15‏/05‏/2007

الكستمر حامل


متحيّـر عن شو اقول

والله وايد سوالف تستويلنا ونحن فبيوت الناس

منها إللي ينقال ومنها إللي ما ينقال

بس اليوم او بالأحرى امس استوالنا باركنق ظريف

:::::::::

اتصلنا بالكستومر = الزبون إللي هي بطلة القصة

اخبرتنا موقع البيت ووصلنا في دقائق معدودة لأنها قالت : انا مستعجله !! اوكي

دخلنا البيت ... وكان جدييم وايد

استقبلتنا بعفوية فائقة ودخلت الصالة وقالت حط النقطة في هالمكان

انتبهنا أنها كانت حامل
قاعدين نشتغل في مكانّـا
مستر مطوع

و نسمع المرأة تتكلم بصوت عالي بالتليفون و تقول يلا تعال بسرعة
....

وفهمنا أنها بتولد بعد شوي وهي الأن جاها الطلق

دخل ريال بسرعة للبيت ومباشرة عالغرفة و طلع بسرعة ووراه الحرمة ... توصينا : ارجوكم خلصوا الخط اليوم !!! :) وهي في الطلق لهالدرجة
!!!
جلسنا متسطرين انا وربيعي
!!
المهم خلصنا شغل البيت وبقى شغل من قسم آخر



ونحن في السيارة اتصلت فينا مرة ثانية

نفس الحرمة !! : الوو اخوي ها ركبتوا الخط ؟

انا انفجرت من الضحك ... صاحبي تبسّم وقال إن شاء الله

ولأن ما عندنا غير رقم الحرمة
لتواصل معاهم أجلنا شغلها لباجر

واليوم إلي هو باجر لأن القصة صارت أمس فيمكن ورا باجر يستوي اول أمس إذا صارت القصة أمس

!!
اليوم اتصلنا على بطلت القصة ... نسئلها عن صحتها وصحة الولد

فقال لها صاحبي : هاه بشّري ؟



فقالت بكل جدية : والله للحين ما اشتغل
( كل همها الخط )
فقال لها صاحبي : شخبار الحمل؟
قالت : أيوا الحمدلله جبت ولد
الظاهر هالولد رقم 1 بعد المئة

1 حـط تـعلـيـق:

noodlz يقول...

معقـــــولة@_@

!!!!!!!!!
!!!!!!!!!

لا تعليييق
اللهم لا شماتة!

إرسال تعليق

كـلمـة ئـصـيـرة .. تـمحـي بلاوي كـتـيـرة