20‏/10‏/2007

دويتو 2 :: ياليل :: ألبوم


بعد نجاح ألبوم ( دويتو زوايا ) الباهر


قامت ألوان بإنتاج الجزء الثاني للألبوم


بمشاركة أبراهيم السعيد و احمد الهاجري و حمد الجابري ... بالإضافة لـ

حمود الخضر و المثنى و الرضوان
المقاطع
( والله صدعه )
:
( نايس جوب )
ماي فرست إمبرشن
(( أنتم سمعتم الجزء الأول بالأول ..! أقسم بالله من أجمل الألبومات كلمات و ألحان ...و أهم شي .. أنه الالبوم الوحيد إللي نسخة الؤثرات كانت أروع و أتقن من الإيقاع ))
وهذا ما توقعته في هالالبوم
فلذلك
خاب ظني " قليلاً " ؤوولذو تراه ألبوم حلو
مستحيل يكون السعيد والجابري والخضر و الهاجري ... ويطلع مب حلو
نو ووي
هاي النقطة الأولى
سكند بوينت
في هالألبوم زادوا هالثلاثة
منوه هذا المثنى ... الصراحة ما عيبني
الرضوان ..... تحسن صوته و آدائه
الخضر ....خلاص محد يروم عليه ألحانه و و آداءه رووعه في نشيدته يا ليل
نرجع للكبار
:)
أبراهيم السعيد
نشيدته ... هي الوحيده إللي تذكرني بالألبوم الاول
يالله يارحمن
مؤثرات حلوة + كلمات مبارك العنزي الظاهر العنزي متحيز للسعيد
محدّ يعرف ينشد كلماته غير السعيد
الجابري
حارت الكلمات ... والله فيك يا جابري ... فن والله فن
تعجبني ... بأستايلك .. بأسلوبك .. ونبرتك ... بفنك
نشيدتين الأولى
ياربي
لحن هندي ... و دويتو مع واحد أسمه فاروق بالهندي والعربي
= )
والثانية
حلوة الأحساس
يااااااااربي شقوول
يعني بالله عليكم
إذا خلطنا
آداء الجابري + كورال الخضر + كلمات الجبري
دخييييييييلم شو يطلع
برأيي أجمل نشيده و بعدها أنشودة السعيد
و أخيراً
الهاجري
مممم .... للحين ما عيبتني
يمكن أرجع بعد ما اسمع النشيده كامله
النقطة الثالثة
الإيقاع ساكس .... يعني عوار راس ولوعة جبد موووول ما عيبني
الآهات .... في تطور بالمؤثرات ملحووظ .. بس ما اعتمدوا عليه
...
و شوي مقصريين عليها يا دوب تسمعها إذا انشد المنشد
نسخة البدون .... ما تعبت نفسي اسمع هالنسخة
النقطة الأخيرة
شكل الغلاف ....... طرررر ّ بختصار
= )

6 حـط تـعلـيـق:

moayad يقول...

أول شي اتفق معاك بأن الإيقاعات صدعه :)

باستثناء نشيده أو ثنتين ضابطين ايقاعاتهم شوي


بس الجزء الأول مو الشريط الوحيد اللي نسخه المؤثرات فيه أحلى من الإيقاع.. سامع نسخة الإيقاع من "يا رجائي" بأجزائه الثلاثة.. كارثه !

:)

اذا تبي رايي..

الخضر أبدع بحق بأداءه و إحساسه !!

و النشيدة ماكو أروع منها من حيث الكلام و اللحن الرومانسي..

I can't wait to listen to the whole thing :)


و اختلف معاك بالراي من ناحية أداء السعيد!

بصراحة أنا من أشد المعجبين بصوت السعيد ، لكن هناك بعض الأناشيد اللي أحسها ما تناسب صوته و تطلع منه زنه تحسسك انه ماله خلق ينشيد.. نشيدته في هالشريط من هذا النوع للأسف !

الهاجري بالنشيدة الأخيرة كذلك مو ذاك الزود.. تذكرني بنشيدة "سيدا شباب الجنة".. أحسها ما تناسبه و قاعد يحاول يعصر بلاعيمه علشان يأديها !


الهندية جميله :)

و أداء الهندي فييها احسه أضبط من الثاني.. لكن لازم نسمعها كاملة علشان نحكم



الجابري أبدع كالعادة :)


---

يعني بشكل عام الألبوم شكله يستاهل.. لكنه مو من النوع اللي تسمعه من أوله إلى آخره من غير لا تسوي سكب لبعض الأناشيد

---

في ملاحظة أخيره..

الألبوم اسمه دويتو..

لكن ما سمعنا فيه أي دويتو بين المنشدين :)

كل واحد قاعد ينشد لحاله.. ليشه اسمه دويتو؟

مستر مطوع يقول...

مرحبا .... غيك أخوي مؤيد


عسالفة إيقاعات يا رجائي .... صدقني كنت باعتزل الأناشيد بسبب مصاختها

عاصم البني ... فنان في المؤثرات ... بس طمه ... في الإيقاع

وعمران البني العكس

=)



وبخصوص الزنه إللي بصوت السعيد

والله يا خوي .... إني كنت بكتب عنها ... لكن حطيت العتب عالسماعة
!
= )

والهندي ما ادري من وين لاقطينه .... خطيييير

خخخخخ
:)


اتفق وياك عالهاجري ..... بس ما يهون علي اتكلم عليه
!


وبخصوص الدويتو

الصراحة .... دورت أكثر من عذر و منفذ واكسزيوز و سبب .... و للحين ما عرفت ليش سموه دويتو

و ما فيه غير نشيدتين دويتو بين الجابري و الهاجري
والهندي و الجابري

على عكس الألبوم السابق

كانوا 3 وكل واحد له نشيدته الخاصة
و نشيده دويتو مع الثاني

.......

!!

بس يقولون .... يبون يسرقون شهرة الأول .. و من هالسوالف الإعلامية
:)


قراتسي مؤيد

غير معرف يقول...

القران يهدي النفوس

مستر مطوع يقول...

ما في شك

غير معرف يقول...

و الله ألبوم حلوووووووووووووو -- خاصة نشيدة السعيد - و ما في زنة ولا شي - من وين جايبين هالكلام؟ - ما حد يعلق عالسعيد - بصراحة ابداااااااااع بلا حدود -

غير معرف يقول...

من وييييين جايبين هالكلام الي تقولونه عن السعيد - بصراحة هو ابداااااااااااااااع بلا حدود - ما حد يعلق عليه

*** قلب الندم ***

إرسال تعليق

كـلمـة ئـصـيـرة .. تـمحـي بلاوي كـتـيـرة