة الشموع ففكرت في خاطريه ... أن نسرق الدكان

فانتبهت العيون ... و أجحظت

نعم
الدكـــــاااااااان

وسردت لهم الحقائق و البوسبلتي و خط مجرى البروسس

طبعاً ... ما احتيت وقت وايد ... تعرفوون الذكاء ناقع فيهم
:)

بس قلتلهم العدد ما يكفي .... نبى وايدين

كل واحد يسير إييب حد وياه ونتلاقى عند
بيت حصوه بعد ساعة .. ورى الدرس

( المكانو اللزي يوسمى بـ هوش سليبنق رووم)

وفعلاً ... الساعة 7 تجمعنا و عددنا 11

ربعي الخمسه يابوا خمسه من خوانهم ...هذايلا 10 وأنا الـ 11 ...
لاحظوا أنا مايبت أخويه


:)

واتجهت القافلة .... صوب دكان بابوه

ونحن يونّـا حركات .... نندس ورى الشير و ورى التواير .. علشان محّد يشوفنا .. و نحن نزّيغ قوم ! من ريحتنا


.


و طول عملية السرقة ... كل كلامنا

" هيا .. هيا "
ها كل الفصحة اللي تلعلمانها

!!

مطـّـور ....هيا هيا ما بنتريـّـاك
يعني إذا حطيناها في جملة

كلنا كنا نربع حفـّـاي
( نركض وذاوت شوز )
وصلنا الدكان ... وتفاجأنا بالذكي بابوه ... مولع له 5 شمعات في كل زوايا الدكان ووحده في النص
بسرعة اندسينا و ورى التانكي ( خزان الماي ) و
: تشاورنا .... و قررنا ما يلي



1-نحدد إللي بنسرقه

اجتمعت الآراء .... أن نسرق غرشة بيبسي كبيرة .... و كرتون


شيبس من هذاك إللي الحبة بربيتين ونص ... الأحمر كرات اجبن

و كرتون عصيرمثلّج " شربت " بكل ألوانه

نفافيخ ... و كان الغرض الأكبر هو

علبة فستق بست الكبيرة الحمرا... هاي فحياتي ما شريتها

بس مرة شفت خالي كل منها .... ومن ذلك اليوم .. وهيه في خاطري

وكانت عالرف فوق بابوه

....

خلاص حددنا إللي بنسرقه

2- تقسيم الجبهات

كل واحد ويا أخوه .... وأنا ... الطفل الحبوب ... شغلتي ايلس جدام بابوه .. و أسلم عليه ... و ألهـّـهيه ... عن الباجين ...

يت ساعة الصفر ..... دخلت أول واحد .... سلمت على بابوه ... رحّـب بي المسكين بكل حفاوة .... قلت له .. أميه تقول هات شمع .... وجان ينزل راسه تحت شوي .. وطلّـع لي شمع بسرعة ....

ممم .... بخلاف المتفق عليه .. المفروض .. يقعد يحوس شوي ... في المحل

المهم

دخلوا الأتباع داخل الدكان ... بشكل والله كل ما اتذكرهم ... اضحك
يلعن أبو التمثيل ... يعني اونه محد حاس فيهم
:)
إللي داش حاط إيدينه داخل مخابيه .... ورافع جتوفه و منزل راسه ...و إللي
يسولف ويا خوه .. إللي عمره ما سولف وياه ... دووم تصفّـيع
و انواع التمثيل عاد

يلست أنا اسولف ويا بابوه ... أي كلام

وكل واحد خذ موقعه بالضبط

( كل واحد فيهم يلس عّـدال شمعه و اخوه جنب الشفايا )

شفايا = هو اي غرض من الدكان للصغار

أول ما انتبهت لهم
رقيت طاولة بابوه
و رفعت صوتي
وصرخت

1

انبهوا كلهم

2

استغرب .. !! .. بابوه

ثلااااااااثاااااه

كل واحد نفخ على شمعه
و ادلهمّ الظلام في الدكان .... والله ما تشوف شي

تسمع صريخ .. ودربجه ... و قراطيس تتبطل ... و باب الثلاجه يتصرقع و الكول تتراقص و بابوه يصارخ

شو هزا ... بتشا حمااار هرامي
واحد

ويا دوري ... للقفز فوق الفستق

استجمعت قواي .. و نقزت على بابوه

مادري شو دست ... المهم مديت إيدي فوق راسي ... ومسكت علبه ... وكلي أمل تطلع الفستق حقتي

الدكان له .. بابين

نحن أتفقنا إننا نطلع من الباب الشرقي .. إلي صوب الشارع الرئيسي

وها اللي صار .... إللي حاضن غرشة البيبسي

و إللي زاخ الشربت .... و الله يا جماعه .. إنها من كبرها .. كانت واصله من راسه إلين ركبته



يعني صغااااار

يوم طلعنا برى .. نور الشارع العمومي و ليتاته .. كانت قويه ... و


الجو كان مسفر ... اتضحت الرؤيا و ابدينا نشوف كل واحد شو خذ ... وانا اشوف


ها شال بيبسي ... و ها الشربت و ها النفافيخ .... بكل خوف وقلبي


يدقدق .. بطّـلت حضني ..و لقيت علبة أحلامي .. الفستق الأحمر

ونحن فرحانين ....اووه .....

وين نشرد .....بابوه يعرف كل واحد وين بيته ....فأشرت عالشارع الرئيسي .... جان يترابعون = يتراكضون

واختبئنا في الزراعة إللي عطروف الشارع

الراك

مييتين من الخوف ...و كلهم مندسين تحتي ... و مافي تفاهم قاعد .. أسرق من كل واحد شي .. قبل تقسيم الغنايم
و لاّ شو أشوف ...؟؟

!!

؟؟

!!

واحد من هالبقر إللي عندي

سارق كرتون شيبس
مفتوح من طرف
وما كان يدري

فطالعنا ورانا

ولا ... كل متر شبس طايح

خيييييبه

قلت لهم سيروا اندسوا عند الكهربجي
و جان أرد أخذ اكياس البطاطس

1


3


7
ما رمت أشل وايد

وفجأة ... طلعلي بابوه ... من ورى الشير .... بسيكل خانات أسود ... و ياي طرر
جان اشرد بكل ما ؤتيت من قوة
( أركض أركض في الميدان )
ويلحقني بقب ... قصب سكر .... ويوصل عدالي ... ويعطيني بوحده عراسي .. جان أطيح على كم كيسه شبس من هالكبار

وتنفجر عويهي و عبطني
وتختلط الوجبه شويت حشيش على تراب على شيبس داخل حلجي

وهو كمّل دربه
صوب الشلة
واشوفهم استسلموا .. يوم شافوني طحت .. كلهم .. وقوفوا وعقوا سامانهم .. وقعدوا يصيحون من دوون ضرب

!!

مكر

رجّع بابوه .. السامان ... وردفني أنا للبيت ... و زقر أمي ... وعطاها الشموع .. وقالها همد ياكل 7 شيبس ... و دفعت أمي الفلوس .. وهيه أطالعني .. من طرف عينها
( طبعاً هاي النظرة لها معنى ... آخ لو تعرفونه )
:)

وانا المسكين كل همي الفستق

وما استفدت من هالعملية .. غير إني سبحت في الشبس ... واتبهدلت

من باجر .... أمرت بالصبي إللي سرق كرتون البطاطس .. بالضرب .. .. ومنعته من اللعب ويانا اسبوع
:

طبعاً ... صارت بعد هالعملية ... عمليات وايد . إللي كانت بنفس النتيجه و إللي نجحت

المهم .. يوم كبرت .. رديت حقه .. وعطيته فلوس ... ما اردي كم سرقت بس المهم عطيته خير

:)


سبب كتابة القصة : هو النسيم البارد أول الشتى




11 حـط تـعلـيـق:

mangood ngool asameena يقول...

ههههههههههههههههههههه
اخوي حمد .. صراحة انت تتحدى جورج كلوني و براد بت في الفيلم ..
اسلوبك في الصياغة اكثر من روعة ..
دموعي اربع اربع على ويهي من الضحك ..
بس يزاك الله خير بوم رديت له حقه مسكين ..
اخاف يدعي عليك .. بس الله رحمك

مستر مطوع يقول...

خخخخخيييخخكك

أونه منقوود ... =)



يزاج الله خير عالرد ... وانا دموعي اربع اربع .. محّد يرد على بوستاتي



ويحليه راعي الدكان ... البارحه مريت على حارتنا الجديمه و لقيته قالي : في حساب مال ماما فا يدفع للحين :)

غير معرف يقول...

هلكتني من الضحك خخخخخخخ أنا نفس الشي بس لما كنا فحارتنا الجديمه كنت أتيمع انا وبنات ييرانا ثلاث أخذ فلوسهم وأروح أشتري أنا من حرمه تبيع الحلاوه مجابله بيتنا كانت لوووول وبعدين كنت أعطي البنيات حبه حبه لووول والحصه الكبيره حقي زطيه والمشكله بفلوسهم ....

الله يسامحك يا خويه صدق ذكرتني بأيام الطفوله لوووول ضحكتني وأنا على ويه رقاد لووول طيرته خخخ

IT Student

لؤلؤة يقول...

خخخخخخ....زين يا مطوع رديت بيزات بابوه ...
شو سالفة هل العين ويا الدكاكين..

غير معرف يقول...

خخخخخخخخخخخ

والله انيي ضحكت من الخاطر وقريته 87834893 مره لاهل البيت كلهم ..,

تعرف ليش لان ونحن صغار كان اخو ي يسوي شرات هالحركة ..يلم خواتي الصغار ويسيرون الدكان..,
ويخلي وحدة من خواتي ادق واتلهيه وتقول عندك الشي الفلاني وهم من هناك يسرقون ..

عاده انا ليش انهم ما قبلوني ف القروب فتنت عليهم جان يقوله ابوي احسب كم خذت منه تقريبا وخل انرد بيزات الريال ..,

والله رديت لنا ايام جديييمة تسلم :)

خويتك : دزاستر

مستر مطوع يقول...

it >>>>> خخخخخخ يالله يالزط

لولوة ........ مادريبهم :)


يا محلاها من ايام يا دزاستر ... ما تدرين شقد اتعذب يوم أمر من هذيج البقعه

noodlz يقول...

هههههههههههه
ههههههههههههه

والله أنكم سوالف،،
ضحكتني يا أخويه و أسلوبك في كالتابة رووعة,,

حسيت أني أجوف فلم أكشن،،
وخاصة حبات الجبس اللي تناثرت,,

والله سوالفكم أضحك,,
^_^

غير معرف يقول...

السلام عليكم صراحا النشيد وايدة حلوه وكلهم يحبوها وحتى في المدارس يشغلوها احلى مقطع عيبنيه
اشمخ وحنا لك امان وحماية ولك عهد منا نوفي بكل مطلوب

شكرا على جهوكم

lil.D يقول...

هههههههههههههههههههههههه
لاااااااااااااااااااا انت مب طبيعي !!!!!!!!
ههههههههههه
صدق صدق صدق هالبوست ضحكني من خاطر
اكثر بوست ضحكني فمدونتك حتى الآن !!

ههههههههههههههههههههه
آآآه ذكرتني بالذي مضى !!
=( الحين نو دكاكين خلاص لول



هههههه بعد معاقب راعي كرتون الشبس هههههههههه
والله نذاله هههههههههههههههه

لوووول@مكر الصياح قبل ينظربون ههههههههههههههه



الكفخة على راسك جداً معبرة ..
ذكرتني بهندي الله يذكره بالخير ..
يتمون دوم اليهال يطفرونه ..
وعقب يختارون ضحية ما يعرف ش السالفة ..
يقولون له روح صوب الهندي ..
اييك الهندي معصب لوووول وطاااخ ع علباه بالزنوبه هههههههه ..




لوووول ... عفية عليه الهندي :) صادكم

من أبوظبي يقول...

الفريج اللي مجابلنا سمع ضحكاااااتي


مستحيييله مغااامراااااتك

من أبوظبي يقول...

يعني لو أقول جتلتني من الضحك ,,, شوي عليك هههههههههههههههههههههههههاااااي


على فكرة ,, أنا الحين أستكشف المدونة من بدااااتها,, ثرك من صغرك راااعي فزعااات خخخخ ونكّيــت درجة أولى

تسلم روووسن ربتك ,,,

إرسال تعليق

كـلمـة ئـصـيـرة .. تـمحـي بلاوي كـتـيـرة