23‏/10‏/2007

ميوشيشي

هذا أنمي طحت عليه ! ... بالصدفه
وعقب عرفت أنه حاصل عالمركز الأول في عدة كاتيقوريز
العام الماضي
و الصراحة عيبني وسوالي جووو هاليوميين يعني أول ما أسكر
الحلقة ... اعيش مع الأنمي هذا ساعات في الخيال والفانتسي
فاصلة


لييش يوم حد يخبرنا عن شي عشان نشوفه ... ما يعيبنا أو ما نشوفه من أصله ؟
وايد فكرت فيها
إذا حد قالك ... شو الشي الفلاني وتابعه تراه بعيبك
يطلع ما بيعيبك ..... هل ذوق الناس طاح ... او شو
هل يمكن ... اننا في الفيديو .. نقعد نفكر ليش هالفيلم أو الأنمي عيبهم
وننسى جمال الفيلم ؟
هل يمكن أننا نعتبره ( خساره) أمام من سبقنا بالمشاهدة
هل يمكن ... أنه لما يمدحونه لك ... تقعد تتوقع أشياء فوق المستوى المعروض .. عقب تتفاجأ بالنورمل
وأخيراً وهو الشي إللي أعتقده الأقرب للصواب
أنه لما تشوف شي محد تكلم عنه .. أو خبرك عنه مثل

ذا هوست إللي بالمناسبة شفت إعلانه قبل كم يوم في السينما يونه كمنق سوون

و أيضاً فيلم نو بدي نوز

فمثل هالأشياء أنت ... بتكون قاعد تشوف شي ... و أنت حاط أدنى التوقعات ... فلما تنبهر بشئ
تتفاعل .. لأنك ما توقعت هالتفاعل
و هالظاهرة تشوفها في المنتجات الغير هوليووديه
لأنها تصحبها حملة إعلانية سخيفه ... قبل و بعد


but in these anime


فحس الإكتشاف .. يكون ملازم لك طوال مدة العرض .... فلا تفقد المتعة حتى ينتهي الأنمي
خييييييــبة وين وصلت .... خلونا نرد
:)



واصلة
هذا الأنمي من هالنوع
مثل ما لقيته صدفه
تابعته ... و الصراحة شد إنتباهي
برسومه و ألحانه و صمته و هدوئه
لدرجة إني " و لأول مرة " امر عالحلقة أكثر من مرة لأتلذذ بالمناظر المرسومه





بجد أنمي من النوع المحترم من قوم
شوفه ونتا مغمض
;)


مالي خاطر أكتب التقرير ............ ( دخيلك متى كان لك خاطر ) ححح

لكن بقولكم أن أكثر ما يذكرني به هالأنمي هو رسوم كرتوني قديم
أسمه
وادي الأمان

تذكرونه .... وبالضبط حلقة المخلوقات الكهربائية إللي تكهرب الأبطال

وجه الشبه بيت الكرتونين .. هو التأمل و الهدوء و الفانتسي

نظرات وادي الأمان ....و هدوئه ... و تأملات هادي
آنا عيبني .... و توّني في الحلقة الخامسه

و أصبر عـ مينونك
هو 25 حلقة إذا ما قصـّـوا عليّ
" شوفوه تراه بيعيبكم "
;)

2 حـط تـعلـيـق:

moayad يقول...

خبري بالانمي من زمان أوي :)

و من الاساس كنت أفضل الأفلام على المسلسلات ، لكن ما شكلي بجرب حظي معاه دام انه على شاكلة وادي الأمان مثل ما تقول


لقيته تورنت 26 جزء.. بس عسى يكون مترجم !

مستر مطوع يقول...

انا شفت بوستك الأخير و ألعاب عصورك الوسطى = )

الظاهر زمان اوي أوي


وتصدق .... إنا اصلاً انقطعت عن الأنمي

من فتره


لكن ما أدري شو خلاني

أدور عليهن مره ثانيه ... فلقيت ها بالصدفة

:::::

وايد ناس ما يعيبها استايل وادي الأمان
:)

بخصوص التورنت ....... هيه لقيته مترجم بالعنجليزي... بس الملف شبه ميت ... يا دووب 10 كيلو
!!

إرسال تعليق

كـلمـة ئـصـيـرة .. تـمحـي بلاوي كـتـيـرة