01‏/04‏/2007

يواسيني الثاني = ابتسم


السلام عليكم ورحمة الله وبركاته
البارحة السبت

( امبوني ( ماعرف اترجمها قويه شوي

منتظر شريط يواسيني الثاني

بفارغ الصبر




:::::::::::::::::::::::::::::::::


ومثل ما يقولون
من سبئ لبئ
وقفت


أول واحد يالس

مسطنّ = يعني مرتزّ يعني = مترزع
جدام المكتبة لين ما فتحوا واسيير اربع ادخل داخل المكتبة جان اشوف الأعلان إللي مليت منه حق الشريط
واتخبره عن الشريط جان يقول داخل الكرتوون تعال بعدين

شو ! ما يمشي هالكلام عليــّه


خذت سجّيينه من جدامه

( مب مكتبة مطبخ )
واسييير عالكراتين وافتحهم

واخذ نسخة الهارموني من الشريط
روووووووعة
والحين مع دراسة مطوعجيّـة للشريط


:)


:::::::::::::::::::::::::::::::::::::::::::::::::::::::::::::::::::


-----------------------
مؤثرات


جيناكـم


كلمــات الشاعـر: نواف آل محمـــود


ألحان: أحمد وحمد الجابــري


دويــــــــتـــو : أحمد وحمــد الجــابري



نشيدة حليوه ذكرتني بنشيدة أهيل الحب من الجزء الأول
تقدر تسمع فيها إبداعات خالد مندي إللي لعب لعبتة الصعبه في
هذا الألبوم الرائع ،،،وباين انه طابخ الألبوم
على نار هادئة ،،، ووضع خلاصة أفكاره فيه
واسلوبه في التوزيع هالمره مختلف جداً عن
اللي كنا نعرفه ،،، باين انه متوصي في أعيال الجابري ومتحمل فيهم زين
.
أما نبرة الجابري المفرحة والله ما دري ليــــش ؟
والكورال في هالنشيدة ونشيدة دعاة المعالي هو الأجمل
::::::::::::::::::::
يالله
كل البوم في نشيدة مب شي
وفهالألبوم حالف الحظ هالنشيدة لتستحق الكاتيقوري إللي أسميه
(( مب شي ))
:)
يمكن تعجب غيري
::::::::::::::::::::
ربـي
كلمــات : عبدالرحمن اليافعي
ألحان : أحمــد الجـــــــابري
إنشاد: أحمــد الجــــــــابري
انا اكييف عهالاستايل يوم اشرب كرك ولا شي حلو ويكوون باك قراوند
وعقب تعلق في مخك من دوون ما تدري
:::::::::::::::::::::::::::
و نوصل للهيت تراك
النشيدة إللي كراش ذا ريكورد
وهيه
ياليت كال الخلايق
كلمــات : نواف آل محمود
ألحــان : إيـهـــاب الـريـفي
إنشاد : حمــد الجــــابري
الكلمات حلوة خفيفة مب متكلفة مب من الفاحش الغريب .... وفالك المليون
= )
اللحن هو إللي يديد علينا في عالم الإنشاد
لحن راشد الماجد وعبدالمجيد عبدالله
على ما اعتقد ان ملحننا اليديد أخوي إيهاب لو كمّل وييانا بعد
جان سميته
فايز السعيد إسلامك فيرجن
وأخيراً اداء السميّ حمد المعتاد المبهج
::::::::::::::::::::::
دعـاة المعالي
كلمــات : خـليفــة بن عـربـي
ألحــــــان : أحمــد الجــــــابري
إنشاد: أحمــد الجــــــابري
مثل ما قلت قبل في هالنشيدة الكورال ممزوج بحلاوة غريبة
شي من البحرين وشي من ادغال افريقيا وشي من هلا فبراير
:)
:::::::::::::::::::::::::::::::
إبتـسـم
كلمــات : نايف الكواري
ألحــان : نايف الكـواري
إنشاد : حمــد الجابري
النشيدة الرئيسية الألبوم إللي أبدع فيها الجابري وانا متأكد لو أنشدها حد غيره ما راح يوصلها بهالأحساس
وهو احساس الحزن بقليل من الأمل وشويت تربيت عالكتف
بالضبط شرات نشيدته لولا الأمل
كلمات عادية أي واحد يقدر يألفها
( واحد غيران )
واللحن معبر جداً
لازم لأنه لنفس صاحب الكلمات
فراعيها اولى بها
::::::::::::::::::::::::::::::::::::::
هـلا باللي
أهدتني اللحن فأهديتها الكلمات
كلمــات : نــواف آل محمـود
ألحان : زيـنــب آل محـمــود
إنشاد : احمــد الجــــــابـري
جمييييلة جميبة جمييلة
جداً
لحن رومنسي إلا فائق الرومنسية
الله يديم المحبة
كل إللي في هالنشيدة روعة كلمات إسلامية حلال ولحن لذيذ
خاصة المقدمة بالهارموني روووعه فيها انسيابية عجيبة
كل شي بصوب وصوت هالمخلوق إللي فاجئني الصراحة من أحمد خو حمد إللي ما يطلع إلا في البوم الجابري فقط
ما ادري ليش ما ينشد وايد دام هاي إبداعاته
انا بغيت افهم كيف اهدته اللحن قبل الكلمات
:::::::::::::::::::::::::
غب يا هلال
للحين ما سمعتها كلها بس إنطباعي عنها مب شي
:)
يلا انجلعوا حفظكم الرحمن

1 حـط تـعلـيـق:

ام احمد يقول...

السلام عليكم

ادري ان الموضوع من فترة طويلة حبتين وربع :D

بس بصراحه احب اتابع تعليقك على كل البوم ..

بالنسبة كيف اهدته الألحان قبل الكلمات ... لأن المنشد ياخذ الكلمات ويقرأها .. وبعدها يقرر ياخذ الكلمات وينشدها أو لا ..

<< هذا اللي اعرفه يوم كنت اسجّل في الاستوديو :p

ربي يوفقهم ويوفق الجميع ..

:)

إرسال تعليق

كـلمـة ئـصـيـرة .. تـمحـي بلاوي كـتـيـرة