23‏/05‏/2007

المهم لا تشحفني

قبل سنة بالضبط من هالأسبوع


جتني فكرة حلوة ... حق سيارتي


وهيه

اني احط استكرات نوادي الإمارات واكتب تحتها
المهم لا تشحفني
فكانت هالصورة
هالصورة ما عرف من صورني إياها
واليوم
لأول مرة اشوف ربعي يضحكون و طرشونها فيما بينهم
ويوم وصلتني طلعت سيارتي و " حركتي " البايخة
بيني وبينكم ما كانت بايخة بل بالعكس اددت واجبها بالضبط
كان هدفي من هالحركة إن الناس ما تستحي مني وتكسر الحواجز
بيني وبينها ... وبجذيه اقدر ادعيهم إلى الله أو على
الأقل اعطيه شريط أو سي دي إسلامي
،
فصرت يوم ادخل محطة البترول " الشيشة " يقعدون يبتسمون لي من دون ما يعرفوني .. فانا ابادلهم البسمة والسلام
واحيانا إذا كانوا من هل الكورة ... يتخبلون عالحركة ...ويتكلمون وياي ويصير الحديث معاهم سهل و لطيف وينتهي بكلمتين نصح
حتى مرة بنت راعية كايين قعدت تضربلي هرنات عالإشارة ...ألين ما فتحت الدريشة ... جان تعطيني
" ثمز أب "
بابتسامة تشق الويه شق
فاستحيت .... جان أطلّع الشريط إللي أسمعه وافلعها إياه
بالرمية السرابية ... والحمدلله جت سليمة
جان اشرد
::::::::::
مستر مطوع
،

3 حـط تـعلـيـق:

moayad يقول...

شنو يعني تشحفني؟

مستر مطوع يقول...

تشحفني


يعني لما السيارة تدعم سيارة ثانية وتسبب بذهاب صبغة السيارة او تضررها


يمكن سكراتش

بالعنجليزي

أو dent

و معجم الصحاح عندكم شو يقول ؟

moayad يقول...

بو بدر الصحاح يقول :

تزلقني

:p

إرسال تعليق

كـلمـة ئـصـيـرة .. تـمحـي بلاوي كـتـيـرة