26‏/03‏/2007

ذكريات الطفولة # 1


ما أجمل الطفولة .. وأيام الدراسة
كلها تعيسة... كلها تعييييييساا
ايام الطفولة وما أدراك ما أيام الطفولة
نسرح ونمرح بكناديرنا
!!! هئ هئ هئ من وين لنا كناديير

كله بهافات مردونا هاي إللي بو خطيين عطرف

أو برمودا صفرا وخضرا
وإن كّنا لابسين كنادير نص الكندورة داخل الهاف


:)
نضحك عالكبار ونستقوي (نتعالى ) عاليهال

قصة اليوم

:::::::::::::::::::::::::
هازا يا سيدي يوم كنت في صف سادس

ضربتني حمّى شوي قويّة
وضربت بنت ييرانّا (جيراننا ) بعد
طبعاً انا وهيه ما كنّا مداوميين

وماماتنا..( أمي وأمها) يتحوطن في السوق
وقالتلي الخدامة أن بنت اليران غابية بعد
..رحت ومشيت أقصد زحفت لي ما وصلت بيتهم

(يضرب الحب شو بيذل)

.هق هق هق
وصــــلـــــت
ولقيتها طفرانة مثلي قلتلها ...شو تسوّييين

قالت : كح كح كح ... قوم تعال وراي
دشت داخل
ونا مثل الطرطور ورااااااهااااادخلنا حجرة (غرفة ) خالها

طلّعت مسجّل قديم من
هالكبار
وقالت تعال نتسلّى...!!
شو نسوّي ...!!!!

قالت بنقعد نفجج (نفكك) ونبطّل المسامير !!!!

يلا..قعدنا نفتحها واحد واحد ..
وبالغلط حطيت برغي في حلجي

..وبلعته....!!..


؟؟..!

!حلو
شو؟
طلع المسمار طعمه حلو!!!


قلتلها ..تذوقيه..؟

بلق بلق
هيه حلو

!
قعدنا نبلع كل البراغي والمسامير إللي في المسجّل..
.حتى وصلنا للسماعة
وكلّكم تعرفون السماعة حولها ( مغناطيس دائري) اسود

قعدنا نكسره ونكسّره وعقب بلعناه مع المسامير...

((بالوعة مب معده)) ...

:)

ما شاء الله

عندنا ياهل كان ياكل ورق الشير و النمل وكل شيء يحبه ياكله (بقره ما شاء الله) هع


نعود للقصة

هق هق هق خلّصنا عالمسجّل

كح كح كح شو نسوّي؟

قلتلها عندّي ربيّه ( درهم ) إماراتي


(و الدرهم القديم كان وايد عوود)



شرات مال النقد العثماني



( حاولت اسرطه ( ابلعه


ماقدرت طبعاً طلع من حلجي وهو خايس تفّال
....يع
عطيتها اياه وحطته في حلجها بالتفال
( صدق وصاخه ) ..
وما قدرت هيه بعد تبلع الربية العوودة


رحنا المطبخ ولقينا جدر(كيما) قدر

مال أمس أقصد الزيت مالها...


رحت وغمّست الدرهم فيه وبلعته


أيواهييه بلعته

....متأكد..


كح كح كح أح أح أغ أع كخ كخ
غصييييت

وتربع البنّية


تلحق الخدامة و تربع الخدامه


وتعطيني بوحده عظهري طلّعت مصاريني....


وطلعت الدرهم معاها..

أيام خايسه بس حلوة

= )

صح نسيت أقول إن القصة لفوق الثلاثين


!

8 حـط تـعلـيـق:

غير معرف يقول...

بالوعة مب معده
:)


and we said :

ما شاء الله

مطر النعيمي يقول...

والله انك حفله يا مستر مطوع
تراني شليت القصه وحطيتها في موقعي
www.njmuae.com/vb

noodlz يقول...

الله يسامحك بس،،
أحس أن في ريال في حلجي *_*متأثرة بالقصة..
أححح صدق أحس أني صارطة الريالات و المسامير،،
شكلي وايد اندمجت في القصة و تأثرت بعد،،
بس الصراحة ما شاء الله عليكم،،
بالوعة مب معدة،،

lil.D يقول...

بلعت مسامير !!

زين الله سلمك !!

إنت والإخت الذكية !!



آه ذكرتني مره قصت علي وحده من هلي ... واونها تسوي سحر .. وتبلع شي .. قلت لها بسوي .. وبلعته (بدون ذكر الشي) وبكل غباء .. قلت لها بخبرج كيف طلعتيه؟ قالت ليش انتي سرطيه صدق ؟ قلت لها هييييييييه عيل شووووووو ؟ قالت انا اخشه فثيابي !!


اه كيف كرهتها هاك اليوم لووول بس الحمدلله ماكان ربيه ولا مسمار ولا مغناطيس !

مستر مطوع يقول...

^-^


ليل دي..... طيبه يحليلج ..... :)

غير معرف يقول...

خيبه ... ههههههه جازورا مب مستر مطوع

ههههههههه مسسز مسامير شاده حيلها تبلع ههههههههههه


والله انكم حفله ^^

وماشاء الله عليكم ^^

Hajouni يقول...

هههههههههههههههههه

قول احلف ؟؟

ياريال غير بدل ..

براغي وريال ؟؟

ععععععععععععععععع

والأخت بعد .. وع وع وع ..

الصراحة مت من الضحك .. زين إني متغدي من ساعتين .. ولا كنت برجع الحين
×__×

طريقة عرض القصة ممتازة .وأحلى شيء التنبيه في الأخير -__-

مستر مطوع يقول...

غير معرف .......... جازورا عاد .. ^-^


حاجوني .... صحتين وعافيه ... :)

إرسال تعليق

كـلمـة ئـصـيـرة .. تـمحـي بلاوي كـتـيـرة