05‏/12‏/2006

قنبلة مفخخه


الاسبوع الماضي سرنا


حفل تخريج كلية الشرطة

فبوظبي

سرنا بسيارة ربيعي الكوريلا

وكان الحفل وايد حلو

عاد أنا أمووت في النهايات السعيده

ماسك عمري ليل النهاية

وفي الأخير

مقدم الحفل أو المذيع ما دري شسمه

صرخ بأعلى صوته

وما نيل المطالب بالتمني *** ولكن تؤخذ الدينا غلابا

إهنيه عاد أنا غرغرت عيوني... وانا ما لي خص في الكليه

فكيف بالمرشحين المتخرجين

5 سنين
من الشقى

5 سنين
من المذلة والتعب والدراسة والشغل

كم مره كان ولد خالتي إيني ويشكيلي الحال

لكن الحين

خلاااااااااااص

والحمدلله


موضوعي مب هذا
= )


السالفة وما فيها

ونحن طالعين

لقينا شنطة عدال باب ربيعي

شوييبها منو راعيها

صدقوني أنا مب فبالي ..إلي صوت التك توك تيك توك

ككييك القنبلة
=)



زقرنا ( نادينا) الشرطي

قال عادي عقوها .عالرصيف.. وامشوا


!!!

يمحق شرطه

قلت حق ربيعي ...لا تسكها يمكن قنبلة ....
ركبت السياره
(وبأعلى مستوى للإنسيابة )
:)
قدر ربيعي ان يدخل السيارة من دون ما يلمس القنبلة أقصد الشنطة

ويوم تحركنا

جان يريوس الذكي.. عالشنطة وكسر إللي فيها

وما انفجرت
!
!
والله ما اجذب عليكم يوم ارتفعت السيارة فوق الشنطه انفقع قلبي
من الخوف


= )

وطلعت سليمة



الـسؤال

لو كنت أنت

شو كنت بتسوّي

؟

3 حـط تـعلـيـق:

ظبيآآنيـه يقول...

ادري انه الموضوع في 2006
ونحنه جريب 2009 .. بس عيبني الموضوع ^^

انا لو منك .. جان فجيت الشنطه ^^
فيني روح الفضول .. وبيلس انبش واطالع واستكشف .. وناااسه ياخي

غير معرف يقول...

أنا توني شفت هذا الموضوع ونحن ألحين في 2010>>تو الناس >> أنا الصراحة لوكنت مكانك والله بتم أصارخ أصيح ويمكن يغمى علي بعد أنا الصراح وااااااااااااااايد أتخرع يعني خواااااااااااااااااااااااااااافة أصل

غير معرف يقول...

توني اشوف الموضوع ونحن في 2015 خيييية احس اني من المستقبل ...المهم انا لو بدالك بطلع السيارة عقب بجسيه بقطعة خشب عشان اشوف بينفجر ولا عقب اشوف شو فيها او حطها في سيارة ربيعك وهو ما يدري عشان يشوفها عقب ويزيغ

إرسال تعليق

كـلمـة ئـصـيـرة .. تـمحـي بلاوي كـتـيـرة