02‏/02‏/2007

فحص السكر


سرت الصيدليه قبل كم يوم

واشوف عن الكاشيير علبة فحص السكرفي الجسم
مكتوب عليها هالجمله
هل من الممكن ان تصاب بداء السكري؟
الصراحه خفت على روحي

جان اقول
((خمسه واربعين درهم وقايه خير من قنطار علاج ))

واشتري العلبه

واسير البيت اقرا التعليمات ... ويداي ترتجفان من الخوف

((ما أدري ليش ))

وفخاطري ما اريد اسويه.....خايف من الابره
لا وحاطين صورة اصبع .. مجروح من الابره

وفي التعليمات كاتبين أنه لازم اتسويه عالريج (على لحم بطنك ) بالمصري

ارتحت

الصبح صليت الفير
ومسكت العلبة بكل قوه
واقول

(حان الموعد حان الموعد حان موعدنا )

فإذا بي ارى صورة الاصبع المجروح مره اخرى
واتردد مثل قبل
فقلت
بعده ما مضت ثمان ساعات على آخر اكله

جان ارد ارقد لين الساعة تسع

ويوم وعيت أول شي سويه
مسكت الكرتون
(حتى ما غسلت ويهي :) )

وقول إن اني إلا اصبع دميتي ... وفي سبيل الله ما لقيتي

فتحت العلبة ....جهزت العدة
الكلينكس
المؤقت في التيليفون
شريط القياس

يلست ادوّر السبرنق

جان اكسره من زوود الحماس.....!

خساره كان في العلبه قطعتين حق نفرين
وكنت ناوي اعطيه أميه (ماي مزر ) الوالده

مب مشكله ...بخوّف ابويه وبقوله يتشري حق اميه


اخذت الثاني
واحطه على صبعي ... و ماوحت اضغط إلا ونطر الاسبرنق على صبعي

ابداً ما حسيييت في الابره ..ابداً أبداً

إلا إني اشوف الدم يطلع منه

بدأ العد التنازلي
60
سكند

وعقب الهوصا كلها طلعت النتيجه
نقتف
مب حامل

= )

اقصد إني في السليم
بالضبط شرات هالصورة
^-^"

0 حـط تـعلـيـق:

إرسال تعليق

كـلمـة ئـصـيـرة .. تـمحـي بلاوي كـتـيـرة